سیمیزلیک توغریسیده قیسقه معلومات

ساغلیققه ضرر ییتکزه دیگن درجه ده وجود نی یاغ باسیش دن عبارت بولگن سیمیزلیک کسللیگی, حاضرگی دور نینگ اینگ مهم ساغلیق معمالری دن بیری اوله راق قبول قیلینماقده. 

جهان ساغلیق نی سقلش تشکیلاتی گه کوره, دنیا ده بیر میلیارد دن آرتیق سیمیز کیشی موجود.  اوشبو کیشی لرنینگ 39 میلیون نفری نینگ باله لردن عبارت ایکن لیک لری بیلدیریلماقده.  دنیا ده هر 7 ایرکک دن بیر و هر 5 عیال دن 1 کیشی نینگ سیمیزلیک معما سی گه دوچ کیلیب قالگن لیگی بیلینماقده. 

سیمیز کیشی لر سانی کونساین آرتیب باررایکن, جهان سیمیزلیک فدراسیونی تامانیدن ترقه تیلگن معلوماتده, سیمیزلیککه گه قرشی کوره شیاتگن کیشی لر سانی نینگ میلادی 2035- ییلده 4 میلیارد نفر دن آشیب کیته دیگن لیگی بیلدیریلماقده. 

امریکا قوشمه ایالتلری, چین, برازیل, هندوستان و روسیه ده گی سیمیزلیک واقعه لری, دنیا ده گی واقعه لرنینگ تقریباً اوچدن بیر قسمی نی تشکیل ایتماقده. 

یوره ک, بویره ک, جگر و جنسی اورگان لر گه تاثیر قالدیره دیگن سیمیزلیک, دیابت, کاردیوواسیکولر کسللیک, یوقاری قان باسیمی, فلج و فرقلی سرطان تور لری گه سبب بوله دی. 

سیمیزلیک اینگ کوپ عیال لرده کورینماقده.  عیاللرده سیمیزلیک میزانی اینگ یوقاری بولگن اولکه 82,8 فایزلیک بیر رقم بیلن تینچ اوقیانوس نینگ جنوبی ده جایلشگن تونگا دن عبارت. 

بوندن تشقری کویت, مصر و لیبیا کبی جغرافیه لر هم سیمیز عیاللری کوپ بولگن اولکه لر قطاریده اورین آلماقده. 

اوروپا ده ایسه رومانیا, یونان, لتونیا و پرتگال اینگ کوپ سمیز عیال سانی گه ایگه اولکه لر قطاریده سنلماقده. 

تورکیه گه قره گنده سیمیز عیاللر میزانی نینگ 30,3 فایز ایکن لیگی بیلینماقده. 

اوتمیشده فقط گینه ایلغار اولکه لرده بیر ساغلیقنی سقلش معما سیدن عبارت بولیب کیلگن سیمیزلیک نینگ حاضرگی کونده آز رواجلنگن و قشاق اولکه لرده هم آرتیب باریاتگن لیگی کورینماقده. 

موجود معلوماتلر, کیلگوسی ییللرده سیمیز کیشی لر سانی نینگ انچه آرتیب کیته دیگن هر 10 اولکه دن 9 ته سی نینگ آسیا و افریقا ده گی آز رواجلنگن اولکه لردن عبارت بوله دیگن لیگی بیلدیریلماقده. 

خلق ارا جامعه, سیمیز کیشی لرنینگ سانی نینگ جدل روشده آرتیب باریاتگن لیگی گه قره مسدن, اوشبو اولکه لرنینگ خوددی شوو کسللیککه قرشی کوره ش بوییچه ییترسیز ایکن لیک لرینی بیلدیرماقده.

جهان سیمیزلیک فدراسیونی, سیمیزلیککه قرشی کوره ش اوچون قیلینه دیگن مصرف نینگ میلادی 2035- ییل گه قدر 4 تریلیون دالر دن آرتیب کیتیشی نینگ ممکن  ایکن لیگینی معلموم قیلماقده.