اوکراین بحرانی و اورته شرقده نورماللشوو

اوکراین بحرانی و اورته شرقده نورماللشوو جریانی

جمهور باشلیغی ایردوغان نینگ سوریه ده ینگی بیر حربی عملیات بیلن علاقه لی بیاناتی نینگ آرتیدن سوریه ساحه سیگه حرکت باشله دی. عموماً «سوریه ده بیر حربی عملیات بوله دی می؟» نینگ اورنیده «سوریه نینگ قه ییریده حربی عملیات اویوشتیریله دی؟» دیگن سوال مطرح بولیش گه باشله دی. بیراق ملی خوفسیزلیک کینگشی تامانیدن قبول قیلیب آلینگن قرار ایریم بیر تصویرنی یوزه گه چیقیشی گه سبب بولدی. کینگش «جنوبی چیگره ده گی عملیاتلر» دیب تاکییدله دی. ایندی بو نیمه معناگه کیله دی؟

خوفسیزلیک بوییچه تیکشیرووچی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایته میز.

اوتگن ییللرده سوریه ده ویا حلی هم عراقده آلیب باریلگن حربی عملیاتلرنینگ وقت و جای نقطه نظردن محدود و انیق بیر هدفدن عبارت ایکن لیگی کوریله دی. مثال اوچون پنجه – کلید حربی عملیاتی زب – متینا ساحه سیده گی تروریستلرنینگ تاثیرسیزلشتیریلیشی گه قره ته دیر. مقصد ساحه دن کوپراق تروریستلرنینگ تاثیرسیز وضعیت گه کیلتیریلیشی دیر. سوریه ده ایسه خوفسیز منطقه ایجاد ایتیلیش هدفی بیرینچی اورینده تورردی. شونده ی بولیب تروریست فعالیتلرنینگ تورکیه چیگره سیدن اوزاقلشتیریش و انسانی سببلردن سوریه لیکلر اوچون خوفسیز منطقه ایجاید ایتیشی مقصدی بار.

شو مرحله ده عراق و سوریه ده اوتکزیلگن حربی عملیاتلرنینگ مقصد و آلغه آلیب باریلیشی گه بیر اوزگریش یوق. بیراق ملی خوفسیزلیک کینگشی نینگ بیاناتی ینگی بیر وریانت نی اشاره قیلگن لیگینی ایتیش ممکن.

«جنوبی قوشنیلر» دیب افاده ایتیلگن عراق و سوریه ده کینگ جبهه ده تروریستلرنینگ حساسیتلری کوزه تیلیب ستراتیژیک تاثیر قالدیریب نتیجه قولگه کیریتیله دیگن ینگی بیر حربی ترجیح بار. بو دایره ده تورکیه نینگ چیگره خوفسیزلیگی، تروریست عنصرلرنینگ منبعیده یوق قیلیب تشلش، قوشیمچه کوچ دالغه لریگه توسیق بولیش – حتی قیتیب باریشلری گه فرصت یراتیش اوچون خوفسیز منطقه لرنی کینگه یتیریش دیگن معناده تحلیل قیلیش ممکن. شونده ی بولیب بیر شکلده بو هدفلر عملی قیلینه دی.

خوف کینگ جبهه ده اجرا ایتیله دیگن بیر عملیات زنجیریگه معما توغدیرگن دولتلرنینگ عکس العملی قنداغ بوله دی؟ سویدن و فینلندنینگ ناتوگه اعضالیکلری بیلن اوکراین اوروشی تارتیشیلیب تورگن شو پیتده تورکیه نینگ خوفسیزلیک قیغولری گه قولاق سالمه گن بیر غرب عالمی بار. شونده ی بولیب مک گورگ گه قیته دن تاپشیریلگن سوریه دوسیه سیده کونگلی بولمه گن بیر امریکا قوشمه ایالتلری توسیق بولیش گه اورونیشی ممکن. بیراق جیوپولیتیک قیغولر باعث سوریه ده نیمه اوچون تورگن لیکلرینی تارتیشیب تورگن امریکالیکلر 30 کیلیومتر چقورلیک افاده سیگه حق بیریش گه مجبور. شونده ی بولیب قول قویگن حجتلرده گی حکملرنی بجا کیلتیرمه دی.

روسیه جهتیدن وضعیت باشقه چه البته. مسکوده نماینده لیگی بولمیش پی کاکا/پی وای دی نی تورکیه و امریکا قرشی بیر آله ایتیب کورگن لیگی انیق. روسلر سوریه ده ایپ نینگ اوچینی قولدن بیرمسلیک اوچون محدود عملیاتلرگه کوز یومیش گه مجبور بولیب قالیشی، کینگ کولملی بیر عملیاتده روس طرفداری بیر تیزیم نینگ دوام ایتیشی گه ماسلنیشی کوتیلیشی کیره ک. خوددی شو اوچون حلب کبی حساس شهر مرکزی گه قره ته قنده ی بیر حربی عملیات گه قتیق ناراضیچیلیک بیلدیره دی. روسیه 30 کیلومتر چقورلیک که قدر حربی عملیاتگه کونگلسیز بولسه ده سیس چیقرمسلیگی کوتیله دیگن نرسه البته کی. عکسی حالده اوکراین هجومچیلیگی بولگن حالده اینیقسه بیر توازنده توتیلگن تورکیه مناسبتلری بحران گه کیریشی ممکن. اینیقسه تروریستلرنینگ تورکیه بیلن کیلیشوویگه عکسینچه 30 کیلومتر چقورلیکده گی موجودیتی و فعالیتلری روسلرنی جیم قیلیش سویه ده دیر.

ایران موضوعی بیراز قره مه قرشی بیر وضعیت. ایران نینگ پی کاکا/پی وای دی بیلن آرقه پلانده تورگن دیالوگی تورکیه جهتیدن بیر ریسک تشکیل ایتماقده. شونده ی بولیب ایران نینگ هم عراق همده سوریه ده گی حرکتلریگه دقت ایتیش کیره ک.

نتیجه شو: عراق و سوریه ده انچه اکتیف بیر باسقیچ گه کیره میز. عین آنده ویا کیتمه کیت ایریم منطقه لرده عملیاتلر یاز فصلی نینگ کون ترتیبیده اورین آله دی. اگر روسیه و امریکا قوشمه ایالتلری بیلن دیپلوماتیک مذاکره لرده بیر نتیجه قولگه کیریتیلمه گن تقدیرده...  

خوفسیزلیک بوییچه تیکشیرووچیسی و یازووچی پروفیسور دوکتور مراد یشیلتاش نینگ موضوع بوییچه فکر و ملاحظه لرینی اعتبارینگیزگه حواله ایتدیک.