ایتالیاده عقللی بیر ارال حقیده قیسقه معلومات

اوشبو ارالده ارگانیک ایکینچیلیک و بلیقچیلیک قیلینماقده

2040109
ایتالیاده عقللی بیر ارال حقیده قیسقه معلومات

ایتالیا نینگ توسکانا منطقه سیده جایلشگن, برق ضرورتی 100 فایز ینگی له نه آله دیگن انرژی بیلن تامین ایتیله دیگن, یامغیر سووی دن فایده له نیلیاتگن, ارگانیک ایکینچیلیک و بلیقچیلیک قیلینیاتگن کاپرایا ارالی, آقدینگیزده گی باشقه ارال لر اوچون هم مثال تشکیل ایتماقده. 

ارالده باشله تیلگن عقللی ارال کاپرایا (Capraia Smart İsland) پروژه سی دایره سیده, ارال یشاوچی لری, برق لرینی ینگی له نه آله دیگن انرژی منبع لری دن تولید ایتماقده, ایکینچیلیکده یامغیر سووی دن فایده له نیلماقده و ارالده گی ایکینچیلیک و بلیقچیلیک فعالیت لرینی ارگانیک بیر شکیلده عملگه آشیریش گه حرکت قیلماقده. 

اوزاق ییل لر دوامیده محکوم لرنینگ یوباریلیب دهقانچیلیکده استفاده ایتیلگن آچیق بیر قماقخانه شکلیده فایده له نیلگن ارال نینگ باشقه کیشی لر تامانیدن باریب کوریلیشی گه میلادی 1986- ییلدن کیین اجازت بیریلدی.

ارال گه برق بارمه گن لیگی سببلی اوشبو وضعیت نی مثبت امکانیت گه ایلنتیریب ارال نینگ انرژی ضرورتی نی ینگی له نه آله دیگن منبع لردن تامین ایتیش بوییچه قدم لر تشلندی. 

اوشبو مقصد بیلن شمالی اروپا دن تامین ایتیلگن یاغلی تخم اوسیملیک لریدن بیودیزل قولگه کیریتیلیب انرژی گه ایلنتیریلرایکن, بلدیه ارال نینگ فرقلی منطقه لری گه قویاش پانل لری جایلشتیردی. 

ارالده توپلم ظرفیتی 126 مینگ متر مکعب بولگن تاریخی ایکّی سوو دیپوسی دن یامغیر سووی نینگ دیپوله نیشیده فایده له نیلماقده. 

عقللی ارال بلیقچیلیک موقعیتی جهتی دن صنایع مرکز لریدن اوزاق ایکن لیگی و بلیق تولیدیده انتی بیوتیک دن فایده له نیلمس لیگی سببلی اروپا اتفاقی دن ارگانیک سندی آلدی. 



علاقه لی ینگی لیکلر