انرژی اوروشلری

انرژی اوروشلری

روسیه نینگ اوکراین نی باسیب آلیشی بیلن باشله گن جریانده انرژی نینگ بیر قورال کبی استعمال قیلینگن لیگینی ینه بیر مرته کوردیک. هیبرید اوروش شکلیده انرژی هم واسطه لشتیریلیب بیر اوروش واسطه سی اوله راق رقیبلرگه قره ته استعمال قیلینگن بیر عنصرگه ایلندی. روسیه صاحب بولگن نفت و طبیعی گاز کوچیدن ایش آلرکن امریکا قوشمه ایالتلری ایسه عکسینچه بیر پوزیشن آلیب روسیه نینگ انرژی صادرات قیلیشی گه توسیق بولیش گه اورونماقده. شونده ی بولیب البته کی انرژی نرخلری هم یوقاری باره دی.  

تشقی سیاست بوییچه تیکشیرووچی جان اجون نینگ بو موضوع بوییچه فکر و ملاحظه‌لرینی اعتبارینگیزگه حواله‌ قیله‌میز .

روسیه نینگ اوکراین نی اشغالی بیلن بیرگه لیکده اوراسیاده گی جیوپولیتیک توازن گه هم اوزگریش یوز بیردی. انچه ایریم فاکتور قاله ویرسه گلوبال انرژی بازاریده هم جدی اوزگریش یوز بیردی. برانت نرخلری کوتریلدی طبیعی گاز نفت واریل نرخی 130 گه کوتریلدی. اساسن دنیانی انرژی بازاری توغریسیده خواطرلنتیرگن فاکتورلردن البته کی روسیه نینگ انرژی ساتیشی هم طبیعی گاز همده نفتده اوچونچی اورینده بولیشی دیر.

انرژی عرض قیلیش روسیه نینگ هم کوچینی همده کوچسیزلیگینی کورسته دی. روس اقتصادی هر ییل میلیاردلب دالر قولگه کیریتر ایکن عین دمده خوددی شو صادرات بیلن تیگیشلی بیر اقتصادگه ایگه دیر. امریکا قوشمه ایالتلری ایسه بونی بیلیب اوکراین اشغالی باشلشی بیلن انرژی عرضینی محدودلشتیریش گه اینیقسه اروپالیک اولکه لرنینگ الترناتیف منبعلرگه جهت آلیشی گه سبب بولیب انرژی صادراتینی کمه یتیریش گه اورونماقده. البته کی بو جایده اروپا بیرلیگی اولکه لری نینگ روسیه گه اینیقسه طبیعی گازگه مهتاج لیگینی ستراتیژیک بیر کمچیلیک اوله راق یوزه گه چیقیشی، بو اولکه لرنینگ روسیه گه بولگن سیاستی گه تاثیر قالدیره دی. آلمان قاله ویرسه ایتالیا، فرانسه کبی مهم اولکه لرنینگ 40 – 50 فایز روسیه گه مهتاج بولیشلری اولرنینگ سیاستلریده قیناققه قالیش گه دوچ قویگن وضعیتده. ایندی روسیه گه بولگن مهتاجلیکلرینی برطرف ایتیش نقطه سیده مهم قرارلرنی قبول قیلیب آلیش گه مجبور قیلگن وضعیت بار.

نتیجه ده اوکراینده گی اوروش نینگ عاقبتی گه قره مه ی روسیه جهتیدن اورته و اوزاق مدتلیک ستراتیژیک زیانلری بوله دی. اروپا بیرلیگی اولکه لری نینگ بیر نیچه ییل ایچیده روسیه گه بولگن مهتاجلیگی اداغگه ییتیب باره دی و بواولکه لر روسیه گه قرشی کوچلیراق بولیب سیاست آلیب باریش گه قادر بوله دیلر. روسیه دن تشقریده گی انرژی تولید ایتووچی اولکه لر ایسه کوریلیشده بو جریاندن فایده لنه دی. ایران و ونزوئلا کبی اولکه لرنینگ گلوبال انرژی بازاریگه قیتیش احتمالی انچه بار.

تشقی سیاست بوییچه تیکشیرووچی جان اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.