سوریه ده گی سونگگی وضعیت حقیده بیر تحلیل یازووی

سوریه ساحه سیده سونگگی وضعیت

آستانه جریانی بیلن تیگیشلی 17- جلسه اوزاق مدت کیین تورکیه، روسیه و ایران نینگ قتنشیشی بیلن اوتکزیلدی. 2021 ییلی 21-22 دسامبر تاریخلریده نور سلطانده سوریه موضوعلی یوکسک سویه لی جلسه ده سوریه ده گی عمومی وضعیت، تروریزم و ایریلیکچیلیک که قرشی کوره ش و قاچقینلرنینگ قیتیب کیلیش موضوعلری تیلگه آلیندی.

تشقی سیاست محقیقی جان اجون نینگ بو موضوع بوییچه فکر و ملاحظه‌لرینی اعتبارینگیزگه حواله‌ قیله‌میز .

سوریه ساحه سیده بیر مدتدن بیری حربی حرکت یوق. بیراق سیاسی ییچیم جریانیده هم توسیق بار ایدی. بونقه بیر جریانده تورک، روس و ایرانلیک هیئاتلر اوزاق بیر مدت کیین 17 تور اوچره شوولری اوچون نورسلطانده قیته دن اوچره شدیلر. سوریه ده گی موضود وضعیت مطرح بولرکن تامانلرنینگ یانداشوویده حلی گچه بیر اوزگریش کوریلمه دی. جلسه دن کیین بیریلگن بیاناتده "سیاسی ییچیم جریانیده گی سونگگی حادثه لر، ادلبده گی وضعیت، انسانی یاردملر و تروریزم گه قرشی کوره ش موضوعلری تیلگه آلینگن دیر". دیب ایتیلدی. اینیقسه تورکیه تشقی ایشلری تامانیدن بیریلگن بیاناتده "تامانلر تروریزم گه قرشی کوره ش بهانه سی بیلن عملی قیلینماقچی بولگن غیر مشروع اوز اوزینی باشقریش اورونیشلری نینگ نامعقول ایکن لیگینی تاکییدله دیلر. فرات نینگ شرقیده گی ایریلیقچی ساختارلر تامانیدن تینچ اهالی گه قره ته تاباره کوپه ییب بارگن هجوملر و باسیم باعث خواطرلر بیان ایتیلگن، شونده ی بولیب بیز تاماندن پی کاکا/ وای پی جی ترور تشیلاتی گه قرشی کوره شیمیز تاکییدلنگن دیر" دیگن افا ده لر اهمیت گه سزاوار دیر.

تورکیه، روسیه و ایران نینگ ترور تشکیلاتی پی کاکا/ وای پی جی گه قره ته ایککی لیک سیاستیدن جدی معناده راحتسیزدیر. روسیه نینگ سوریه تیزیمی بیلن پی کاکا/ وای پی جی اورته سیده آلیب بارگن اوچره شوولر ینه تورکیه نینگ احتمالی حربی عملیاتلریگه قرشی بولیش اورونیشی تورکیه نینگ شبهه لرینی هم کوپه یتیرماقده دیر.

ترور تشکیلاتی پی کاکا/وای پی جی حلی هم فرات نینگ شرقیده 45- 50 مینگ کیلو متر اطرافیده گی بیر ساحه نی کنترول آستیگه آلیب تورگن، بو منطقه لرده اینیقسه تورکیه چیگره خطیده روس و تیزیم کوچلری هم پی کاکا/وای پی جی لیک تروریست جنگریلر بیلن بیرگه لیکده حرکت ایتیش گه دوام ایتماقده. جنوبده ایسه امریکا قوشمه ایالتلری حربیلری جایلشگن وضعیتده. ینه فرات نینگ غربیده تل رفات و منبج هم شونقه وضعیت بار. پی کاکا/ وای پی جی لیک عنصرلر بو منطقه لرنی تورکیه تامانیدن کنترول آستیگه آلینگن ساحه لرگه قره ته تروریستیک فعالیتلری اوچون ایش آلماقده و وقت وقتی بیلن توغریدن توغری تورک حربیلریگه قره ته ترویستیک هجوملر اویوشتیرماقده دیر. تورکیه نینگ موجود وضعیت نی قبول قیلیشی هیچ بیر شکلده ممکن ایمس. جمهور باشلیغی رجب طیب ایردوغان افده ایتگن شکلده یا بو منطقه لرده گی تروریست عنصرلر بوتونله ی روسیه و تیزیم تامانیدن تمیزلنه دی ویا تورکیه توغریدن توغری بیر حربی عملیات اویوشتیره دی.

روسیه نینگ تورکیه اوچون بولگن حساسیتلرنی و ترور تشکیلاتی پی کاکا/وای پی جی توغریسیده ملی خوفسیزلیگی بیلن تیگیشلی تهدیدلرنی بیلیب حرکت قیلیشی کیره ک. عکسی تقدیرده سوریه ده بیر ییچیم گه باریش و تامانلرنینگ ضرر کوریش چوقوریدن چیقیشی ممکن ایمس دیر.  

تشقی سیاست محقیقی جان اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.