اماسیا
بولرنی بیله سیز می؟
اماسیا
دنیاده تنیلگن ایلک جغرافیه بیلیمدانی نینگ تورکیه نینگ اماسیا ولایتیده توغگن لیگینی بیله سیزمی؟
اماسیا تورکیه نینگ اینگ بویوک ایککینچی دریاسی بولمیش یشیل دریا قیرغاغیده قوریلگن، سوو اریقلری، المه باغلری، تاغلری، صحرالری و کوللری بولگن گوزه ل بیر شهردیر. عیندمده جغرافیه دیگنده ایلک ایسیمیزگه کیلگن کیشی و جغرافیه نینگ آته سی دیب اتلگن سترابون اماسیاده توغیلگن و بوجایده حیات کیچیرگن دیر. دنیانینگ ایلک جغرافیه بیلیمدانی عیندمده فیلسوف و تاریخچی بولگن سترابون میلاددن آلدین 64- عصرده اماسیالیک بای بیر عایله ده توغیلگن دیر. بوگونگی کونده شهر مرکزیده بو تنیقلی تاریخ و جغرافیه بیلیمدانی نینگ هیکلی باردیر.
اماسیا اناطولی نینگ قدیم توررجایلریدن بیرته سی دیر. هیتیلر قاله ویرسه تورلی مدنیت نینگ مرکزی بولمیش بو شهر قدیمدن بیری اماسیا آتی بیلن قالگن دیر. سترابون هم اوزی یازگن جغرافیه کتابیده اماسیانی «Amasseia» دیب اته گن دیر. سترابون گه کوره اماسیا آتی بو جایده یشه گن امازون قرالیچه سی اماسیس نینگ آتیدن کیلیب چیقه دی.
اماسیا شهری نینگ قوریلیش تاریخی انیق ایمس، لیکن بو توررجای نینگ هیتیلر دوریدن بوگونگه کیلگونچه 19 ایریم دولت نینگ حکم سورگن لیگی تخمین ایتیلماقده. میلاددن آلدین 281 ییلی قوریلگن پونتوس قراللیگی نینگ هم بیر مدت پایتختی بولمیش اماسیاده پونتوس قراللیگی گه تیگیشلی قرال قایا قبرستانی جایلشگن و بوگونگچه ییتیب کیلگن دیر. بو قبرلر اماسیا قلعه سی نینگ ایتکلریده قایا تاشلر تیشیب توزه تیلگن دیر. یشیل دریا بویلب کتته – کیچیک 21 ته قبردن فقط بیرنیچه ته سی بوگونگچه قالگن دیر.
