اینگ یخشی اویقو توغریسیده قیسقه معلومات

تورکیه جمهوریتی ساغلیق بیلیم لری عالی بیلیم یورتی نورولوژی بولیمی نینگ استادی پروفیسر داکتر فسون مایدا دوماچ اوشبو موضوع بیلن علاقه لی قوییده گیچه معلومات بیردی:

"بیر کیشی نینگ کیچه توختاوسیز روشده اوخلب ایرته لب راحت بیر شکلده اویغانگن مدت 'اینگ یخشی اویقو مدتی' اوله راق بهالنتیریلماقده.  انسان لرنینگ 85 فایزی نینگ اینگ یخشی اویقو مدتی 6- 8 ساعت دن عبارت ایکن, کیشی لرنینگ 15 فایزلیک بیر بولیمی 6 ساعت دن آز یاکه 8 ساعت دن آرتیق بیر مدت اوخله ماقده". 

موسم لر انسان لرنینگ اویقوسی گه قنده ی تاثیر قالدیره دی؟

"هوا نینگ ایسسیق بولیشی و کون لرنینگ قیسقریشی اویقو هورمونی دیب اته لگن ملاتونین بیلن موتلی لیک هورمونی اوله راق بیلینگن سروتونین تولیدی گه تاثیر قالدیرماقده.  نتیجه ده اویقو معما لری, چرچش و خرسندسیزلیک کبی قیین چیلیک لرنینگ پیدا بولیشی ممکن.  موسم اوزگریشی دن آز تاثیرله نیش اوچون اویقو نظمی گه اهمیت بیریش, ساغلیقلی غذا لردن فایده له نیش, کون نینگ آیدین لیگی دن استفاده ایتیش و وجود نینگ ایمنی سیستمی نی کوچه یتیریش کیره ک."

یخشی بیر اویقو اوچون نیمه قیلیش کیره ک؟

هر کیچه معین بیر ساعتده اوخلب ایرته لب معین بیر ساعتده تورینگ.

کوندوز 20 دقیقه دن آرتیق اوخله منگ. 

کیچه لری کافئین دن فایده له نیش نی چیکلب قوینگ.

اوخله مسدن آلدین سگرت چکمه نگ.

یاتاقده نان ییمه نگ, کتاب اوقیمه نگ, موبایل یاکه کمپیوتر دن فایده لنمه نگ.

سیز اوخله یدیگن اتاق نینگ اویغون ایسسیق لیک, سیس سیز و قارانغو بیر شرایط گه ایگه بولیشی گه اهمیت بیرینگ. 

اویغانگن پیتگینگیزده پرده نی آچیب اتاق نینگ ایچی گه قویاش نینگ کیریشی اوچون شرایط تامین ایتیب بیرینگ. 

کیچه اوخله مسدن کمیده 3 الی 4 ساعت آلدین نان یینگ.  یینگیل اما پروتین جهتی دن بای غذا لرنی ترجیح ایتینگ. 

یخشی بیر اویقو اوچون شرایط نینگ قنده ی بولیشی کیره ک؟

"یخشی بیر اویقو اوچون سیز یاته دیگن اتاق نینگ اویغون بیر هوا گه ایگه بولیشی کیره ک.  عینی دمده یاتاق و یستیق نینگ هم کیشی نینگ اوزی گه اویغون بولیشی شرط.  سیز اوخله یدیگن اتاق نینگ 20 سانتی گراد بولیشی اینگ اویغون هوا دن عبارت بوله دی.  اتاق ایسسیق لیگی نینگ آرتیشی تقدیرده, انسان تیز- تیز اویغانیب اویقو کیفیتی بوزیله دی. 

اتاق ایسسیق لیگی نینگ 12 سانتی گراد دن کم بولیشی تقدیرده ایسه, اویقو کیفیتی بوزیلیب یمان توش لر کوره باشله یدی انسان.  اوخله مسدن آلدین ایسسیق سوو بیلن تشناب قیلیش نینگ اوزی هم تینچ بیر اویقو اوچون فایده لی بوله دی. الکترومقناطیسی تولقین لر ترقه ته دیگن جهاز لرنینگ موجودیتی ملاتونین هورمونی نینگ تولیدی گه تاثیر قالدیره دی.  اینیقسه ماوی شعاع ترقه ته دیگن موبایل, تابلیت و کمپیوتر کبی جهاز لر دن فایده له نیش نی اوخله مسدن 2 ساعت آلدین توخته تیب قویش کیره ک."