تورکیه گه خاص کیلین تاجی حقیده یازوو
برنامه
تورکیه گه خاص کیلین تاجی حقیده یازوو
اسپارته سینیرکینت کیلین تاجی
تورکیه‌نینگ کورکملی توروس تاغلری نینگ ایته گبده جایلشگن اسپارته ولایتی نینگ سینیرکینت تومنی نینگ آتی عصرلب آلدیندن بیر توی تاجی‌دن کیلیب چیقماقده دیر. سینیرکینت کیلین تاجی شهر بلدیه باشقرمه‌سی تمانیدن قیلینگن مراجعت اوستیگه 2021 ییلیده تورکیه‌نینگ ثبت قیلینگن جغرافی محصول‌لری قطاریگه قوشیلگن. سینیرکینت کیلین تاجی نینگ چوکاتی کیگیزدن توزه تیلگن اوستی منطقه گه خاص شکلده بیزه لگن تاج دیر. قول محنتی بیلن ایشلب چیقریله یاتگن سینیرکینت کیلین تاجی نینگ تاریخی عصرلب آلدین تورک مدنیتیدن کیلیب چیقه دی. تاج کیاونینگ عایله سی تامانیدن توزه تیله دی و تویدن آلدین کیلین گه تحفه ایتیب بیریله دی. سینیرکینت کیلین تاجی هرکیم نینگ اوزیگه قره ب توزه تیلگن طفیلی اولاً کیلیشن نینگ باشی نینگ اندازه سی آلینه دی. کیین کیگیز چوکات تیارلنه دی. کیین تاج نینگ آلدین تامانیگه 20 گرام آلتین ویا آلتین گه اوخشه گن سریغ تیمیر پول تیکیلگه دی. پیشانه نینگ اوست تامانیده ایسه 80 گراملیک آلتین تیریله دی، شونده ی قیلیب اونگ و چپ تامانلرگه هم آلتین پوللر تیکیله دی. عین حالده چوکات نینگ تیگره گیده گل نقشه لر بیزه تیله دی و سینیرکینت کیلین تاجی توی اوچون تیار بوله دی.
