تورکیه نینگ دینگیزده گی یوتوقلری

تورکیه, دینگیزلرده سیسمیک تدقیقات و هایدروکاربن برمه کارلیک فعالیت لرینی جدل روشده دوام ایتتیرماقده.

قاره دینگیزده گی ساکاریا گاز ساحه سیده تورکیه نینگ اینگ کتته انرژی کشفی عملگه آشیریلدی.  لیکن تورکیه انرژی بوییچه اوشبو پروسه نی قولای بیر شکلده باشلتمه دی.  اینیقسه قبرس ارالی تیگره گیده گی ینگیلیکلر انقره نی انرژی بوییچه ینه ده جدی راق تدبیر آلیش گه اونده دی. 

خصوصاً خواهلنگن پیتده سیسمیک قیدیریش و برمه کارلیک کیمه لری نینگ تاپیله آلمس لیگی آرتیدن, تورکیه بیرینچی قزیش کیمه سی نی ساتیب آلیش گه قرار قیلدی.  شونده ی قیلیب اوشبو ساحه بوییچه بیرینچی کیمه 2012- ییلده آلیندی. 

سیسمیک قیدیریش مقصدی بیلن آلینگن کیمه گه تورک دینگیزچیلیگی نینگ اینگ قوماندان لریدن بیری بولگن بارباروس خیرالدین پاشا اسمی بیریلدی.  84 متر اوزونلیککه ایگه بارباروس خیرالدین پاشا دستلبکی سیسمیک فعالیت لرینی قاره دینگیزده عملگه آشیردی. 

لیکن انقره منطقه مقیاسیده گی ینگیلیک لر و قاره دینگیزده گی کشف نینگ کتته ایکن لیگی نینگ انیقله نیشی آرتیدن امکانیت لرینی آرتیریش مقصدی بیلن مهم قدم تشله دی.  تورکیه معدن قیدیریش باشقرمه سی, اوروچ رئیس ناملی کیمه نینگ قوریلیشی اوچون وطنی امکانیت لردن فایده له نیش گه قرار قیلدی.  بارباروس خیرالدین پاشا نینگ آلینیشی آرتیدن انقره ایکینچی کیمه اوچون بویورتمه بیردی.  اوروچ رئیس نینگ قوریلیشی بوییچه پروسه میلادی 2012- ییلده توزله کیمه توزه تیش مرکزیده باشله دی.  کیمه اوچ ییل کبی قیسقه بیر مدت مابینیده تکمیل بولدی.  میلادی 2015- ییلده سوو گه توشیریلدی.  دستلبکی ایشی نی ایسه اوزاق ییللردن بیری معمالی بیر جغرافیه بولیب کیلگن آقدینگیزده عملگه آشیردی.  پطرول و طبیعی گاز قیدیریش فعالیتلری گه باشله دی.  87 متر اوزونلیککه ایگه اوروچ رئیس, دینگیز نینگ 15 کیلومتر عمقیده هایدروکاربن قیدیریش قابلیتی گه ایگه. 

تورکیه, سیسمیک قیدیریش کیمه لری بیلن کشف لر قیلیشی گه قره مسدن, وطنی امکانیت لردن فایده لنمسدن قزیش ایش لرینی تیزلشتیریش نینگ ممکن ایمس لیگی نی انگلب ییتدی.  شونده ی قیلیب قزیش کیمه لری اوچون اقدام قیلینه باشلندی.  پروسه نینگ تیز آلیب باریلیشی اوچون تشقری دن تدارک ایتیش میتودی گه مراجعه قیلیندی.  جنوبی کوریا مالی بیر کیمه نینگ آلینیشی کیره ک ایکن لیگی بیلدیریلدی.  ناروی دن آلینگن ایلک قزیش کیمه سی گه فاتح اسمی بیریلدی. 

