تورکیه گه مخصوص بیر کباب حقیده قیسقه معلومات

اوشبو کباب سینوپ ولایتی نینگ بویابات تومنی گه خاص

1915485
تورکیه گه مخصوص بیر کباب حقیده قیسقه معلومات

تورکیه نینگ قاره دینگیز قیرغاغیده گی سینوپ ولایتی نینگ بویابات تومنی گه خاص "بویابات سیریک کبابی", میلادی 2020- ییلده تومن نینگ تجارت و صنایع اتاقی نینگ طلبی گه بناً تورکیه نینگ ثبت قیلینگن محصولاتی لیستی گه کیریتیلدی.  بویابات سیریک کبابی, "قاره یاقه" دیب اته له دیگن قوزی گوشتی دن تیارله نه دیگن و فقط گینه طبیعی توز دن فایده لنگن بیر طعام دن عبارت. گوشتی دن کباب پشیریله دیگن قوزی نینگ اوشه کون نینگ اوزیده سویلیشی و اینگ کیچ ایکّی کون مابینیده داش گه قویلیشی کتته اهمیت گه ایگه.  پشیریلیشی دن آلدین ایچکی اورگان لری چیقاریلگن قوزی نینگ ایچکی قسمی قایا توزی بیلن توزله نه دی.  یوقه طرفی بوینی دن چیقه دیگن شکلده تقریباً 2 مترلیک سیخ گه اوتکزیلگن قوزی نینگ اونگ و آرقه ایاق لری آرقه گه قره ب تارتیلیب باغله نه دی.  قوزی نینگ اونگ ایاق لری بوغین جای لری دن کیسیلیب کوکسیده آچیلگن تیشیک لر گه جایلشتیریله دی.  بوندن کیین ایسه قارین قسمی تیکیله دی.  خوددی شوو وقت نینگ اوزیده داش نینگ ایکّی تامانیدن قره غه ی اوتی نی یاقیله دی.  سیریک کبابی اوچاققه قویلیشی آرتیدن تیرله گونگه قدر اوت نینگ آز بولیشی کیره ک, کیین ایسه اوت نینگ کوچی آرتیریله دی.  قوزی گوشتی پیشیاتگن پیتده یاغی نینگ توکیلیشی اوچون تگی گه بیر پتنوس قویله دی.  خوددی شوو یاغ, پیشیاتگن پیتده یومشاق بولیشی و یخشی پیشیشی اوچون قوزی گوشتی نینگ اوستی گه تشله نه دی. بویابات سیریک کبابی نینگ پشیریلیش مدتی اورته بیر قوزی اوچون تقریباً 4 ساعت دن عبارت.  پشیریش پروسه سی نینگ سونگّی بولیمی ده, قارین تیشیگی دن کیلیاتگن توز سویی بیر تباققه آلینیب قوزی گوشتی نینگ تشقی قسمی گه توکیله دی.  شونده ی قیلیب گوشت نینگ لذتلی بولیشی تامین ایتیله دی و همده قوشیمچه توز قویلیشی گه ضرورت قالمه یدی.  کباب اوچاق دن توشیریلیشی آرتیدن ساوتیله دی.  عنعنوی اوله راق اوشبو کباب ساوق بیر شکلده ییله دی.      



علاقه لی ینگی لیکلر