مریخ گه کیته دیگن تیم نینگ همه سی نینگ عیاللردن عبارت بولیشی کیره ک

مریخ گه کیته دیگن اویغون انسان لر نی تاپیش اونچه قولای بولمه یدی.  فضانورد لرنینگ ینه قیتیب کیلمسلیک ریسکی گه قرشی تیار بولیب, او ییر گه باریش اوچون 7 آی دوامیده یاپیق بیر فضایی کیمه ده اوتیره آله دیگن و تحصیللی متخصص لردن عبارت بولیشی کیره ک. 

لیکن قیلینگن سونگّی تدقیقات گه کوره, اوشبو خصوصده ینه بیر گپ بار؛ باشلنغیچده مریخ گه سیاحت قیله دیگن هر فضانورد نینگ عیال بولیشی شرط. 

فرانسه ده گی مکانی فیزیولوژی طب انستیتوتی دن جاناتان پی آر سکات باشچیلیگیده گی خلق ارا تدقیقات تیمی, پرسونل نینگ همه سی نینگ عیال لردن عبارت بولیشی نینگ فایده لری نی تیکشیریب چیقدی. 

مریخ ده عیال بولیش نینگ نیمه فایده سی بار؟

تدقیقاتده فضاده گی اوزاق مدتلی وظیفه لرده ایرکک لر بیلن عیال لرنینگ تخمینی آکسیجن مصرفی, توپلم انرژی توکه تیش مقداری, کاربن دای اوکساید و اسسیق لیک تولیدی و همده سوو ضرورت لری حقیده باش قاتیریلدی. 

ایرکک فضانورد لرنینگ وجود بُعد لری نینگ بیرته گینه اوزی نینگ یوقاریده ایتیب اوتیلگن نرسه لرنی بویوک مقیاسده آرتیره دیگن لیگی انیقلندی. 

بونگه کوره ایرککلرده انرژی مصرفی 30 فایز, آکسیجن مصرفی 60 فایز, کاربن دای اوکساید تولیدی 60 فایز و سوو ضرورتی ایسه 17 فایز آرتماقده ایدی. 

عیال فضانورد لر ایسه عموماً آلیب قره گنده ینه ده یخشیراق بیر میزان گه ایگه ایدی. 

مثال قیلیب آلگنده, امریکا قوشمه ایالتلریده بیر ایرکک و عیال نینگ اورته چه بویی نظر گه آلینیب قیلینگن تدقیقاتده, عیال لرنینگ غذایی مواد و آکسیجن ضرورت لری نینگ 41 فایز گه یقین کم ایکن لیگی انیقلندی. 

عینی دمده عیال لر بولگنده مریخ ده قوریلیشی ریجه لنگن انسان یشش ساحه لری نینگ هم کیچیگیراق بولیشی ممکن. 

خوددی شوو معلومات لر گه کوره, مریخ گه کیته دیگن تیم نینگ همه سی نینگ عیاللردن عبارت بولیشی نینگ فایده لی بوله دیگن لیگی کورینماقده. 

آلدین هم بونگه اوخشش تدقیقات لر قیلینگن ایدی

میلادی 1950- ییلده ناسا خاص حیات بیلیم لری کمیته سی نینگ یوقاری مرتبه لی مسئول لری هم عیال فضانورد لرنینگ فایده لی بوله دیگن لیگی نی بیلدیریب اوشبو توغریده بحث و مناظره لرنینگ باشلب کیتیشی گه سبب بولگن ایدی. 

اوشه دورده عیال لرنینگ وجود لری نینگ ینگیل ایکن لیگی, آز کالوری گه احتیاجی بولگن لیگی و ایرکک لر بیلن سالیشتیریلگنده عیال لرنینگ سکته قیلیش ریسکی نینگ آز ایکن لیگی بیلدیریلگن ایدی.