مصنوعی ذکا ده ایکّینچی پلان؛ ربات گه اوخشش انسانلر

سونگّی 15 الی 20 ییلده برچه ساحه لرنینگ مصنوعی ذکا دن تاثیرلنگن لیگی کورینماقده. 

ایندی بوندن هم کتته راق بیر ایش قیلینماقچی: انسان مییه سی بیلن مصنوعی ذکا نی بیرلشتیریش.

اوشبو موضوع بیلن علاقه لی اینگ دقت گه سزاوار ایشنی, ایلان ماسک نینگ انسان مییه سی بیلن علاقه لی تدقیقات آلیب باریاتگن نیورولینک شرکتی قیلدی. 

شرکت, میلادی 2020- ییل نینگ ایلک هفته لریده مییه بیلن کمپیوتر اورته سیده ارتباط تامین ایته آله دیگن بیر مایکروچیپ نینگ میمون لرده تست ایتیلگن لیگی و اوشبو توغریده موفقیت قولگه کیریتیلگن لیگینی بیلدیردی. 

تستده مییه گه باغلنگن, ساچ نینگ تورت دن بیر کینگیشلیگیده گی 4 الکتروت ایپ و اولر گه باغلیق بیر چیپ دن فایده له نیلدی.

اوتگن آگست آییده ایسه ایشیتیش جهازی کبی قولاق نینگ آرقه سیگه جایلشتیریله دیگن چیپ اورنیگه تیمیر پول قدر بولگن و بیواسطه انسان مییه سی گه باغله نه دیگن آره یوز دن استفاده ایتیله دیگن لیگی بیلدیریلدی.  دستلبکی تست لر ایسه چوچقه لرده عملگه آشیریلدی. 

انسان باش سُویه گی گه ربات بیلن جایلشتیریله دیگن چیپ, بو الکتروت ایپ لر بیلن مییه ده گی نقطه لر گه باغله نه دی.  تشقریدن هیچ بیر نرسه کورینمه یدی. 

بیراق آره یوز نینگ تجارتی بیر محصول بولیشی اوچون حاضرچه وقت کیره ک.  زیرا انسان تست لری نینگ تکمیل بولیشی, کیین ایسه امریکا غذا و ادویه اداره سی تامانیدن تصدیق له نیشی شرط. 

خوب بو ایشلر نیمه اوچون قیلینماقده؟

چیپ تکنالوژی سی بیلن علاقه لی ایش آلیب باریاتگن شرکت لرگه کوره اوشبو فعالیت لر بوییچه دستلبکی هدف, آلزایمر و پارکینسون کبی کسللیک لرنینگ آلدینی نینگ آلینیشی دن عبارت. بیراق بیرته گینه اوشبو ساحه لرده فایده له نیله دیگن لیگی نی بیلدیریشی میز ممکن ایمس البته که. 

نان تیله تیش اوچون تلفنینگیز یاکه کمپیوترینگیز کیره ک می؟ یوق ایندی کیره ک بولمه یدی.

کمپیوترده اوین اوینه ماقچی می سیز؟ کنسولینگیز و جوی استیکینگیزنی اویاققه تشله نگ. 

ای میل یازماقچی بولسنگ کیبورد دن فایده له نیش گه ضرورت بولمه یدی. 

ایلان ماسک, بولرنینگ همه سی نی مییه گه جایلشتیریله دیگن بیر چیپ نینگ قیله دیگن لیگینی بیلدیرماقده. 

خوب انسانلر بیلن همکارلیک قیلیاتگن و اولرنی قهرمان گه ایلنتیرگن اوشبو تکنالوژی نینگ بو درجه معصوم بولیب قالیشی ممکن می؟   

تکنالوژی یازوچیلری اوشبو سئوال گه یوق دیب جواب قیترماقده.  بو راحت لیک نینگ آغیر نتیجه لری بوله دی. 

مییه لرنینگ هکله نیش ریسکی

فایده له نیلگن امپلانت لر, مییه بیلن کمپیوتر اورته سیده گی ارتباط نی بلوتوث واسطه سی بیلن تامین ایته دی.

لیکن اوشبو وضعیت سایبری خوفسیزلیک ریسکی نینگ هیچ بولمه یدیگن لیگی معنی سی گه کیلمه یدی. زیرا, امپلانت لرنینگ یوکله نیشی و ینگی له نیشی موبایل ده گی کمپیوتری برنامه لر آرقه لی قیلینه دی. 

سایبر خوفسیزلیک متخصص لری گه کوره, اوشبو حالت نینگ امپلانت دن استفاده ایته دیگن ذهن لرنی, سایبر قراقچی لر گه قرشی مدافعه سیز بیر وضعیت گه کیتیریشی ممکن. 

اوشبو اخلال نینگ, موبایل یاکه بانک حساب لری میز نینگ هکله نیشی دن هم کتته راق بیر ریسککه سبب بولیش احتمالی موجود.

زیرا احتمالی بیر هکر هجومی نینگ, خاطره لر و مییه ایشلرینی اوچیریب تشلش یاکه اولرنی قولگه کیریتیب اوزگرتیریش اوچون استفاده ایتیلیشی ممکن.