تورکیه – یونان اورته سیده گی بحران

تحلیل و تیکشیروو

1845006
تورکیه – یونان اورته سیده گی بحران

تورکیه – یونان اورته سیده گی بحران

جمهور باشلیغی رجب طیب ایردوغان نینگ اوتگن هفته بولیب اوتگن ایفیس 2022 حربی سینشیده قیلگن صحبتیده بیرگن پیاملر و یونان نی غیر حربی آراللرینی قوراللشتیریشدن وازکیچیش گه چقیریشی، خوددی شو موضوع نینگ تورکیه تامانیدن اهمیت بیریلگن لیگینی و ایندی کوپراق عکس العمل کورسته جگینی نمایان قیله دی. بو تورکیه بیلن یونان اورته سیده گی مناسبتیده ینگی بیر بحران نی اشاره قیله دی. 

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایته میز.

آراللرنینگ قوراللشتیریلیشی نینگ اساسی موضوع وضعیتی گه ایلنیشی نینگ سببی بیرته ایمس دیر، جریان استه – سیکین آلغه باردی. یونان تامانیدن اژه دینگیزیده آلیب باریلگن حقوقسیزلیک یانداشوولری و مکسیمالیستیک پولیتیکالرینی شرقی اورته ییر دینگیزی گه انتقال بیرماقچی بولیشی درحقیقت بو جریاننی باشلتگن بولدی.

یونان فرصتدن استفاده ایتیب کینگ بیر تورکیه مخالفی جبهه بیلن حرکت قیلیب شرقی اورته ییر دینگیزیده ینگی حمله لرگه قول اوریشی انقره دن قتّیق عکس العمل کوردی و 2020 ییلی یوز بیرگن بحران نتیجه سیده یونان قول تارتیش گه مجبور بولیب قالگندی. تورکیه ایسه اولاً شرقی اورته ییر دینگیزیده باشله گن ناوتیکست پیاملرینی اژه گه انتقال بیریب آراللرنینگ غیر حربی وضعیتی نینگ اخلالینی اورغوله دی و دیپلوماتیک سویه ده بو موضوعنی قیته دن اولویت گه آلیش گه باشله دی.

معمانینگ کتته ریب مهم کون ترتیبی گه ایلنیشیده ایککی فاکتور بار. بیرته سی یونان تامانیدن آرت آتده آتیلگن ناتوغری آدیملر. شونده ی بولیب بیر تاماندن مدافعه بوییچه کیلیشیب آلدی و امریکا قوشمه ایالتلری بیلن حربی کیلیشوونی مدتسیز وضعیت گه کیلتیردی و امریکا قوشمه ایالتلریگه انچه حربی قونلغه تامین ایتیب بیردی. باشقه تاماندن ناتوغری و حدیدن آشه بیر قوراللنیش سیاستی گه قول اوردی. شونده ی بولیب آراللرنینگ غیر حربی وضعیتینی اخلالینی دایمی قیلیش و مشروعلشتیریش اوچون بو آراللرنی ناتو حربی سینشی گه و ایریم اولکه لری بیلن حربی سینشلریگه قوشیش اوچون اورونیب توردی. بو آدیملرنی آتکن سری تورکیه بیلن سیاسی و استشاری اوچره شوولرگه دوام ایتدی. بیراق سونگگی پیتلرده گی میچوتاکیس نینگ تورکیه گه قرشی آدیملرینی سیاسی اوله راق یشیریشدن قول تارتمه یشی صبرنینگ تاشیب کیتیشی گه سبب بولدی.

ایککینچی فاکتور ایسه تورکیه نینگ کوچه ییب بارگن دیپلوماتیک و حربی تاثیری بیلن تیگیشلی دیر. سونگگی ییللرده جبهه لرده عین آنده رقابتلر بیلن دوچ کیلگن تورکیه بولرگه کوچلی شکلده جواب بیردی و مهم فایده قولگه کیریتدی. اوکراین بحرانیده آتگن آدیملری و اوزیگه خاص حمله لری بیلن انقره نینگ قولی تاباره کوچلیراق بولدی.

شونده ی بولیب یونان نینگ سونگگی پیتلرده گی حمله لریدن نتیجه قولگه کیریتیش احتمالی تورکیه اوچون ینگی رقابت قیلیش یوزه گه چیقیش ریسکلرینی اوز ایچی گه آلماقده. شونده ی بولیب آلدینی آلووچی و کوچلی بیر حمله اوله راق آراللرنینگ غیر حربی وضعیتی نینگ قوریقلنیشینی اوزارا مناسبتلرده کون ترتیبی نینگ اساسی موضوعی ایتیب آلگن شکللی.

تورکیه - یونان بحرانیدن بیر حربی توقنه شوو ویا اوروش سناریوسی یراتیش گه حلی انچه وقتراق دیب کوریله دی. بیراق یونان تامانیدن قاله ویرسه آراللرنینگ قورالسیزلشتیریشی بیلن بیر قطارده اژه ده و ایریم ساحه لرده آتگن و آته جگی ناقانونی آدیملرگه قرشی تورکیه نینگ سابقگی صبرینی کورستمسلیگی هم انیق. شونده ی بولیب تورکیه نینگ حقوقسیز آدیملرگه قرشی دیپلوماتیک، سیاسی و حربی جهتدن باسیم عملی قیله دیگن گه اوخشه یدی. شونده ی بولیب وضعیت نی یونان تامانیدن بوندن کیین آتیله دیگن آدیملر تعیین قیله دی.       

خوفسیزلیک بوییچه تیکشیرووچیسی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایتدیک.

 



علاقه لی ینگی لیکلر