تورک قهوه سی

بولرنی بیلرمیدینگیز؟

1824263
تورک قهوه سی

تورک قهوه سی عنعنه لری نینگ هیچ اوزگرمه ی بوگونگچه ییتیب کیلگن لیگینی بیلرمیدینگیز؟

قریب 500 آلدین عثمانلی توپراقلری گه کیلگن و تیزلیک بیلن ییره ب بارگن قهوه؛ تاریخی، آتی بیریلگن بنالر، اکرام قیلیش شکلی، توزه تیشده ایش آلینگن اسبابلر و اجتماعی مناسبتده گی اورنی بیلن تورک مدنیتیده مهم اورین گه ایگه دیر.

میلادی 16 عصرنینگ باشیده قانونی سلطان سلیمان پیتیده مصر و حجازنینگ فتح قیلیب آلینیشی بیلن قهوه یمن یولی آرقه لی استانبول گه ییتیب کیله دی. قیسقه مدتده نه فقط سرایده بوتون خلق تامانیدن مصرق قیلیش گه باشلنه دی و بو ایچیملیک نینگ آتی بیلن قهوه خانه لر برچه امپراتئورلیک سطحیده آچیله دی. بو جایلرده شعر، ادبی پروگراملر و کتابخانلیکلر بیلن ادبی مکانلرگه ایلنیب قاله دی.

ینه بو پیتده استانبول گه کیلگن وینیدکلیک سوداگرلر قهوه بیلن تنیشه دی شونده ی بولیب قهوه مدنیتی عثمانلی آرقه لی اروپا و دنیاگه ییره ب کیته دی. بیراق تورک قهوه سی تیارلنیش و تقدیم ایتیش شکلی بیلن دنیاده گی برچه قهوه لرگه کوره فرقلی دیر. تورکیه ده کوپراق کفه یینی آلینمه گن خسته کبی ویا ینچیلیگن اون کبی شکلی بوله دی. شکرلی، کم شکرلی و شکرسیز اوله راق ایچیله دی. بو تاریخدن بیری دوام ایتیب کیلگن قهوه تیارلش شکلی دیر. تورک قهوه سی عوماً لقم و سوو بیلن اکرام ایتیله دی. قهوه ایچیلگندن کییین پیاله نینگ ایچیده قالگن چیقندیسی بیلن فال کوریله دی.

قهوه اکرام ایتیش تورک عنعنه سی نینگ بیر پارچه سی دیر. تورک قهوه سی تویدن مراسملری جریانیده گی مهم عنعنه لرنینگ بیر پارچه سی دیر. بای بیر اساسی بولمیش تورک قهوه سی 2013 ییلی یونسکو "انسانلیک نینگ نامادی مدنی میراثی رویخطی گه" کیریتیلگن دیر.



علاقه لی ینگی لیکلر