شیله دینگیز چیراغی
بولرنی بیله سیز می؟
تورکیه نینگ اینگ بویوک دینگیز چیراغی نینگ استانبول نینگ شیله تومنیده جایلشگن لیگینی بیلرمیدینگیز؟
شیله دینگیز چیراغی تورکیه نینگ اینگ بویوک دینگیز چیراغی دیر. دنیا مقیاسیده هم قدیمی بولگن حالده حلی هم ایشلب تورگن اینگ کتته ایککینچی چیراق اوله راق اورین آلماقده. شیله چیراغینی دنیا مقیاسیده اینگ کتته قیلگن خاصیتی کینگ لیگی و چیراغی نینگ اوزاقلردن کوریلیشی دیر. خلق ارا مقیاسده بیرینچی صنف ستندردلرده بولگن شیله چیراغی هوا اچیق بولگن کیچه لرده 35 میل مصافه گه ییتیب حتی استانبول بوغزیدن هم کوریله دی.
بو چیراغ بناسی نینگ توزیلیشی 1858 ییلی باشلنگن و 1859 ییلی توگه گن دیر. بونی توزه تیشدن مقصد قیریم اوروشیده قاره دینگیزدن اوته دیگن کیمه لرگه یول کورسه تیشدن عبارت ایکن. تاش قسمی تورک معمارلر تامانیدن تیمیر قسمی و کریستال تیزیمی فرانسه ده توزه تیلگن دیر. دینگیز سویه سیدن 60 متر یوکسکلیکده اورین آلگن شیله دینگیز چیراغی نینگ قلعه یوکسک لیگی ایسه 19 متر دیر.
هم تاریخی همده ساختمانی بیلن مهم بیر ساختمان بولگن شیله فنری بوگونگی کونده موزیم صفتیده نمایش قیلینگن وضعیتده. چیراغ نینگ خصوصیتلرینی عکس ایتتیرووچی گاز چیراغلری، قدیمگی تخنیک اسبالر و آیدینلتیش شکلی موزیمده انتیک ایتیب نمایش قیلینماقده. چیراغ نینگ اینگ مهم تامانیدن جوده گوزه ل قاره دینگیز منظره سیگه ایگه بولیشی دیر.
