یسمک اوستی آچیق موزیمی

تورکیه نینگ غازی انتیب ولایتیده قریب 3 مینگ ییل آلدینگی دوردن قالگن بیر هیکل کارخانه سی نینگ بولگن لیگینی بیلرمیدینگیز؟

تورکیه نینگ جموب – شرق منطقه سیده جایلگن غازی انتیب ولایتیده یسمک اوستی آچیق موزیمی و هیکل کارخانه سی، قریب 3 مینگ ییل آلدین هیتیت امپراتورلیگی پیتیده آچیلگن دیر. یقین شرق نینگ اینگ کتته تاش اوچاغی و هیکل کارخانه سی ایدی. 1890 ییلی کشف بو ساحه، یقین پیتده غازی انتیب موزیم مدیرلیگی تامانیدن اطراف توزه تیشلری ایشلری عملگه آشیریلگن و اوستی آچیق موزیمی ایتیب تیارلنگن دیر.

یوزلب اثر توپراق آستیدن چیقریلیب کورگزمه گه قوییلگن یسمک آچیق هوا موزیمیده گی اثرلرنینگ کوپراغی ایشیک ارسلانلریدن عبارت. تونلب آغیرلیگیده گی 518 ته هیکل بولگن اوستی آچیق موزیمده ایشیک ارسلانلری، اولتیرگن ارسلانلر، قناتلی ارسلانلر، تاغ تینگریسی نقش لری، اوروش صحنه سی نقش لری، و معماری قوشیمچه لر طبیعی فضاده کورگزمه ده قوییلگن.

یونسکو دنیا میراثی اوتکینچی رویخطیده اورین آلگن و هر ییلی دنیانینگ تورلی منطقه سیدن سیاحلرگه میزبانلیک قیلگن یسمک اوستی آچیق موزیمی و هیکل کارخانه سی گه 2021 ییلی هم پاندیمی بولگن حالده 15 مینگ سیاح کیلگن.