اجتماعی ترماقدن کوپ فایده له نیش یالغوزلیککه سبب بوله دی

حاضرگی کونده اجتماعی ترماق انسان لرنینگ وازکیچیشی ممکن بولمه گن بیر نرسه دن عبارت. حتی انسان لرنینگ بونگه معتاد بولیب قالگن لیگینی هم ایسله تیب اوتیشی میز ممکن.  هر کون میلیونلب کیشی اجتماعی ترماق آرقه لی دنیا نینگ فرقلی جایلریده یشیاتگن باشقه کیشیلر بیلن ارتباط قورماقد. 

شعورلی بیر شکلده فایده له نیلیشی تقدیرده اجتماعی ترماق نینگ کوپلب یخشی تامانلری بار.  اینیقسه وقت نینگ جوده مهم بولگن حاضرگی شرایطده انسان لر اورته سیده گی ارتباط نی تامین ایته دی.  لیکن اجتماعی ترماقدن جوده کوپ فایده له نیش ایریم قیینچیلیکلرگه سبب بولماقده.  اوشبو قیینچیلیکلردن بیری هم فایده لنووچیلرنینگ یالغوزله شیشی گه سبب بولیشی دن عبارت. 

خوب, هرکون یوزلب کیشی بیلن ارتباط قوریلگن لیگی گه قره مسدن, قنده ی قیلیب یالغوزلیککه سبب بولیشی ممکن؟

یالغوزلشتیریلگن و تجرید ایتیلگن کیشی تویغوسینی اویغانتیره دی

کوزه تووچی سانی انچه کوپ بولیشی گه قره مسدن حقیقتده ایمس, بلکه فقط گینه انترنت آرقه لی کوپلب کیشی بیلن ارتباط قوریلگن بوله دی.  لیکن بو بیر خیل الده تیش کبی بهالنتیریلماقده.  طبی روانشناس جمره ایجه گوکپنار نینگ فکریچه, اصلی گه قره گنده آز کیشی بیلن ارتباط قوریشی میز, باشقه چه قیلیب ایتگنده حقیقی حیاتدن اوزاق بیر شکلده فقط گینه انترنت آرقه لی یخشی کوریلیش آرزو میز نینگ اویغانیشی گه سبب بولماقده.    

میندن باشقه لرنینگ حیاتی جوده یخشی

گوکپنار نینگ ایتیشیچه, اجتماعی ترماقدن جوده کوپ فایده له نیاتگن کیشی لرده گی اینگ مهم نرسه ایسه " میندن باشقه لرنینگ حیاتی جوده یخشی" شکلیده گی ناتوغری بیر فکر دن عبارت.  گوکپنار اوشبو وضعیتنی, کوپینچه یاشلرده کورگن لیکلرینی بیلدیرماقده. 

گوکپنار, "انسان لرنینگ لایک باسیش لری اوچون اجتماعی ترماق آرقه لی بعضی نرسه لر نی ترقتماقده میز.  انسان لر البته که اینگ یخشی, اینگ نقصسیز و اینگ گوزه ل وضعیتلرینی ترقتماقده. شوباعث بونی کورگن اینیقسه یاشلر 'میندن باشقه همه نینگ حیاتی جوده یخشی' کبی بیر فکر گه ایگه بولیب قاله دی" دییه قید ایتدی. 

اجتماعی ترماقدن شعورلی بیر شکلده فایده له نیش کیره ک

ایندی مدرن حیاتده اجتماعی ترماقدن وازکیچیش ممکن ایمس. خوب, بونده ی بیر وضعیتده اجتماعی ترماقدن وازکیچمسدن یالغوزله شیش دن نجات تاپیش نینگ بیر یولی بار می؟ بونینگ اوچون شعورلی بیر فایده لنووچی بولیشی میز کیره ک ایکن لیگی نی بیلدیرگن گوکپنار, اوز سوز لری نی قوییده گیچه دوام ایتدیردی:

"اصلی گه قره گنده اجتماعی ترماق نینگ انسان لر جهتیدن کوپلب فایده لری بار. البته که اورتاقله شیش و لایک آلیش کبی ضرورت لرنی تامین ایتیب بیره دی.  لیکن اجتماعی ترماقده انسان لرنینگ اوشبو خصوصده گی مفکوره سی نی معلوم بیر سویه ده اسره شی کیره ک.  یعنی باشقه لرنینگ فعال ایکن لیگی و اوزی نینگ ایسه اونچه لیک ایمس لیگینی حس ایتیشی تقدیرده, بونینگ فقط گینه اوزی تامانیدن تیارلنگن بیر تصویر دن عبارت ایکن لیگینی درک ایتیشی کیره ک انسان لرنینگ.  شوباعث اجتماعی ترماقدن کوپراق بیر واسطه اوله راق فایده له نیش کیره ک.  بونی بیر مقصد گه ایلنتیریش توغری بیر حرکت دن عبارت بولمه یدی البته که".