تورک بیلیمدان معزز علمیه چیغ حقیده

معزز علمیه چیغ

دنیانینگ مهم سومرولوژیستلریدن بیرته سی نینگ تورک ایکن لیگینی بیله سیزمی؟

میلادی 1914 ییلی توغیلگن معزز علمیه چیغ سومرولوژی ساحه سیده دنیا بویلب تن آلینگن انچه علمی فعالیتلر قیگن دیر.

معزز علمیه چیغ اناطولی نینگ بای اویغار تاریخینی یوزه گه چیقریش مقصدی بیلن ایجاد ایتیلگن تیل و تاریخ – جغرافیه فاکولته سی سومرولوژی بولیمی نینگ ایلک فارغلریدن بیرته سی دیر. انقره عالی بیلیم یورتی گه باغلیق بو فاکولته دن فارغ بولرکن آلمان استادی عالی بیلیم یورتیده کدر آلیب قالیشینی تکلیف ایته دی. بیراق او بو تکلیف نی قبول قیلمه ی استانبول ارکولوجی موزیمیده ایشلش گه باشله یدی. بو قرار اونینگ اوچون حیاتی مسئله بوله دی. 1973 ییلیده تقائت قیلگونچگه قدر استانبول ارکولوجی موزیمی نینگ میخ یازووی حجتلر آرشیفیده ایشله یدی. بو آرشیفده گی اوچ ته ایریم تیلده یازیلگن ییتمیش بیش مینگ اطرافیده حجت نینگ تیارلنیشی اوچون محنت قیله دی. سومر، اکاد و هیتیت تیللریده یازیلگن اون مینگلب حجت نی تیارلب تمیزله گن و نمره بیرگن شونده ی بولیب میخ یازووی حجتلر آرشیفینی قورگن دیر. ایش حیاتی بویلب علمی ساحه ده سیکیزته اثر و انچه مقاله یراتگن دیر.          

خلق ارا مقیاسده انچه ساورین گه سزاوار کوریلگن معزز علمیه چیغ آلیب بارگن تحقیقلری بیلن نه فقط تورکیه ده دنیا تاریخیده هم آتی آلتین حرفلر بیلن یازیلگن دیر.

تقاعد قیلگندن کیین هم تحقیلرگه دوام ایته دی و کتابلری بیلن کینگ بیر اوقیووچی نینگ علاقه سینی ترتیب آله دی. بو کتابلرده سومر و هیتیت تاریخینی اولرنینگ اویغارلیک و مدنیت قدریتلرینی  برچه توشونه دیگن بیر اصلب بیلن قلم گه آله دی.

دنیا مقیاسیده اینگ اوزاق عمر کورگن معزز علمیه چیغ 109 یاشیده تورکیه نینگ مودرن بیر آیدین عیالی دیر.