اوکراین اوروشیده سونگگی وضعیت
تحلیل و تیکشیروو لوحه سی
اوکراین اوروشیده سونگگی وضعیت
روسیه نینگ اوکراین نی باسیب آلیشی گه ایککینچی آی تولماقده. ساحه ده جدی معناده موفقیتسیزلیک بار. پوتین بویوک و ادعالی هدفلر بیلن باشله تگن اوروشده روسیه کیف جبهه سیدن بوتونله ی کیینگه قیتیش گه مجبور بولیب قالدی. اوروش دنباس منطقه سی بیلن ماریپولده دوام ایتیب بارماقده. بیراق روسیه تامانیده آغیر حربی تلفاتلر موجود. روسیه نینگ اوستیده خلق ارا چیکلاولر تاباره کوپه ییب بارماقده. اینیقسه بوچه کبی منطقه لرده یوز بیرگن حادثه لر خلق ارا همجمعیت نی غضبلنتیرگن وضعیتده.
تشقی سیاست بوییچه تیکشیرووچی جان اجون نینگ بو موضوع بوییچه فکر و ملاحظه‌لرینی اعتبارینگیزگه حواله قیله‌میز .
روسیه دولت باشلیغی پوتین بویوک و ادعالی هدفلر بیلن اوکراین نی باسیب آلیب قیسقه مدت جریانیده اوزیگه یقین بیر اقتدارنی باشقرووگه کیلتیریش نی اویله ماقده ایدی. بیراق روس اردوسی اوکراینده بوتونله ی بیر گرداب گه باتیب قالگن وضعیتده. اردو کیف جبهه سیدن بوتونله ی چیققن بولدی. ایندی قوشیمچه کوچلری بیلن دنباس نینگ اطرافیده اوکراین اردوسیگه قرشی اوروشماقده. ماریپولده گی مسکونی منطقه توقنه شوولری هم دوام ایتماقده. ایلک پیتلرده گی بولمسه ده روس اردوسی آغیر تلفات بیریش گه دوام ایترکن، کیف جبهه سیده گی یوتوق بیلن روحیه سینی کوچه یتیرگن اوکراین اردوسی ایندی دنباس نی قوریقلش گه اورونماقده.
غربی اولکه لرنینگ اوکراین گه حربی و اقتصادی همکارلیگی هم تاباره دوام ایتماقده. قوشیمچه کوچ اوله راق MANPAD و انتی – تانک قوراللری بیریش گه دوام ایترکن، سلواکیا تامانیدن یوکسک ارتفاع هوا مدافعه تیزیمی بولمیش س-300 لر هم اوکراین گه ییتکیریب بیریلدی. ینه تاباره کوچلی قورال تیزیملری نینگ ییتکیزیلیشی بوییچه اشاره لر بار.
ساحه ده بو حادثه لر یوز بیریش گه دوام ایترکن بوچه دن ییتیب کیلگن تصویرلر دنیانی چقور قیغولنتیردی. 34 کون اطرافیده روس اشغالیده بولگن منطقه ده بیر قتل یوز بیرگن. عمومی اولدیریش و قبرلر یوزه گه چیقرکن، تجاوزگه دوچ قالگن لیگینی ادعا ایتگن خاتین – قیزلر ایتگن نرسه لر حقیقتاً جوده قورقینچ. بوچه ده گی وضعیت خلق ارا همجمعیت نینگ بو حقسیز روس اشغالی گه قرشی تاباره غضبلنتیرگن وضعیتده.
روسیه گه قرشی خلق ارا چیکلاو دوام ایترکن پوتین نینگ اشغال گه اسرارچی بولیشی هم اوز اقتدارینی همده اولکه سینی بحران سری آلیب بارماقده.
تشقی سیاست بوییچه تیکشیرووچی جان اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.
