تورکیه گه خاص بیر طعام توغریسیده قیسقه معلومات

قیصری ولایتی دیگنده انسان لرنینگ عقلی گه کیله دیگن تورک تیلیده پاستیرمه دیب ناملنگن اوشبو طعام میلادی 2000- ییلده قیصری تجارت اتاق لری نینگ طلبی گه بناً تورکیه نینگ ثبت قیلینگن جغرافی محصولاتی لیستی گه کیریتیلدی. کوچمنچی جمعیتلرنینگ گوشت نی قوریتیب اوزاق بیر مدت سقلش مفکوره سی گه اساسلنگن و حاضرگی کونگه قدر دوام ایتیب کیلگن قیصری پاستیرمه سی, 2 الی 5 یاش آره سیده و کمیده 250 کیلوگرام وزن گه ایگه تنه لرنینگ آرقه و سان کبی قسم لریدن گوشت لرنینگ توزله نیب, یویلیب, قوریتیلیشی و "چمن" دیب ناملنگن خاص بیر لعاب نینگ اوستی گه توکیلیشی بیلن تیارله نه دیگن بیر طعام دن عبارت. "چمن" لعابی نینگ ایچیده ایسه پامه دور و مرچ رُبی, سیرپیاز, بوغدای اونی, سوو و باشقه مساله لر موجود. یلپاق شکلده تیارله نه دیگن قیصری پاستیرمه سیده گوشت لرنینگ ایچی و تشقری سی گه توز سیپیله دی.  4 کون لیک بیر مدت کیین بوتونله ی قوریگن دن سونگ, اوستیده هیچ توز قالمه یدیگن شکلده یوویله دی و 7 کون تیمیر لر گه آسیلیب قوییله دی.  کیین خاص ماشین لر بیلن باستیریلگن گوشت نینگ ایچیده گی اینگ سونگّی سوو هم چیققن بوله دی.  سونگ تشقری یاکه خاص اتاق لرده قوریتیلگن گوشت نینگ اوستی گه چمن لعابی توکیله دی.  بیر نیچه کون کوتیلیشی آرتیدن اوستیده گی آرتیقچه چمن لعابی آلیب تشلنگن قیصری پاستیرمه سی, چمنلی یاکه چمنی آلیب تشلنگن شکلده یوقه توغره لیب ساتیله دی.