تورکیه بشارالاسد رژیمی بیلن نورماللشه دی می؟

تحلیل و تیکشیروو

1935783
تورکیه بشارالاسد رژیمی بیلن نورماللشه دی می؟

تورکیه بشارالاسد رژیمی بیلن نورماللشه دی می؟

سوریه ده ایچکی اوروش باشله گن 2011 ییلیدن بیری ایلک مرته انقره بیلن دمشق اورته سیده توغریدن توغری اوچره شولر باشله گن بیر باسقیچ گه کیرماقده میز. ییتکچیلر سویه سیده بیریلگن دستلبکی بیاناتلرنینگ و کوریلیشده اولیملی پیاملرنینگ آرتیدن مسکوده مدافعه وزیرلری و استخبارات باشقرمه لری نینگ باشلیغلری اوچره شدی، ایندی ایسه تشقی ایشلر وزیرلری نینگ اوچره شیشی کوتیلماقده. روسیه واسطه چیلیک رولیده ایکن ایران بیلن بیرلشگن عرب امیرلیکلری کبی اولکه لر هم جریان گه اوزینی کیریتیش اورونیشیده دیر. 

  

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایته میز

 

2011 ییلی عرب بهاری نینگ هم تاثیری بیلن سوریه ده باشله گن مظاهره لر، بشارالاسد رژیمی گه باغلیق حربی کوچلرنینگ قوراللی کوره شلری بیلن آدیم آدیم بیر ایچکی اوروش گه ایلنیب کیتدی. ایران و روسیه کبی اولکه لر بشارالاسد رژیمینی قوللب – قوتلر ایکن تورکیه هم ایچیده بولگن دنیا بویلب کوپچیلیک سوریه لیک مخالفلرنی قوللب – قوتله دی. ایرکین سوریه اردوسی قوریلدی و بشارالاسد رژیمی گه قرشی مقاومت باشله دی. بیراق اولکه ایچیده گی توقنه شوولر بیر وکالت اوروشی گه ایلنر ایکن ایران بیلن روسیه سوریه ساحه ده حربی اوله راق بشارالاسد رژیمی گه جدی همکارلیک قیلدیلر. عراقده یوز بیرگن بحران نینگ تاثیری بیلن یوزه گه چیققن داعش سوریه نینگ ایچی گه ییره ش گه باشله دی و اولاً مخالفلرنی آماج قرار بیردی. امریکا قوشمه ایالتلری و غرب اولکه لری ایسه داعش گه قرشی کوره ش نی مرکزگه آلیب سوریه لیک مخالفلرگه بیرگن همکارلیک نی توخته تیب قویدیلر. بیر باشی گه قالگن تورکیه ایسه ایران و روسیه بیلن اوچ تامانلیک بیر میکانیزم گه باش اوروب آستانه جریانینی تشکیل ایتدی. آستانه جریانی اوروشده غلبه قازانگن تامان بولمه گن معناسیگه کیلیب سیاسی بیر ییچیم کیره کلیگینی یوزه گه چیقردی. البته کی یوزمینگلب کیشی حیاتینی یوقاتگن، میلیونلب انسان اوی – جاییدن بدرغه بولیب کیتگن، سوریه نینگ آست قوریش و اوست قوریشلری ییقیلیب کیتگن بیر ویرانه بولدی. بیر تاماندن امریکا قوشمه ایالتلری داعش گه قرشی کوره شنی استثمار ایتیب پی کاکانینگ سوریه ده گی ترماغی بولمیش پی وای دی/وای پی جی بیلن فرات نینگ شرقیده گی ساحه لرنی کنترول آستیگه آلیب بو جایده بیر ترورچیلیک دولتی قوریش اورونیشیده بولگندی. 

 

تورکیه آلیب بارگن حربی عملیاتلر بیلن بو اوزیچه دولت گینه نینگ بیر یول تاپیب شرقی اورته ییر دینگیزی گه ییتیب باریشی گه توسیق بولدی. بیراق تهدید حلی هم دوام ایتماقده ایدی. 

 

ایندی انه شو یوقاریده بیان ایتیلگن سیاسی ییچیم، ترورچیلیک که قرشی کوره ش و قاچقینلر موضوعلری دایره سیده ینگی بیر جریان باشله گن شکللی. جمهور باشلیغی ایردوغان پوتین نینگ تکلیفی گه بیر چانس بیریب بشارالاسد رژیمی بیلن اوچره شیش نی تصدیله دی. آرتیدن مسکوده مدافعه وزیرلری و استخبارات باشقرمه لری نینگ باشلیغلری اوچره شدی، ایندی ایسه یقین پیتده تشقی ایشلر وزیرلری نینگ اوچره شیشی کوتیلماقده. ایران بیلن بیرلشگن عرب امیرلیکلری کبی اولکه لر هم جریان گه اوزینی کیریتیش اورونیشیده دیر.

 

بیراق تامانلر اورته سیده جدی توسیقلر بولگن لیگینی هم کوریش کیره ک. تورکیه نینگ اساسی طلبلری سوریه نینگ توپراق بوتونلیگی تامین ایتیلیب پی کاکاگه قره ته مشترک عملیاتلر اویوشتیریلیشی، بیرلشگن ملتلر تشکیلاتی نینگ حمایه سی بیلن خلق ارا فن ایجاد ایتیب حلب قاله ویرسه ویران بولگن ایریم شهرلرنی قیته قورولیشی و قاچقینلرنینگ قیتیب کیلیشلری دیر. البته کی بولرنینگ عملی بولیشی اوچون سیاسی ییچیم یولی نینگ دوام ایتتیریلیشی، ینگی اساسی قانون نینگ ایجاد ایتتیریلیشی و مخالفلرنی اوز ایچیگه آلگن بیر باشقروونینگ یوزه گه کیلیشی دیر. بیراق بشارالاسد رژیمیدن کیلگن اشاره لر بو طلبلرگه اولیملی یانداشوو یوقلیگینی کورسته دی. شونده ی بولیب بو توغریده اراده نینگ بولمه گن لیگی و ظرفیت بارلیگی توغریسیده هم شبهه لر بار. البته کی بشارالاسد رژیمی نینگ اوز ایاغی اوستیگه توریش گه قینلگن لیگی، اینیقسه اقتصادنینگ توختب قالیش نقطه سیگه کیلگن لیگینی، انسانلرنینگ آذیق – اوقات و انرژی خوفسیزلیگیدن محروم قالگن لیگینی ایسدن چیقرمسلیک کیره ک. عیندمده روسیه نینگ اوکراین اورشی بیلن یوزه گه چیققن ینگی جیوپولیتیک موازنتلر هم تورکیه نینگ قولینی کوچه یتیرماقده. شونده ی بولیب بشارالاسد رژیمی تورلی خیل فرصت بیریش گه قینه لیشی ممکن. بیراق تورکیه ده گی سیلاولرنینگ آرتیدن جریان انیقلشه دی.     

 

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایتدیک.



علاقه لی ینگی لیکلر