سعودی – بیرلشگن عرب امیرلیکلری اورته سیده گی توقنه شوو

تحلیل و تیکشیروو

1679244
سعودی – بیرلشگن عرب امیرلیکلری اورته سیده گی توقنه شوو

سعود – بیرلشگن عرب امیرلیکلری توقنه شووی

اوپیک پلس دیب اتلگن دنیانینگ تنیقلی نفت تولید ایتووچیلری نفت تولید مقداری بیلن تیگیشلی آلیب بارگن اوچره شوولرده سعودی عربستان بیلن بیرلشگن عرب امیرلیکلری اورته سیده یوز بیرگن بحران ایککی اولکه اورته سیده گی بحراننی یوزه گه چیقردی. ایککی اولکه اورته سیده دوام ایتیب تورگن ستراتیژیک همکارلیک که بناً سونگگی پیتلرده انچه موضوعده ایریم فکرده بولیشلری، توقنه شوونینگ یوز بیریشی، کورفز ایچی توازنی بیلن تیگیشلی مهم سواللر خلق بولماقده.

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

اوپیک پلس دیب اتلگن اوپیک اعضالری بیلن روسیه تامانیدن ایجاد ایتیلگن A D hoc تیزیمی اوزاق مدتدن بیری عرض – طلب توازنینی تامین ایتیب نفت نرخلرینی بیر سویه ده قالیشینی تامین ایتیش گه اورونماقده ایدی. اینیقسه امریکالیک قایا نفت تولید ایتووچیلری تولیدنی کوپه یتیریب بارگن ساری اوپیک پلس اعضالری نینگ باره باره بازارلرینی قولدن بیریش، نرخ توازنیده نا قرارلیک ایچیده بولگن لیکلری کوریلگن بولسه ده اعضالر بو همکارلیک نی دوام ایتتیریش گه موفق بولگن ایدیلر. بیراق ینگی توازنده بیرلشگن عرب امیرلیکلری گه تعیین قیلینگن مجبوری تولید مقداری نینگ اوستی گه چیقیش اورونیشی سعودی عربستان نی غضبلنتیرگن کوریله دی.  سعودی نفت وزیری نینگ عادتدن تشقری بیرلشگن عرب امیرلیکلرینی آماج قرار بیریشیدن کیین ایککی تامانلیک عیبلاولر دوام ایتدی.

انچه انالیست مسئله نینگ فقط اوپیک + تولید مقداری ایمس ایکن لیگینی ایککی اولکه اورته سیده جدی بیر بحران یوز بیریش گه باشله گن لیگینی ادعا ایتماقده. فلسطین مسئله سیده قطر و یمن کبی موضوعلرده تامانلرنینگ ایریم یانداشووده بولگن لیگی کوریله دی.

در حقیقت ترامپ نینگ پیتیده اسرائیل و سیونیستلرنینگ باشقروویده بیرلشگن عرب امیرلیکلری و سعودیلر تامانیدن ایجاد ایتیلگن بیر ائتلاف باردی. منطقه بیلن تیگیشلی برچه ستراتیژیک مسئله لرده ائتلاف اعضالری بیرگه لیکده حرکت ایتماقده ایدی. بیرلشگن عرب امیرلیکلریدن محمد بن زاید و اونینگ تاثیری آستیده قالگن لیگی ادعا ایتیلگن سعود ولیعهد شهزاده محمد بن سلمان هم بو سیاست نینگ آلیب بارووچیلری اوله راق کوریلماقده ایدی. بیراق بو دایره ده اسرائیل و بیرلشگن عرب امیرلیکلری منفعتلری سعودی عربستان نینگ کوزی نینگ آلدیده بولیب توررکن قراللیک ایچیده عکس العمللر هم کوپه ییب باردی. اینیقسه فلسطین و یمن موضوعلریده جدی ایریلیشلر یوز بیریش گه باشله دی. ترامپ نینگ اقتدارنی قولدن بیریشی نینگ آرتیدن نتنیاهو حکومتی نینگ هم سلب صلاحیت بولیشی بیلن ائتلاف نینگ برهم ییب باررکن سعودلر هم اوز منفعتلرینی بیرینچی اورینده قوییش گه باشله دی. فلسطین مسئله سیده پرو-اسرائیل یانداشوویدن وازکیچیلگن حالده قطر بیلن هم مناسبت نینگ نورماللشیشی تامین ایتیلدی. ینه یمنده بیرلشگن عرب امیرلیکلری، حوثیلرگه قرشی دوام ایتیب تورگن حربی عملیاتلردن قول تارتدی. سعودلر بیرلشگن عرب امیرلیکلرینی ایریلیقچی جنوب جبهه سینی قوللب – قوتلش بیلن عیبلرکن شونده ی بولیب اوپیک جلسه سیدن کیین یخشیراق نمایان بولدی.

البته کی ایککی اولکه نینگ کتته توقنه شوو و کوره ش گه کیریشی اوستیده باش قاتیریلمس لیگی کیره ک، بیراق ایندی سعودی عربستان نینگ اوز منفعتلرینی اورته گه قوییب حرکت قیله جگی و انچه مسئله ده ایریم پوزیشن آله جگینی تخمین قیله میز. محمد بن سلمان نینگ هم بو جریاندن فایده لنیب بونی اوز آتیگه قیلیشی بهالندیریلیشی ممکن.    

 

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک



علاقه لی ینگی لیکلر