تورکیه نینگ تروریزم گه قرشی کوره شی بوییچه بیر تحلیلی یازوو

تحلیل و تیکشیروو

1647628
تورکیه نینگ تروریزم گه قرشی کوره شی بوییچه بیر تحلیلی یازوو

تورکیه نینگ تروریزم گه قرشی کوره شی

تورکیه تامانیدن عراق نینگ شمالیده ترور تشکیلاتی پی کاکا جایلشه دیگن منطقه لرگه قرشی الیب باریلگن پنجه چقماق و یلدیرم عملیاتلری دوام ایترکن حلی گچه 150 اطرافیده تروریست جنگری تاثیرسیز وضعیت گه کیلتیریلدی. تورک قوراللی کوچلری یاز فصلیده مذکور عملیاتلرنی کینگه یتیریب دوام ایتیشی کوتیلماقده. تورکیه عین دمده اولکه ایچیده هم ترور تشکیلاتی نی آماج قرار بیرر ایکن میت ایسه یوتوقلی استخبارات عملیاتلری بیلن ترور تشکیلاتی نینگ اوزیچه ییتکچی کدرلرینی تصفیه ایتماقده.

تشقی سیاست بوییچه تیکشیرووچی جا‌ن اجون نینگ موضوع گه دایر فکر و ملاحظه‌لرینی اعتبارینگیزگه حواله‌ قیله‌میز .

تورکیه مدافعه دوکتیرینی اوله راق تروریزم گه قرشی کوره شر ایکن اوزاق مدتدن مدافعه  ده قالگندن کیین حدوددن تشقری عملیاتلرگه جهت بیریب ترور تشکیلاتی پی کاکانی سوریه و عراقده آماج قرار بیرماقده. ینه اولکه ایچیده تاغلیک ساحه لرده ترور تشکیلاتی گه تام ساحه باسیم عملی قیلیب برچه قرارگاهلریگه قرشی کینگ – کولملی عملیات آلیب بارماقده. شونده ی بولیب ترور تشکیلاتی تورکیه ایچیده ترورچیلیک قیلیش قابلیتینی قولدن بیرگن وضعیتده. چیکه حدودلرده ترور تشکیلاتی منسوبی سانی 250 کیشی اطرافی گه کیلگن. بو هم تروریزم گه قرشی کوره ش بوییچه تاریخی یوتوق دیب سنله دی. ایچکی ایشلر وزیری سلیمان سویلو بیرگن بیاناتده بیلدیریشیچه تورکیه ایچیده ترور تشکیلاتی گه قوشیلیش تقریباً صفرلنگن وضعیتده. تاثیرسیز وضعیت گه کیلتیریلگن هر پی کاکا منسوبی تروریست جنگری نینگ جایی نینگ تولدیرالمه گن لیگینی کورسته دی.

تورکیه بیر تاماندن منسجم شکلده عراق و سوریه ده ترور تشکیلاتی پی کاکانی آماج قرار بیرماقده. عین دمده ملی استخبارات تشکیلاتی (میت) هم قابلیتینی کورستیب پی کاکا منسوبی اوزیچه ییتکچی کدرلر و ساحه قومندانلری نینگ تعقیبیده دیر. حلی گچه بو شکلده اونلب تروریست ییتکچیسی تاثیرسیز وضعیت گه کیلتیریلدی. سونگگی باسقیچده پی کاکانینگ

 سوریه نماینده سی صوفی نورالدین تاثیرسیز وضعیت گه کیلتیریلدی. ینه دوحوکده غاراگه یقین منطقه ده 4 ته تروریست جنگری ییردن انسان استخباراتی و هوادن سیهالر آرقه لی تاثیرسیز وضعیت گه کیلتیریلدی. ترور تشکیلاتی نینگ قومنده تیزیمی چوکیب قالگن وضعیتده. ینه روحیه جهتیدن بو ییتکچیلرنینگ آماج قرار بیرلیشی کتته اهمیت گه سزاوار.

تورکیه پی کاکا ترورچیلیگی گه قرشی کوره شده تاریخیده هیچ بولمه گن مقیاسیده یوتوق قازانگن وضعیتده. سیاسی اراده و قرارلیلیک تورکیه قوراللی کوچلری و میت نینگ امکانیت و قابلیتی کیلگن سویه جهتیدن تورکیه جوده یخشی وضعیتده. تورکیه نینگ بو موفقیتی مدافعه صنایعی و اونینگ صادراتی گه هم عکس ایتماقده. سونگ اوله راق بیر ناتو اولکه سی و اروپا بیرلیگی اعضاسی بولمیش پولندگه 400 میلیون دالر ارزشیده ت ب 2 صادراتی بوییچه کیلیشووگه قول قوییلدی. بو یوتوققه تورکیه تامانیدن ایشلب چیقیرلگن تیزیملرنینگ اکتیف اوروش ساحه سیده دواملی تیست ایتیلیشی حصه قوشماقده.  

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.



علاقه لی ینگی لیکلر