غزه ده گی اطراف- محیط قیین چیلیکلری حقیده قیسقه معلومات

غزه بلدیه سی تامانیدن بیریلگن بیاناتده, اسرائیل نینگ بمباردمانی سببلی متضرر بولگن, برق نینگ کیتگن لیگی و یاقیلغی کمچیلیگی سببلی ایشله میدیگن بیر وضعیت گه کیلیب قالگن سوو تصفیه مرکز لریده گی کیرلی سوو نینگ دینگیز گه آقیش گه دوام ایتیاتگن لیگی بیلدیریلدی.

بیاناتده, غزه نواریدن کونده لیک 65 مینگ پیاله کیرلی سوو نینگ دینگیز گه آقیاتگن لیگی و وضعیت نینگ ساغلیق نی سقلش و اطراف- محیط بوییچه جدی ریسک لر گه ایگه ایکن لیگی معلوم قیلیندی. 

غزه ده گی شیخ رضوان کولی گه هم کونده لیک 10 مینگ پیاله کیرلی سوو نینگ توکیلیاتگن لیگی بیلدیریلگن بیاناتده, کیرلی سوو معما سی نینگ دوام ایتیشی نینگ شهرده "کتته بیر فلاکت گه" سبب بولیشی نینگ ممکن ایکن لیگی ایسله تیلدی. 

عینی دمده غزه بلدیه سی ساغلیق نی سقلش و بشری ساحه لرده ایش آلیب باریاتگن موسسه لر گه اوشبو موضوع حقیده "عاجل مداخله قیلیش لری" بوییچه چقیریق بیردی. 

حماس نینگ قوراللی بولیمی دن عبارت عزالدین القسام لوالری, 7- اوکتوبر کونی ایرته لب, اسرائیل نینگ "فلسطین لیک لر و مسجد الاقصی کبی مقدس ارزشلر گه قره تیلگن دواملی اخلال لری گه قرشی جواب قیتریش مقصدی بیلن کینگ کولملی بیر هجوم باشله ترایکن,اسرائیل اردوسی هم غزه نی بمباردمان قیله باشله دی. 

اسرائیل لیک مسئول لر, غزه تامانیدن اویوشتیریلگن هجوملرده 326 نفری عسکر دن عبارت 1400 دن آرتیق اسرائیل لیک نینگ حیاتینی یوقاتگن لیگی, 5 مینگ 132 کیشی نینگ ایسه یره لنگن لیگینی معلوم قیلدی.

اسرائیل اردوسی سوزچیسی دانیال هاگاری, غزه ده القسام لوالری نینگ قولیده 240 نفر اسرائیل لیک اسیر نینگ موجود ایکن لیگینی بیلدیردی.

غزه ده گی ساغلیق نی سقلش وزیرلیگی, اسرائیل نینگ هجوملریده 3 مینگ 648 نفری باله لر و 2 مینگ 290 نفری عیال لر دن عبارت 8 مینگ 796 نفر فلسطین لیک نینگ حیاتینی یوقاتگن لیگی و 22 مینگ 219 کیشی نینگ ایسه یره لنگن لیگینی معلوم قیلدی. 

اشغال آستیده گی غربی نوارده اسرائیل کوچ لری و یهودی ناقل لرنینگ هجوملریده 130 نفر فلسطین لیک حیاتینی یوقاترایکن, 2 مینگ نفر فلسطینلیک ایسه یره لندی. 

اسرائیل اردوسی, 26- اوکتوبر کونی غزه گه قره تیلگن محدود قوریقلیک عملیات لرینی کینگه یتیریب هوا هجوم لری نینگ شدتی نی آرتیردی. 

غزه ده مینگلب یره لنگن عادی اهالی نینگ هم موجود بولگن اینگ کتته مرکز دن عبارت شفا کسلخانه سی هم اسرائیل اردوسی تامانیدن هدف قیلیب کورسه تیلدی.