کچالو چیپسی قنده ی قیلیب تاپیلدی؟

کچالو چیپسی نینگ عصبانی بولگن بیر آشپز تامانیدن توستدن تاپیلگن لیگینی ایشیتسنگیز حیرتله نیب قالیشینگیز ممکن. لیکن بو بیر حقیقت.  ایسدن چیقریلمس لیگی کیره ک بولگن نقطه ایسه ایلک مراتبه میلادی 1853- ییلده تاپیلگن کچالو چپسی نینگ اوزاق ییللر دوامیده 5 یولدوزلی هوتللر یاکه اوزاق مسافه لرگه کیته دیگن کیمه لرنینگ رستورانت لریده کومیش پتنوس لر ایچیده بیر طعام اوله راق تقدیم ایتیلیب کیلینگن لیگی دن عبارت. 

امریکا قوشمه ایالتلریده تاپیلگن نرسه لر حقیده بحث ایتیلگنده عموماً آلیب قره گنده تلفن نی تاپگن گراهام بیل, اوچاق نینگ مخترع سی بولگن رایت قرداش لر, برق و رادیو ایشیتتیریش لری توغریسیده ایش آلیب بارگن نیکولا تیسلا یاکه توماس ادیسون کبی کیشی لر مقتاو گه سزاوار اوله راق بهالنتیریلماقده.  اوشبو لیست گه ایندی امریکن هریتیج مجله سی نینگ میلادی 1976- ییلده "یاغلش نینگ ادیسونی" لقبی نی بیرگن یریم قیزیل تیریلی یریم قاره تنلی جورج کروم نی هم قوشیمچه قیلیش کیره ک.  زیرا کروم نینگ چپسی, توستدن تاپیلگن کوندن بیری میلیاردلب کیشی تامانیدن صرفلنگن وضعیتده. 

میلادی 1853- ییلده نیویورکده بیر رستورانتده ایشله گن تنیقلی آشپز جورج کروم نینگ گوشتدن تیارلنگن طعام نینگ یانیده بیرگن قیزرتیریلگن کچالو, بای بیر مشتری نینگ خوشی گه کیلمه گن.  طعام نی قیتریب یوبارگن مشتری, کچالو نینگ یوقه توغره لب قیزرتیریلیشی نی طلب قیلگن.  کروم مشتری نینگ طلبی نی بجا کیتیریش اوچون خوددی شونده ی قیلگن. لیکن مشتری کچالو نینگ بوندن هم یوقه راق بولیشی نی طلب ایتگن.  بای مشتری نینگ طعام نی ایکّینچی مراتبه قیتریب یوبارگن لیگی اوچون عصبانی بولگن و بونی اونگه قرشی بیر حقارت اوله راق بهالنتیرگن جورج کروم, کچالو نی کاغذ دیک قیلیب یوقه توغره ب قیزرتیریب مشتری گه تقدیم ایتگن. بای مشتری کورنیلیوس واندردبیلت, کروم نینگ تیارله گن اوشبو طعامی نی جوده یخشی کوریب تیگره گیده گی برچه کیشی لر گه توصیه قیلگن.  خوددی شوو تاریخدن باشلب همه کروم دن کچالونی شونده ی قیلیب قیزرتیشی نی طلب قیله باشله گن. بو طریقه کچالو چیپسی رستورانت نینگ اینگ کوپ ترجیح ایتیلگن طعامی گه ایله نیب قالگن. 

معلوم بیر مدت کیین اویده عیال لر تامانیدن هم تیارله نه باشلنگن لیگی گه قره مسدن میلادی 1860- ییلده اوز رستورانتی نی آچگن جورج کروم و قرداشی کیت ویکس کچالو چیپسی نینگ استاندردی نی تشکیل ایتدی و اوشبو طعام لرینی ساته باشله دی.  قیسقه بیر مدت کیین کچالو چیپسی نیورک لیک لرنینگ اینگ کوپ ترجیح ایتیلگن طعام لری دن بیری گه ایله نیب قالدی.  معلوم بیر مدت کیین اوشبو چیپس باشقه رستورانت لر و یولاوچی کیمه لری نینگ آشپز خانه لریده اورین آلیشی نتیجه سیده امریکا قوشمه ایالتلری بیلن بیرگه اروپا ده کینگ قولاچ یاییب باشله دی.  جورج کروم تامانیدن تصادفی تاپیلگن کچالو چیپسی اونینگ میلادی 1889- ییلده بیر مجله طرفیدن "امریکا قوشمه ایالتلری نینگ اینگ مشهور آشپزی" اوله راق اعلان ایتیلیشی اوچون شرایط تامین ایتیب بیردی. 

امریکا نینگ طعام لری بیلن قیزیقیاتگن کیشی لر کروم بیلن بیر قطارده قرداشی کیت ویکس نی هم اوشبو موضوع بوییچه مهم کیشی لردن بیری اوله راق بهالنتیرماقده.  حتی کیین باسیلیب چیققن بعضی مقاله لرده کچالو چیپسی تاپیلیشی بوییچه باشقه کیشی لرنینگ اسم لری هم مطرح قیلیندی.  کچالو چیپسی نی اوشه تاریخ دن بیری فرقلی شرکت لر تولید ایتیب کیلماقده.  چیپس نی اینگ کوپ باله لر و یاشلر یخشی کورماقده.  لیکن سونگّی پیتلرده چیپس نینگ کوپ ییلیشی نینگ حددن تشقری سیمیزلیک و یوره ک تامیر کسللیک لری گه سبب بوله دیگن لیگی همه تامانیدن قبول قیلینماقده.  بیراق مناسبت مقدار لر ده ییلیشی دوام ایته دیگن دیک کورینماقده.