اورته شرقده منطقوی اوروش خطری

جیوپلتیک منفعت لر جهتی دن اینگ مهم نقطه ده اورین آلگن اورته شرقده, اسرائیل, حزب الله و ایران آره سیده گی کیلیشمووچیلیک لرنینگ آرتیب کیتیشی بیلن بیرگه بحران ینه بیر بار آرتیب کیتدی.  اوشبو جنجال فقط گینه محلی بیر مسئله دن عبارت ایمس, عینی دمده اوزاق ییللردن بیری منطقه گه تاثیر قالدیریب کیلیاتگن چقور معما لرنینگ تظاهری دن عبارت.  موجود قیین چیلیک لر, فقط گینه منطقه ایمس, عینی دمده منفعت لری بولگن منطقه و خلق ارا مقیاسده گی تامان لرنینگ آره لریده گی کوره ش نینگ هم ستراتیژیک سمبولی دن عبارت البته که.  سونگّی آیلرده تامانلر آره سیده گی اوروش لرنینگ آرتیب کیتیشی بیلن بیرگه اورته شرقده گی وضعیت نینگ جوده هم بحرانی بیر حالت گه ایگه بولگن لیگی کورینماقده. 

اورته شرقده گی بحران نینگ اینگ اساسی عنصر لری ایران و حزب الله دن عبارت.  ایران اوچون حزب الله, المشرق ده گی نفوذی نی آرتیرگن و اسرائیل بیلن غرب نینگ هجوم لری گه قرشی قالقان رولی اوینه یدیگن بیر وکیل کوچ اوله راق بهالنتیریلماقده.  قوریلگن کوندن بیری حزب الله, ایران نینگ حربی, مالی و آیدیولوژیک حمایتی نی کسب ایتیب بیر ملیشه کوچی دن لبنانده و باشقه کینگیش بیر منطقه ده مهم سیاسی و حربی کوچ گه ایلندی.  اوشبو اتفاق, اسرائیل و اورته شرقده غرب امپریالیزمی اوله راق بهالنتیریلیاتگن نرسه گه قرشی بیر اورتاق مقاومت فکری گه تَیَنماقده. 

اسرائیل ایسه حزب الله نی جدی بیر تهدید اوله راق بهالنتیرماقده.  حزب الله نینگ کینگیش راکت امکانیت لری و جنوبی لبنانده گی موجودیتی اسرائیل نینگ خوفسیزلیگی گه قرشی بیر تهدید اوله راق قبول قیلینماقده.  اسرائیل اوشبو تهدید گه قرشی حربی و استخباراتی تدبیرلر آلماقده.  خوددی شونینگ اوزی ایسه ایریم پیتلرده وضعیت نینگ یمان له شیب کیتیشی گه سبب بولماقده.  اوشبو عملیاتلر بوییچه اساسی هدف فقط گینه حزب الله نینگ کوچی نی آزه تیریش ایمس, عینی دمده ایران گه انیق پیام بیریش دن عبارت. 

ایران نینگ ستراتیژیک حساب لری ایسه ینه ده کینگیش راق بیر جغرافیه نی قمره ماقده.  تهران, عراق دن باشلب یمن گه قدر بولگن اورته شرقده وکیل کوچ ییتیشتیریش مقصدی بیلن حزب الله نی قوللب- قوتله ماقده.  ایران اوشبو ایشی بیلن منطقه ده گی رقیب لری اینیقسه اسرائیل و سعودی عربستان گه قرشی بیواسطه عملیات اورنیگه منطقه مقیاسیده بیر وکیل کوچ تشکیل ایتیش نی هدف قیلیب آلماقده.  لبنان ده گی موجودیتی و اسرائیل توپراق لری نینگ ایچ لری گه قدر راکت آتیش قابلیتی گه ایگه حزب الله, اوشبو ستراتیژی نینگ اینگ مهم عنصری دن عبارت. 

اوشبو جنجال نینگ منطقه نینگ سیاستی گه قالدیره دیگن تاثیری نی ایسدن چیقرمسلیک کیره ک.  خوددی شوو معما نینگ اوزی اورته شرقده گی مذهبی بحران لرنی ینه ده چقورلشتیرماقده.  حزب الله اوزی نی شیعه مقاومتی نینگ مرکزی اوله راق بهالنتیررایکن, اسرائیل نینگ ایش لری عموماً آلیب قره گنده مذهبی دیب قبول قیلینماقده و عراق, سوریه و لبنان کبی اولکه لرده سنی و شیعه جمعیت لرنی ینه ده کوپراق نا اتفاق قیلماقده.  خوددی شوو مذهبی جنجال لر فقط گینه اوشبو اولکه لرنی معما گه دوچ قیلیب قویمه یدی عینی دمده منطقه مقیاسیده گی دیپلماسی و کیلیشوو بوییچه سعی و حرکت لرنی هم قیین لشتیریب قویماقده. 

