کوید-19 بیلن تیگیشلی تحلیلی یازوو

تحلیل و تیکشیروو

1555760
کوید-19 بیلن تیگیشلی تحلیلی یازوو

تشقی سیاست بوییچه تیکشیرووچی جا‌ن اجون نینگ کوید-19 گه دایر فکر و ملاحظه‌لرینی اعتبارینگیزگه حواله‌ قیله‌میز .

2020 ییلی برچه دنیا اوچون انچه قیین اوتدی دیب ایتسه بوله دی. اینیقسه چین نینگ وهان شهریده ایلک مرته کوریلگن کوید کسل لیگی نینگ برچه دنیاگه ییره ب باریشی بیلن اقتصادی، سیاسی و همجمعیت جهتیدن جوده قیین بولیب اوتدی. انچه تلفات یوز بیردی البته تورکیه هم بوندن تاثیرلندی. دنیانینگ انچه اولکه سیده توقنه شوولر دوام ایترکن استقرارسیزلیکلر، طبیعی فلاکتلر هم یوز بیردی. ایندی کویدگه قرشی ایشلب چیقریلگن واکسین بیلن 2021 ییلی گه امید بیلن کیرماقده.

202 ییل نینگ باشیده چین نینگ وهان شهریده باشله گن کوید 19 دیب اتلگن ویروس آدیم – آدیم ایریم اولکه لرگه ییره ب باردی. آلدیمگی کرونالردن فرقلی اوله راق تیزلیک بیلن انسانلرگه یوققن بو ویروس باریب باریب بیر پاندیمی گه ایلندی و دنیانی اسیر آلدی. کسل لیک ییره ب باریش سری و انسانلرنینگ جانینی آلیش گه دوام ایتدی بوهم حیات طرزی گه اوزگریش تاثیر قالدیریب مهم چاره – تدبیرلر آلیش گه مجبور قیلدی. البته اولکه لرنینگ ساغلیقنی سقلش تیزیملری هم تیست بولدی. شونده ی بولیب دنیاده بو ساحه ده یخشی امتحان اوتکزگن اولکه لردن بیرته سی تورکیه بولدی. سونگی پیتلرده ساغلیقنی سقلش تیزیملری گه عملگه آشیرگن سرمایه کیریتیشلر ینگی قوریلگن شهر کسلخانه لری، محلی امکانیتلر بیلن ایشلب چیقریلگن تنفس جهازلری تورکیه نینگ بو جریاندن کمراق تلفات بیلن چیقیشی گه سبب بولدی. بیراق گلوبال پاندیمی نینگ تاثیری دنیانینگ ایریملریده بولگنیدیک اقتصاد ساحه سی بوییچه تورکیه گه هم حس ایتیلدی. پاندیمی نینگ سیاسی، اقتصادی و همجمعیت گه قالدیرگن تاثیری اینگ کوپ امریکا قوشمه ایالتلریده یوز بیردی. جریان نینگ یمان آلیب باریلیشی بیلن بیرگه میلیونلب انسان ویروس گه یولیقدی و 300 مینگدن آرتیق کیشی حیاتینی یوقاتدی. اون میلیونلب انسان ایشسیز قالدی. امریکا قوشمه ایالتلریده دوام ایتگن دولت رئیسلیک سیلاوی گه تاثیر قالدیریب ترامپ نینگ بایدن گه قرشی مغلوبیت گه اوچره شی گه سبب بولدی.

شونده ی بولیب ایتالیا، اسپانیا، فرانسه و انگلستان کبی اولکه لرده هم وضعیت قانیقرلی ایمس ایدی و بو اولکه لر دنیانینگ ایریم اولکه لریدن آغیرراق کلفتلر بیلن دوچ قالدیلر. اینیقسه اوزاق آسیا اولکه لری نینگ یخشیراق سیناو اوتکزگن لیگینی ایتیش ممکن. چین ویروس نینگ وطنی بولگن حالده تیزده اوزیگه کیلدی، کوریا و ویتنام کبی اولکه لر کم ضرر بیلن اوتکزدی. انچه متخصص غرب و شرق اورته سیده گی پاندیمی بیلن کوره شده تیکشیروو قیلیب اوزاق شرق آسیانینگ غرب قره گنده رواجلنگن لیگینی یوزه گه چیقردی. انچه آسیا اولکه سی غرب گه نظراً انچه رواجلنگن لیگینی کورستدی.

بو توغری بولیشی ممکن ویا انسانلرنینگ حیات طرزی تاثیر قالدیرگن بولیشی ممکن. شو بیر حقیقت کی پاندیمی نینگ غرب گه قالدیرگن تاثیری شرق نینگ غرب گه قره گنده تیزراق رواجلنیشی گه سبب بوله دی.  

 

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.

 

 

 



علاقه لی ینگی لیکلر