روسیه اوکراین گه قرشی اوروشده یینگیلماقده

تحلیل و تیکشیروو

1881855
روسیه اوکراین گه قرشی اوروشده یینگیلماقده

روسیه اوکراین گه قرشی اوروشده یینگیلماقده

پوتین فبروریده اوکراین گه باشلتگن اوروش بوتونله ی بیر ناموفقلیک که ایلنگن وضعیتده. روسیه نینگ ذکاوتلی مقاملری «یلدیرم عملیاتی» بیلن کیف نی بیر نیچه کون ایچیده آلیب زلنسکی اقتدارینی تونتریب اوکراین نی اوزیگه قوشیب آله جگینی کوتگندی. بیراق سیکیزینچی آیگه ییتگن اوروشده روس اردوسی بوتونله ی بوغیلیب قالگن وضعیتده. اولاً کیف، چرنیکوف و سومیدن ایندی ایسه خارکیف خطیدن بوتونله ی چیقیش گه مجبور بولیب قالدی. شو آنگی باسقیچده حربی کوچ اوکراین نینگ فایده سیده ایکن روسیه نینگ ایککی ته الترناتیفی بار کبی کوریله دی. روسیه یا اوکراین نی ترک ایته دی ویا بوتونله ی سفربرلیک اعلان ایتیب حربی کوچی بیلن اوکراین نی اشغال ایتیب آلیش گه اورونه دی.

 

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایته میز

 

روسیه خارکیف خطیده سونگگی بیر نیچه کون ایچیده 4 آیده قولگه کیریتگن برچه منطقه لرنی قولدن بیردی. اوکراین اردوسی کوتیلمه گن بیر شکلده هجوم قیلیب قیسقه مدت ایچیده روس اردوسی نینگ ایلگری مدافعه خطینی برهم اوروب ستراتیژیک منطقه لرنی قولگه کیریتیب آلیش گه موفق بولدی. زلنسکی بیرگن بیاناتگه کوره، اوکراین 6 مینگ کیلومتر مربعلیک ساحه نی قولگه کیریتیب آلیش گه موفق بولگن وضعیتده. روسیه بیرگن آغیر واسطه و عسکری تلفاتی گه دقت تارتماقده. بونی روسیه مدافعه وزیرلیگی نینگ بیاناتی نینگ عکسینچه پلانلی کیینگه قیتیش ایمس، خارکیفده آغیر بیر ضربه آلیب ناموفقیتلیک گه اوچره شگن دیب بهالندیریش ممکن. روسیه اوچون اوکراین اوروشی بیرینچی کونیدن بیری یمان وضعیتده ایدی. شونده ی بولیب سونگگی تلفاتلر اوروش نینگ وضعیتی نینگ ایندی مدافعه ده بولگن نینگ اوکراین ایمس روسیه اردوسی ایکن لیگینی کورستماقده.

 

شونده ی بولیب روسیه دولت باشلیغی ویلادیمیر پوتین اوکراین نی اشغال ایتیش اورونیشی بیلن روسیه آتی گه کتته بیر قمار اوینه دی و یینگیلدی. پوتین روس اردوسی گه «یلدیرم عملیاتی» بویروغینی بیررکن کیف نینگ قیسقه مدت ایچیده قولگه کیریتیب آلینه جگینی، زلنسکی ییتکچیلیگیده گی اقتدارنینگ تونتریله جگینی، قومنده کنترول توزومی نینگ یوقه لیب اوکراین اردوسی نینگ اولکه مقیاسیده مقاومتی نینگ یکونلنه جگینی اویلب حرکت قیلدی. بیراق هنوز اوروش نینگ باشیده «یلدیریم عملیاتی» ناموفق بولدی. کیف نی قولگه کیریتیب آلیش اوچون قوریلگن خاص تیم کبی حربی حرکت اوکراین اردوسی نینگ جواب بیریشی بیلن تاثیرسیز وضعیت گه کیلدی. آرتیدن اشغال گه ایلنگن روس مداخله سی برباد پلانلش، ییترسیز قومنده کنترول و ییترسیز لوجستیک طفیلی آغیر بیر شکلده آلغه باردی. اینیقسه کیف، چرنیخی و سومیده بیریلگن آغیر تلفاتلر بیلن بو منطقه دن چیقیش گه مجبور بولیب قالدی. شونده ی بولیب تورکیه تامین ایتیب بیرگن ت ب2 سیهالر و غرب مالی انتی تانکلر هم انچه تاثیرلی بولدی. روسیه اونینگ آرتیدن جنوب و شرق جبهه لریده آغیر تلفاتلرنینگ آرتیدن کم گینه یوتوق قولگه کیریتدی. خرسون و دونباسده آلغه باردی بیراق کیینگی آیلرده بو هم قولدن کیتدی و آدیم آدیم اوکراین اردوسی اولاً توازننی کیین اوستونلیک قولگه کیریتدی. شونده ی بولیب روسیه نینگ اوکراین گه قرشی هوا اوستونلیگینی قولگه کیریته آلمسلیگی غربدن اینیقسه HİMARS لر بیلن بیر قطارده آغیر قوراللر سوقیاتی و البته کی روس حربیلریده روحیه نینگ کمه ییب باریشی اوروش نینگ عاقبتینی تعیین قیلگن شکللی. بیر ضعیفلتیش اوروشی گه هم ایلنگن اوکراین حربیده غربی اولکه لر قاله ویرسه امریکا قوشمه ایالتلری اوکراین اردوسیگه دواملی ینگی قوراللر و مهماتلر بیلن قوللب – قوتلر ایکن روسلرنینگ تلفاتنی کنترول آستیگه آلیش گه موفق بولمه گن لیگی کوریلماقده. روس مدافعه صنایعی نینگ تیز و ییترلی درجه ده تولید قیله آلمه گن لیگی اینیقسه ینگی رواجلنگن قورال تیزیملری بوییچه غرب اولکه لریگه باغلیق بولیشی نینگ تاثیرلی بولگن لیگی و روس اردوسی نینگ قینلگن لیگی بیر حقیقت.

 

شونده ی بولیب اوکراین اوروشی موجود شرطلرگه قره گنده روسلر اوچون قانیقرلی ایمس و خارکیف مغلوبیتی وضعیتنی یمانراق قیلگن وضعیتده. وضعیت اوکراین نینگ فایده سیده آلغه باررکن پوتین نینگ قولیده ایککی ته ترجیح بار. بولردن بیرته سی یا قدمه قدمه اشغال کوچلرینی تارتیب آله دی ویا بوتونله ی بشری و صنایع کوچینی اوروش گه تشلب یوق قیلووچی بیر حربی حرکات بیلن اوکراین نی اشغال ایتیش گه اورونه دی. ایککی شکلده هم ریسک و نا انیقلیکلر بار.       

 

تشقی سیاست تیکشیرووچیسی جان اجون نینگ موضوع بوییچه فکر و ملاحظه لرینی اعتبارینگیزگه حواله ایتدیک.

 

 



علاقه لی ینگی لیکلر