تکنالوژیک جهت دن یوقاری سویه لی بیر محصولدن عبارت فاتح اوز ردیفیده دنیا نینگ اینگ یخشی 5 کیمه سی آره سیده اورین آلماقده.  اوشبو کیمه, 12 مینگ متر دن چقورراق بیر دینگیز سطحیده یوقاری باسیمده قزیش فعالیت لری آلیب باریش قابلیتی گه ایگه. 229 متر اوزونلیک و 36 متر ایسه کینگیشلیککه ایگه.  اوشبو کیمه نینگ ایکّی برجی موجود.  اوشبو برج لرنینگ بیر مینگ 750 تن یوک کوتریش ظرفیتی بار. 

خوددی شوو کیمه دستلب آقدینگیزده وظیفه اجرا قیلدی.  مذکور کیمه میلادی 2018- ییل 29- اوکتوبرده آلانیا-1 ساحه سیده چقور دینگیز قزیش فعالیتینی عملگه آشیردی. 

کیمه میلادی 2020- ییلده ایسه قاره دینگیزده ایلک برمه کارلیک ایشی نی قیلدی.  تونه 1 ساحه سیده 2 مینگ 100 متر چقورلیکده 320 میلیارد متر مکعب طبیعی گاز تاپدی.  بیر ییل کیین ایسه آماسرا 1 ساحه سیده 135 میلیارد مکعب طبیعی گاز نینگ تاپیلیشی گه سبب بولدی.  ینگیلش, حفظ و مراقبت ایش لری نینگ تکمیل بولیشی آرتیدن میلادی 2019- ییل جون آییده شرقی آقدینگیزده ایش گه باشله دی. 

ایلغار تکنالوژی گه ایگه کیمه دن عبارت یاووز بیر پیت نینگ اوزیده ایش آلیب باریش امکانیتی نی تامین ایتیب بیرماقده. 

تورکیه نینگ 3- قزیش کیمه سی ایسه قانونی سلطان سلیمان دن عبارت بولدی.  میلادی 2020- ییلده باشقه کیمه لر گه قوشیلگن خوددی شوو کیمه, دستلبکی چقور دینگیز قودوق تست لرینی قاره دینگیزده تورک علی- 2 قودوغیده عملگه آشیردی. 

دنیا ده 7- نسل تکنالوژی گه ایگه 5 کیمه دن بیری بولگن عبدالحمید خان 12 مینگ 200 متر گه قدر برمه کارلیک فعالیت لرینی عملگه آشیره آله دی. 

تورکیه, انرژی دیپولش بوییچه هم امکانیت لرینی آرتیردی.  ازمیر ولایتی نینگ علی آغا و هتای ولایتی نینگ دورت یول منطقه لری نینگ هر بیری ده بیر ته ال ان جی دیپولش ترمینالی موجود.

تورکیه ایندی ایسه ینه کتته بیر کیمه گه ایگه بولماقچی.  شونده ی قیلیب قاره دینگیزده تاپیلگن گاز نی قوریلیقدن چیقرمسدن بیواسطه دینگیزده تصفیه ایتیش ممکن بوله دی. 360 متر کینگیش لیکده گی اوشبو پلاتفرم ساکاریا گاز ساحه سیده یوز فایز فعالیت گه باشله شی تقدیرده, ییللیک 5 میلیون عایله نینگ ضرورتی نی تامین ایته دی.  سنگاپوردن حرکت قیلگن کیمه نینگ اینگ کیچ نوامبر آییده فیلیوس بندری گه کیلیشی کوتیلماقده. 

تورکیه هایدروکاربن فعالیت لری توغریسیده خلق ارا مقیاسده هم فعالیت یوریتیش اوچون تیارگرلیک اوتکزماقده.  سومالیا بیلن بولگن کیلیشوو دایره سیده, بیر سیسمیک قیدیریش کیمه سی نینگ کیلگوسی هفته لرده منطقه گه حرکت قیلیشی کوتیلماقده.