یقینده مصنوعی ذکا دن فایده له نیب کورگن توشینگیزنی ثبت قیلیشینگیز ممکن بوله دی

یقینده مصنوعی ذکا دن فایده له نیب کورگن توشینگیزنی ثبت قیلیشینگیز ممکن بوله دی

ایندی مصنوعی ذکا تکنالوژی سی دن فایده له نیب مییه نی تیکشیریش و بیر کیشی نینگ کورگن نرسه لری گه اوخشش تصویر نی تولید ایتیش ممکن. 

اوشبو تکنالوژی, فرقلی حیوان تور لری نینگ تیگره گی نی قنده ی قیلیب حس ایته دیگن لیک لرینی تیکشیریش و فلج کیشی لر نینگ علاقه قوریشی بوییچه همکارلیک قیلیش کبی ایریم امکانیت لر گه ایگه. 

بوندن آلدین کوپلب لابراتوارلرده, مییه نینگ تیکشیریلیشی نتیجه سیده قولگه کیریتیلگن تصویر لرنی ینگی دن تولید ایتیش اوچون مصنوعی ذکا دن فایده له نیلگن ایدی. 

لیکن بو ینگی میتود, آلمانلیک لر تامانیدن تاپیلگن و میلادی 2022- ییلده ساتیله باشلنگن Stable Diffusion دیب ناملنگن بیر الگوریتم دن فایده له نیلگن ایلک میتود دن عبارت بولدی. 

الگوریتم, متن دن تصویر تولید قیله دیگن مصنوعی ذکا لر گه اوخشش مییه شکل لرینی مینگلب عکس بیلن علاقه قوردیریش اوچون قوشیمچه متن توضیحاتی دن فایده له نیلیب تنظیم ایتیلدی. 

باشقه الگوریتم لر بیلن سالیشتیریلگنده, Stable Diffusion آز بیر محنت بیلن تنظیم ایتیله دی.  بو ایسه اونی مییه ده گی نرسه لرنی تصویر گه ایلنتیریش بوییچه ایلغار بیر میتود گه ایلنتیرماقده. 

اوساکا عالی بیلیم یورتیده بیر سیستم نورولوژیستی بولگن یو تاکاگی, مصنوعی ذکا الگوریتمی نینگ تصویر لرنی تشکیل ایتیشی اوچون مییه نینگ فرقلی نقطه لریدن کیلگن مییه فعالیتی معلومات لریدن فایده لنگن لیگینی بیلدیردی. 

الگوریتم, مییه نینگ فعال نقطه لری گه قان حرکتیده گی اوزگریش لرنی انیقله یدیگن ام آر آی دن قولگه کیریتیلگن معلومات لرنی تحلیل قیله دی. 

مییه نینگ تمپورال و اکسیپتال لوب لری, کیشی نینگ کورگن تصویر لر حقیده فرقلی معلومات تور لرینی ثبت قیله دی. 

مصنوعی ذکا سیستمی, تدقیقات گه اشتراک قیلگن کیشی لرنینگ مییه لریدن آلینگن معلومات اوچون تست ایتیلدی.  لیکن باشقه کیشی لرده هم استفاده ایتیلیشی اوچون سیستم نینگ ینگی دن تنظیم ایتیلیشی کیره ک. 

تدقیقاتچی لر, تکنالوژی نینگ مییه نینگ تحقیق ایتیلیشی بوییچه ینگی فرصت لر گه سبب بولیشی نینگ ممکن ایکن لیگینی بیلدیررایکن, خیالی مفکوره لر و توش لرنی توسیب قوییش اوچون فایده له نیلیشی نی امید ایتماقده.