قارانغی دره

دنیاده ایککینچی اینگ کتته دره نینگ تورکه ده جایلشگن لیگینی بیله سیزمی؟

تورکیه نینگ شرقی اناطولی منطقه سیده ایرزینجان ولایتی نینگ کمالیه تومنیده جایلشگن قارانغی دره دنیا مقیاسیده ایککینچی انگ کتته دره عنوانی ایگه. قارانغی دره عین دمده دنیا مقیاسیده اینگ خوفلی یوللردن بیرته ایتیب تن آلینماقده. دنیا مقیاسیده اینگ قیین و خوفلی یوللری نینگ رویخطینی نشر قیلگن خارجی بیر ویب سایتیده "دنیا مقیاسیده اینگ خوفلی یوللر" قطاری گه کیریتگن ایرزینجان قارانغی دره تاش یولی نینگ چین ده گی گولیانگ تونلیدن هم خوفلی ایکن لیگی بیلدیریلگن. قریب 500 – 600 متر تیک دیوارلری بولگن قارانغی دره گه قویاش نوری توشمه گن لیگی طفیلی بو آت بیریلگن دیر. کبان توغانی قوریلگندن کیین 80 مترگه ییتگن سوولر، دره نی بوگونگی کونده مدحش بیر منظره گه ایلنتیرگن دیر.

قارانغیر دره نینگ ساختمانی گه 1870 ییلی او پیتده گی محلی خلق تامانیدن باشلنگن لیگی اوستیده باش قاتیریلماقده. 2002 ییلی دولت نینگ هم همکارلیگی بیلن کینگه یتیریلیب واسطه لر اوته دیگن شکلده توزه تیلگن. قارانغی دره نینگ قوریلیش مرحله سی 132 ییل دوام ایتگن. قارانغی دره نی اولاً حیوانلرینی اوتلتیش اوچون انسانلر تامانیدن ابتدائی شکلده قول اسبابلری آرقه لی اوزاق ییللر قازیلگن لیگی اوستیده باش قاتیریلماقده.

تونل تاغ نینگ ایچیدن اوتیب 7 کیلومتر دوام ایته دی. بعضی بیر ییرلرده هوا تیشیکلری آچیلگن لیگی کوریله دی. قارانغی دره نینگ سوولیک بولیمی نینگ اوزونلیگی ایسه قریب 9 کیلومتردن عبارت. بوگونگی کونده قارانغی دره گه محلی و چیت ایللیک مینگلب سیاح کیلماقده. دره ده قَییق کبی توریستیک فعالیتلر هم بولماقده. دره جایلشگن کمالیه تومنیده هر ییل خلق ارا ایرزینجان کمالیه مدنیت و طبیعت کورگزمه سی اویوشتیریلماقده. مذکور تومنده اورین الگن تاریخی قالدیقلر توریستلرنینگ علاقه سینی جلب ایتماقده.