ایردوغان – پوتین نینگ جلسه سی بوییچه بیر تحلیل یازووی

تحلیل و تیکشیروو

1713422
ایردوغان – پوتین نینگ جلسه سی  بوییچه بیر تحلیل یازووی

 

ایردوغان – پوتین نینگ جلسه سی

روس – تورک مناسبتلری نینگ سوریه و لیبیا کبی جیوپولیتیک اهمیتلی انچه مسئله بیلن سینلگن بیر پیتده سوچیده جمهور باشلیغی رجب طیب ایردوغان بیلن ویلادیمیر پوتین اوچره شوو اوتکزدی. اوچره شوو وقت جهتیدن اهمیتلی ایدی. رهبرلرنینگ برچه معمالرگه بناً مثبت بیر کون ترتریبی یراتیش گه موفق بولدیلر. اینیقسه جمهور باشلیغی ایردوغان نینگ امریکا قوشمه ایالتلری و بایدن گه قره ته قتّیق بیاناتلریدن کیین سوچی جلسه سی نینگ مهم نتیجه لری هم بولیشی ممکن.

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

روس – تورک مناسبتلری جوده مهم مسئله لر آرقه لی تیست ایتیلماقده. لیبیاده روسیه هم قوللب – قوتله گن آکیلا صالح نینگ باشقروویده گی نماینده لر مجلسی حکومتدن ایشانچ رایی آلگن لیگینی بیلدیررایکن تورکیه نینگ قیریم گه قره ته یانداشووی و روسیه بیلن تورکیه نینگ پولند و اوکراین کبی اولکه لر بیلن ت ب2 سیهالرنی ساتیشی بیلن تیگیشلی خواطرلری ایککی اولکه اورته سیده بحران گه سبب بولدی. بیراق ایککی اولکه اورته سیده گی اینگ مهم مسئله سوریه بولیب دوام ایتماقده. اینیقسه سونگگی هفته لرده روسیه نینگ سیستیماتیک اوله راق ادلب نی بمبتردمان قیلیش گه باشله شی حتی تورکیه تعلیم بیریب تجهیزلنتیرگن ملی اردوگه باغلیق عنصرلرنی عفرینده آماج قرار بیریشی جدی بیر بحران یوز بیریشی گه سبب بولگندی. تورکیه بو ینگی حربی حرکت لیلیک نی ادلب گه احتمالی بیر حربی حرکات تیارگرلیگی اوله راق ساحه ده گی حربی کوچینی تحکیم ایتدی. کیین ملی مدافعه وزیری خلوصی آقر بعضی بیر بیاناتلر بیریب خواطرلرینی تیلگه آلدی. ینه روسیه نینگ سوچی کیلیشوویگه بناً پی کاکانینگ سوریه ترماغی نینگ تورکیه چیگره سیدن 32 کیلو متر کیینگه آلیب باریشی کیره ک ایکن بو تعهدینی بجا کیلتیرمه گن لیگی هم مهم بیر مسئله دیب کوریله دی.

بو روابط آستیده ایککی رهبرنینگ ینگی بیر جلسه اوتکزیب اوچره شیشی تورک – روس مناسبتی جهتیدن اهمیت گه سزاوار. شونده ی بولیب جمهور باشلیغی ایردوغان نینگ بیرلشگن ملتلر تشکیلاتی عمومی کینگشی جلسه لری باعث امریکا قوشمه ایالتلری سفریده قیلگن صحبتیده بایدن نی تنقید ایتیب پوتین و تورک – روس مناسبتی گه اولمیلی گپلری سوچیده گی ینگی جلسه نینگ اهمیتینی کوپه یتیرگن بولدی. جلسه ده ایککی رهبر سوریه، لیبیا، افغانستان کبی مهم باشلیقلرنی قاله ویرسه انرژی – جیوپولیتیک و اوزارا اقتصادی مناسبتلرنی هم تیلگه آلینگن گه اوخشه یدی. البته همجمعیت گه بیلدیریلمه گن مهم مسئله لرنینگ هم تیلگه آلینگن لیگی بهالندیریلیشی ممکن. بولرنینگ نتیجه لری بیلن تیگیشلی هم کیلگوسی باسقیچده ایککی اولکه نینگ عملیات شکلی مهم اشاره بیره دی. بیراق نتیجه ده ایردوغان و پوتین نینگ ادلب داخل هیچ بیر مسئله نینگ ایککی اولکه مناسبتلری گه سلبی تاثیر تشله مس لیگی و مثبت کون تریتیبینی قوریقلشلری کوریله دی.  

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک.

 



علاقه لی ینگی لیکلر