تورک چایی

بولرنی بیله سیز می؟

1914495
تورک چایی
çay və qəhvə.jpg

دنیا مقیاسیده اینگ کوپ چای ایچیلگن اولکه تورکیه بولگن لیگینی بیلرمیدینگیز؟

چای نینگ اصل وطنی تورکیه بولمه گن حالده اینگ کوپ تورکیه ده استعمال بولگن لیگینی ایتیش کیره ک. چینده جهان چای کینگشی تامانیدن تیارلنگن راپورگه کوره، دنیا مقیاسیده کیشی باشیده اینگ کوپ چای استعمال قیلینگن اولکه لر قطاریده 3،5 کیلوگرام بیلن تورکیه بیرینچی اورینده توره دی. تورکیه چای تولید ایتیشده ایسه دنیا مقیاسیده بیشینچی اورینده توره دی.

تورکلر اورته آسیاده چای نی بیلگن حالده اناطولیده چای 19 – عصرنینگ ایککینچی یرمیدن کیین ییره ش گه باشله گن دیر. عثمانلی دولتیده چای گه کوره قهوه کوپراق استعمال بولگن دیر. بیراق اوروشلر طفیلی نرخی تیپه گه کوتریلگن قهوه دن محروم بولیب قالگن دیر. جمهوریت اعلان قیلینگندن کیین مصطفی کمال اتاتورک، نرخی ارزانراق و آسانراق تولید قیلینگن چای نینگ ییتیشتیریلیشی و ایچیشینی تشویق ایتگن دیر. شونده ی بولیب 1924 ییلی ریزه ولایتیده چای ایشلب چیقریلیشی بوییچه قانون لایحه سی چیقریله دی و منطقوی رواجلنیش ریجه سی بیلن تورکیه چای تولید قیلیش و استعمال ایتیش بوییچه دنیا مقیاسیده مهم اورین گه ایگه بوله دی.

بوگونگی کونده چای فقط بیر ایچیله دیگن نرسه ایمس عیندمده کونده لیک حیاتده بیر اجتماعیلشوو واسطه سی دیر. چای اکرام ایتیش و بیرگه لیکده ایچیش مهمان نوازلیک و حرمت نی کورسته دی. چای سوونینگ آرتیدن اینگ کوپ استعمال قیلینگن ایچیملیک بولیب عایله فردلری و مهمانلرنینگ بیر جایگه ییغیلیب مشترک قدریتلرنی باهم لشیب ایچیلگن ایچیملیک دیر.



علاقه لی ینگی لیکلر