ادلبده گی سونگگی وضعیت بوییچه بیر تحلیل یازووی

تحلیل و تیکشیروو

1707296
ادلبده گی سونگگی وضعیت بوییچه بیر تحلیل یازووی

 

ادلبده گی سونگگی وضعیت بوییچه بیر تحلیل یازووی

بشارالاسدگه باغلیق کوچلر روسیه نینگ هوا یاردمی بیلن سونگگی پیتلرده تکرار ادلب منطقه سینی آماج قرار بیریش گه باشله دی. سوریه لیک مخالفلرنینگ قولیده بولگن و 4 میلیون اطرافیده یشووچیسی بولگن منطقه نی آماج قرار بیریش گه باشلش کتته بیر انسانی بحرانگه سبب بولگن وضعیتده. تورکیه خطرنی کوریب کوچلی حربی آدیملر آتیش گه اورونر ایکن خلق ارا همجمعیت نینگ سیس سیزلیگی بشارالاسد تیزیمی و متفقلرینی جسارتلنتیرماقده.

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

سوریه ساحه سیده گی حربی ینگی لیکلر و توقنه شوولر سونگگی آیلرده کوریلگنده تینچ بیر فضاده ایکن بشارالاسد تیزیمی روس هوا کوچلری نینگ یاردمی بیلن تکرار ادلب نی آماج قرار بیریش باشله دی. بوندن آلدین سوچیده رهبرلر سویه سیده بولیب اوتگن جلسه ده تورکیه – روسیه اورته سیده آلیب باریلگن کیلیشوو بیلن توقنه شوولر کتته درجه ده اداغگه ییتگندی. بیراق سونگگی هفته لرده کوپه ییب بارگن هجوملرگه گواه بولماقده میز. بشارالاسد تیزیم کوچلری نینگ ییردن روس کوچلری نینگ هوادن اینیقسه م 4 خطی نینگ جنوبیده جبل زاویه منطقه سینی آماج قرار بیرگن لیکلری کوریلماقده. اساسی حرکت شکلینی تیکشیریب چیققنده سوریه لیک مخالف کوچلرنینگ و تورک اردوسی نینگ شمال گه قره ب کیتیشینی تامین ایتووچی شکلده بیر حربی باسیم نیتیده ایکن لیکلری کوریلماقده. جبل زاویه منطقه سی توپوگرافیک اوله راق ادلب نینگ قالگن قسمی گه قره گنده جوده یوکسک، بناً ستراتیژیک بیر منطقه. بشارالاسد کوچلری بو منطقه گه جایلشیب ادلب نینگ شمالی گچه بارگن خطلرده کوچ کنترولینی قولگه کیریتیب، آدیم آدیم کنترولنی قولگه کیریتیب نیتیده کوریله دی. ینه م 4 لوجستیک خطیده هم بوتونله ی حاکم بولیب شرق – غرب دایره سیده حلبدن لاذقیه – الطرابلس گه قره ب اساسی یوللرده کنترولنی قولگه آلیش نیتیده.

بشارالسد و متفقلری نینگ حوصلی پلانینگ جزاسینی هردایمگی کبی تینچ اهالی کوره دی. خوددی شو وقت اون مینگلب تینچ اهالی شمال گه قره ب بدرغه بولگن وضعیتده. بوله دیگن بیر کینگ حربی عملیات بیلن یوز مینگلب تینچ اهالی نینگ بدرغه بولیشی ممکن. تورکیه یوز بیره دیگن انسانی بحراننی اویلب منطقه گه قیته دن حربی حاکمیتینی کوپه یتیریب بشارالاسد و متفق کوچلرینی حربی اوله راق آلدینی آلیش اورونیشیده. خلق ارا همجمعیت قاله ویرسه امریکا قوشمه ایالتلری بیلن بیر قطارده روسیه گه قره ته باسیم قیلیب ینگی بیر حربی عملیات تشبثی نینگ کلفتی بوله جگینی کورستیشی کیره ک. عکس تقدیرده سوریه ده قیته دن بیر توقنه شوو زمینه سی ایجاد بولگن وضعیتده.

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر فکر و ملاحظه‌لرینی اعتبارینگیزگه حواله ایتدیک



علاقه لی ینگی لیکلر