تورک کیمه سیگه رخصتسیز تینتوو حرکتی

تحلیل و تیکشیروو

1536428
تورک کیمه سیگه رخصتسیز تینتوو حرکتی

ایرینی واقعه سی

اوتگن هفته‌ نه‌فقط تورکيه و اروپا بیرلیگی مناسبتلری، بلکه‌ تورکيه‌ نینگ جرمني بیلن بولگن مناسبتلریگه هم سلبي تأثیر کورسه‌ته‌دیگن واقعه‌ یوز بیردی. لیبیا‌گه بویاق محصولاتلری و بشری یاردمی آلیب کیته‌یاتگن تورک بیراقلی «راسه‌لینه-ه» ناملی سودا کیمه‌سی «همبورگ» ناملی آلمان کیمه‌سی تامانیدن توخته‌تیلیب، تورکيه‌ نینگ رخصتی بولمه توروب کیمه‌ده تینتوو اوتکزیلدی

خوفسیزلیک بوییچه تیکشیرووچی مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

اروپا بیرلیگی تامانیدن جاري ییل نینگ باشیده لیبیا‌گه قورال چیکلاوی نظارت قیلیش دایره‌سیده توزیلگن اوپیرا‌سیون اِیرینی حرکتی مرکزی معلوم قیلیشیچه، بیرلشگن ملتلر تشکیلاتی خوفسیزلیک کینگشی قرارلری دایره‌سیده تورک بیراقلی «راسه‌لینه-ه» ناملی سودا کیمه‌سیده تینتوو اوتکزیلگنی، تورکيه‌دن رخصت اوچون جواب کیلمه‌گنیگه قره‌مه‌ی، بنغازی بندریدن تخمیناً 160 مِیل شِمالده خلق‌ارا دینگیز حدودلریده حرکتلنه‌یاتگن کیمه‌گه توشیلگنلیگی، کیمه‌ کپتانی و ملازمی قرشیلیک کورسه‌تگنلیگی و تورکيه‌ نینگ کیمه‌ده تینتوو اوتکزیلیشیگه قرشی چیققنلیگی معلوم بولیشی بیلن اوپراسیون‌ توخته‌تیلگنلیگی قید ایتیلدی. قاله‌ویرسه، تینتوو وقتیده کیمه‌ده بیران ناقانوني یوک تاپیلمه‌گنلیگی معلوم قیلینگن.

اوپراسیون‌ جریانیده کیمه‌ کپتانی و ملازملریگه نسبتاً عیبداردیک معامله‌ قیلینگنی میدیا‌ده کینگ ترقه‌لگن ویدیوتصویرلرده اوز عکسینی تاپگن. اهمیتلیسی شوکی، تورک بیراقلی کیمه‌ بولگنلیگی اوچون تورکيه‌دن تینتووگه رخصت بیریلمه‌گنلیگی معلوم بولیشی بیلن تینتوونی توخته‌تیب، کیمه‌ سفریگه رخصت بیریلگنلیگی تأکیدلنگن. بو ایسه، بیران دولت نینگ تورکيه دولتی نینگ رخصتیسیز کیمه‌ده تینتوو اوتکزه آلمه‌سلیگی نینگ اثباتیدیر.

معلوم بولگنیدیک، آلمان حربي کیمه‌سی ملازملری جرمني مدافعه‌ وزیرلیگی تامانیدن بیلگیلنگن قاعده‌لرنی بوزگن حالده، تورک بیراقلی سودا کیمه‌سیگه ناقانوني روشده توسقینلیک قیلگن. کیمه‌ ایگه‌سی بولگن تورکيه دولتیدن و کیمه‌ کپتانیدن رخصت آلینمسدن، قراقچیلردیک کیمه‌گه باسقین اویوشتیریب، تینتوو اوتکزدیلر. سونگره‌، «تورکيه‌ نینگ رخصتی یوقلیگی سببلی تینتوونی توخته‌تیب، کیمه‌دن جونب کیتدیک» دییه عجایب ایضاح بیلدیردیلر.

تورکيه اوشبو اوپراسیون‌ دایره‌سیده اوزیگه نسبتاً چیکلاو جاري ایتیلیشیگه قطعیاً قرشی چیقماقده. زیرا، بو تشبثگه قول اورگن دولتلردن بیری فرانسه‌ نینگ لیبیا‌گه قرشی قورال چیکلاوینی بوزگن و اوشبو دولت نینگ قانوني حکومتینی تونتریشگه اورینگن فعاللردن بیری ایکنلیگی برچه‌گه معلوم.

بیرلشگن ملتلر تشکیلاتی خوفسیزلیک کینگشی نینگ لیبیا‌گه قورال چیکلاوی بوییچه‌ قراری بهانه‌سیده عملگه آشیریلگن اِیرینی اوپراسیونی فرا‌نسه کبی اروپا بیرلیگی  دولتلری نینگ اوز منفعتلری دایره‌سیده  توزگن شرقي اورته‌ ییر دینگیزی بوییچه‌ سیاستی نینگ بیر واسطه‌سیگه ایلنر ایکن،  جرمني نینگ بونی قوللب-قوّتلشی نه‌فقط بیرلین اوچون، بلکه‌ بروکسیل اوچون هم اوته‌ سلبي عاقبتلرگه آلیب کیلیشی احتمالدن خالی ایمس. 2004-ییلی 1 می تاریخیده ینگلیش بیر شکلده GKRY نی اروپا بیرلیگی اعضاسی ایتیب آلیب شرقی اورته ییر دینگیزی مسئله لری نینگ بیر پارچه سی وضعیتی گه ایلنگن اروپا بیرلیگی نینگ ایسه ایندی لیبیا توغریسیده ینه شونقه ینگلیش گه قول اوروش یانداشووی ایچیده ایکن لیگی کوریلماقده.

خوفسیزلیک بوییچه تیکشیرووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.

 

 

 



علاقه لی ینگی لیکلر