ساغلام یشش اوچون نیمه لر گه اعتبار بیریش کیره ک؟

اوشبو حقده اندوکرینولوژی و میتابولیزم کسللیک لری متخصصی پروفیسر داکتر مظهر مسلم تونه گپیریب بیردی

1934751
ساغلام یشش اوچون نیمه لر گه اعتبار بیریش کیره ک؟

انسان لر تلویزیون لر و موبایل لر بیلن کوپ وقت اوتکزماقده, قیسقه مسافه ده گی جای لر گه هم موتر بیلن بارماقده و سودا- ساتیغی نی انترنت دن قیلماقده...مدرن حیات طرزی انسان لرنینگ ایشی نی آزه یتیره دی, لیکن انسان لر ده حرکت سیزلیک نینگ سبب بولگن کوپلب ساغلیق معما لری اوچون شرایط تامین ایتیب بیرماقده. 

جهان ساغلیق نی سقلش تشکیلاتی نینگ بیر راپوری هم تقریباً خوددی شوو حقیقت نی تائید ایتماقده.  194 اولکه دن توپلنگن معلومات لر بیلن تیارلنگن اوشبو راپور گه کوره, تدبیر آلینمس لیگی تقدیرده میلادی 2030- ییل گه قدر 500 مینگ گه یقین کیشی حرکتسیزلیک سببلی معما لر گه دوچ کیلیب قاله دی. 

خوب, حرکتسیزلیک نیمه اوچون ساغلیق معما سی گه آلیب کیلماقده و قیسی کسللیک لر گه سبب بولماقده؟

فزیکی فعالیت ییترسیزلیگی نینگ سبب بولگن اینگ مهم راحتسیزلیک نینگ سیمیزلیک دن عبارت ایکن لیگی نی بیلدیرگن ساغلیق بیلیم لری عالی بیلیم یورتی استادی و اندوکرینولوژی و میتابولیزم کسللیک لری متخصصی پروفیسر داکتر مظهر مسلم تونه قوییده گیچه معلومات بیردی:

"سیمیزلیک بیرته گینه کسللیک ایمس. باشقه کسللیک لر گه هم سبب بولیشی ممکن.  سیمیزلیککه باغلیق بیر شکلده پیدا بوله دیگن اینگ مهم کسللیک دیابت دن عبارت.  بوندن تشقری کاردیو واسکیولر کسللیک لر, یوقاری قان باسیمی, سکته و فلج کبی کسللیک لر گه سبب بولیشی ممکن.  البته که بو بدنی کسللیک لر دن تشقری کوپلب روانی کسللیک لر گه هم سبب بولیشی احتمالی موجود". 

بو کسللیک لرنینگ آلدی نینگ آلینیشی اوچون ساغلیقلی بیر شکلده اوقات قیلیش بیلن بیرگه, منظم روشده فزیکی فعالیت لر قیلینیشی کیره ک.  زیرا اوشبو فزیکی فعالیت لر, یوقاری قان باسیمی کبی کاردیو واسکیولر کسللیک لر, دیابت, ایمچک و ایچک سرطانی و حتی دیپریشن ریسکی نی آزه یتیره دی.

ساغلیقلی بولیش اوچون قنچه سپورت قیلیش کیره ک؟

جهان ساغلیق نی سقلش تشکیلاتی و کوپلب اویوشمه لر هفته ده 150 الی 300 دقیقه سپورت نی توصیه ایتماقده.  کونده تقریباً 30 الی 60 دقیقه یوریش بونینگ اوچون کفایت قیلماقده.  امکانیت بولگن تقدیرده بایسکل هیده ش, چاپیش یاکه چومیلیش هم ممکن.

حرکت قیلیش دیپریشن ریسکی نی آزه یتیره دی

حرکت قیلیش بوغین لر, بیریکتیروچی توقیمه لر و سویَک لرنی مستحکم له یدی. انسولین مقاومتی نی آزه یتیره دی.  وزن یوقاتیش نی آسانلشتیره دی. شونده ی قیلیب قان باسیمی و شکری نی موازنه لی بیر وضعیت گه کیتیره دی. 

انسان لرنینگ منظم روشده سپورت قیلیش لری فقط گینه فزیکی ایمس, بلکه روانی ساغلیق جهتی دن هم جوده فایده لی بوله دی. 

متخصص لر سپورت نینگ فقط گینه ساغلیق معما سی بولگن کیشی لر ایمس, بلکه همه تامانیدن هم قیلینیشی کیره ک ایکن لیگی نی بیلدیرماقده.  بونینگ بیر حیات طرزی گه ایلنتیریلیشی کیره ک ایکن لیگی نی بیلدیرگن پروفیسر داکتر تونه, بو سپورت لر نینگ باله لیک چاغیده ینه ده کوپراق قیلینیشی کیره ک ایکن لیگی نی معلوم قیلدی.  داکتر تونه باله لیک چاغیده گی سیمیزلیک نینگ کتته لیک چاغیده جدی معما لر گه سبب بولیشی نینگ ممکن ایکن لیگی نی بیلدیردی.  



علاقه لی ینگی لیکلر