كون كیرمه گن اویگه دوکتور كیره دی

كون كیرمه گن اویگه دوکتور كیره دی

عزیز تینگلاووچیلر. بوگونگی پروگراممیزده كوپ بیلینه دیگن و باشقه لری کبی مینگ ییللر تجربه لریدن سوزیلیب بیزگه یتیب کیلگن بیر تورکی متل نی آلیب باره میز. كون (قویاش) كیرمه گن اویگه دوکتور كیره دی چونکه دیب باشله یمیز سوزلریمیزگه.

كون نوری برچه جانلیلر اوچون حیاتی اهمیتگه ایگه دیر. اوسیملیکلر، فوتوسینتیز دیب اتله دیگن بیر جریان سایه سیده كون نورینی قوللنیب اوز غذالرینی ایشلب چیقره دیلر. بو جریان، آکسیجن نینگ هم هواگه چیقیشینی تأمینله یدی. شونینگدیک، اوسیملیکلرنی ییه دیگن حیوانلر و اولرنی ییه دیگنلر هم زنجیرلی شکلده كون انرژیسینی تنلریگه آله دیلر. شو سببدن كون ییر یوزیده گی حیات نینگ دوامی اوچون مهم بیر رول اوینه یدی. كون بولمه سه، اوسیملیکلر، شونینگ اوچون غذا زنجیری نینگ باشقه حلقه لری هم موجود بوله آلمه یدی. كون، برچه ایکوسیستم نینگ دواملیلیگیده اساسی بیر انرژی منبعی دیر.

كون نوری انسانلر اوستیده هم توغریدن-توغری ایجابی تأثیرلر یرا ته دی. اینگ کورینرلی فایده لریدن بیری، دی ویتامینی ایشلب چیقریشی دیر. كون نوری نینگ تیریمیزگه تیگیشی تنیمیزده دی ویتامینی ایشلب چیقریشی گه سبب بوله دی. بو ویتامین سویَک ساغلیغی، وجود مقاومت سیستمی و عمومی تن فونکسیون لری جهتیدن نهایتده مهم دیر. دی ویتامینی ییتیشمسلیگی، استیوپوروز کبی سویَک کسللیکلریگه، وجود مقاومتی سیستمی نینگ ضعیفله شیشیگه و تورلی ساغلیک مسأله لریگه سبب بوله دی. یعنی كون نوری ساغلیکلی بیر حیات کیچیریشیمیزده مهم بیر رولگه ایگه دیر. كون نوری روح ساغلیغی اوستیده هم ایجابی تأثیرلرگه ایگه دیر. تحقیقات لر، ییترلی كون نوری آلیش نینگ سیروتونین هورمونینی آرتتیره دیگنینی کورستگن. بو هورمون، روحی حالتیمیزنی یخشیله یدی و عمومن تیتیکره ک حس قیلیشیمیزنی تأمینله یدی.

كون عیندمده باکتریلر و میکروب لرنی اولدیریشده هم تأثیرلی دیر. تمیز هوا و كون نوری، کسللیک لرنینگ ترقه‌لیشینی توسیشگه یاردم بیره دی. خصوصاً یاپیق و قرانغو محیط لرده، نم و رتوبت کبی عاملر کسللیکلرگه سبب بوله دیگن محیط لر یره ته دی. "كون كیرمه گن اویگه دوکتور كیره دی" نقلی، كون نوری نینگ ساغلیککه قنچه لیک کتته حصه سی بارلیگینی تأکیدله یدی.

نتیجه ده كون نوری فقط طبیعی حیات ایلنمه سی اوچون ایمس، شونینگدیک انسان ساغلیغی و بخت لیگی اوچون هم مهم بیر اهمیتگه ایگه دیر. قویاشلی هوالرده تشقریده وقت اوتکزیش هم جسمانی هم روحی صحتیمیزگه کتته حصه لر قوشه دی. كون نینگ حیاتیمیزده گی بو مهم رولینی اونوتمسلیک، بو منبعدن ییترلیچه فایده لنیش نهایتده مهم دیر.