حزب الله نینگ سیاسی و حربی بیر اکتور دن عبارت لبنانده اینیقسه برقرارسیزلیک دوام ایتماقده.  اوشبو گروپ نینگ سوریه ده گی موجودیتی, اسرائیل بیلن حربی مناسبت لری و ایران بیلن چقور علاقه لری لبنان نی ینه ده کینگیراق منطقوی اوروش لر اوچون بیر اوروش ساحه سی گه ایلنتیریب قویگن وضعیتده.  اقتصادی نینگ ضعیف ایکن لیگی و اجتماعی نا تینچلیک لر سببلی کوچسیز بولگن اوشبو اولکه نینگ یمان سیاسی سیستمی, اسرائیل نینگ حزب الله گه قرشی توختاوسیز تهدید لری باعث ینه ده برقرارسیزلشماقده.  اوشبو کوچ لرنینگ اورته سیده قالیب کیتگن عادی اهالی, اوروش لرنینگ عذابی نی تارتماقده. 

اسرائیل-حزب الله- ایران مسئله سی نینگ خلق ارا مقیاسده هم مهم جیوپلتیک تاثیر گه ایگه بولیشی ممکن.  اسرائیل نینگ صادق همکاری بولگن امریکا قوشمه ایالتلری, حزب الله و ایران نی اورته شرق ده گی ینه ده کینگیشیراق ستراتیژی سی نینگ مرکزی گه قویگن وضعیتده.  امریکا نینگ اسرائیل نی حربی و دیپلماتیک اوله راق حمایت قیلیاتگن لیگی, ایران نینگ منطقه ده گی نفوذی نینگ آلدی نی آلیش فعالیت لری نینگ بیر بولگی دن عبارت.  خوددی شوو وضعیت نینگ اوزی هر قنده ی بیر بحران نینگ تشقی کوچ لرنی هم اوز ایچی گه آله دیگن کینگیش بیر منطقه و خلق ارا اوروش گه سبب بوله دیگن برقرارسیزلیک اوچون شرایط تامین ایتیب بیریشی ممکن. 

روسیه نینگ اوشبو جنجال بوییچه رولی اینیقسه اوزی گه خاص بیر اهمیت گه ایگه.  ایران و همده روسیه ده گی اسد رژیمی نینگ اینگ مهم متفقی دن عبارت بولگن روسیه, اسرائیل بیلن مناسبت لرینی دقتلی بیر شکلده آلیب باررایکن, کوپینچه کیلیشه آلمه گن تامان لر آراسیده واسطه چیلیک رولی اوینب کیلماقده.  لیکن اوزاق مدتلی ستراتیژیک منفعت گه قره گنده مسکو نینگ منطقه ده نفوذی نی آرتیریشی کیره ک و  اسرائیل-حزب الله- ایران مسئله سی نینگ هر قنده ی بیر شکلده آرتیب کیتیشی نینگ روسیه نی سیاست لرینی قیته باشدن بهالنتیریش گه اونده شی ممکن. اوشبو وضعیت نینگ اوزی نینگ متحد لر و متفق لر بوییچه ینگی فکرلرنینگ مطرح ایتیلیشی گه سبب بولیشی احتمالی موجود. 

چین, آزگینه مداخله قیلیشی گه قره مسدن اورته شرقده اقتصادی جهت دن منفعت گه ایگه.  چین منطقه بیلن علاقه لی بویوک مقیاسده پراگماتیک بیر سیاست آلیب بارماقده.  شونده ی قیلیب حربی ایمس, بلکه کوپینچه اقتصادی دیپلماسی گه اهمیت بیریب کیلماقده.  لیکن اسرائیل-حزب الله- ایران مسئله سی نینگ سبب بولگن برقرارسیزلیک نینگ چین نینگ سرمایه گذارلیک لرینی تهدید ایتیشی ممکن. شونده ی قیلیب اونی منطقه ده بیر واسطه چی رولی نی اوینه ش گه مجبور قیلیشی احتمالی موجود. 

نتیجه ده, اسرائیل- حزب الله- ایران مسئله سی اورته شرقده گی جیوپلتیک جهت دن اینگ مهم موضوع لردن بیری نی تشکیل ایتماقده.  بو فقط گینه ایکّی یاکه اوچ تامانلمه بیر مسئله دن عبارت ایمس, بلکه عینی دمده منطقه و خلق ارا مقیاسده هم خوفسیزلیککه کینگ کولملی اوله راق تاثیر قالدیره دیگن بیر وضعیت نی تشکیل ایتماقده.  شونده ی ایکن خلق ارا جامعه نینگ منطقه ده گی بحران نینگ نتیجه لری بوییچه تیار بیر وضعیتده بولیشی کیره ک.