پی کاکانینگ سوریه ده گی تهدیدی دوام ایتماقده
تحلیل و تیکشیروو
پی کاکانینگ سوریه ده گی تهدیدی دوام ایتماقده
تشقی سیاست بوییچه تیکشیرووچی جا‌ن اجون نینگ پی کاکانینگ سوریه ده گی وضعیتی بیلن تیگیشلی فکر و ملاحظه‌لرینی اعتبارینگیزگه حواله قیله‌میز .
سوریه ده گی بحراندن فایده لنیب تکرار تاپیلگن ترور تشکیلاتی پی کاکا بشارالاسد تیزیمی بیلن کیلیشب خیالی شکلده عفرین، کوبانی و جزیره کنتونلرینی اعلان قیلیب آرتیدن داعش گه قرشی کوره ش نی واسطه قیلیب امریکا قوشمه ایالتلری بیلن عسکری بیرگه لیککه کیریب کنتونلرنی بیرلشتیریب تورکیه نینگ جنوب چیگره سینی بوتونله ی کیسیت تشله یه دیگن شکلده بیر تروریستیک دولت چیلیگی قوریش اورونیشلری ایچیده بولگن دیر. تورکیه ایسه بو تهدیدنی کوریب توسیق بوله دیگن حمله لر قیلرکن اولاً فرات قلقانی آرتیدن زیتون یاله سی عملیاتی و تینچلیک بولاغی عملیاتلری آرقه لی تهدیدنینگ سویه سینی قوییگه کیلتیریش گه موفق بولدی. بیراق پی کاکانینگ موجودیتی منطقه ده دوام ایتماقده.
ترور تشکیلاتی پی کاکانینگ سوریه ده گی ترماغی بولمیش پی وای دی و وای پی جی ایچیده عربلر هم بولگن بیر اوست سقف اوله راق سوریه دموکراتیک کوچلری دیگن معناده فرات نینگ شرقیده عین العربدن حاسیکی گچه، جنوبده رقه و دایرالزورده غربده ایسه منبج و تل رفاتده گی موجودیتینی دوام ایتتیرماقده. بو منطقه لرده بیر اداری ساختار تشکیل ایتیب امریکا قوشمه ایالتلری نینگ حمایه سیده سوریه نینگ نفت و طبیعی گاز منبعلری نینگ هم مهم بیر قسمینی کنترول ایتیب تورگن دیر. تشکیلات عین دمده منطقه ده کینگ کولملی زراعتی ییرنی و اولکه اوچون ییتمه یه دیگن سوو منبعلری نینگ کنترولینی هم قولیگه آلگن وضعیتده. تورکیه سونگی تینچلیک بولاغی عملیاتی آرقه لی تل ابیض و راس العین کبی منطقه لرنی قوتقریب آلیش گه موفق بولگن بولسه هم ترور تشکیلاتی حلی هم 40 مینگ کیلومترلیک ساحه نی قولیگه توتماقده.
BPH نینگ آرتیدن تورکیه اولاً امریکا قوشمه ایالتلری بیلن اوندن کیین روسیه بیلن منطقه اوچون کیلیشوولرگه قول قویگن دیر. اینیقسه سوچیده روسیه بیلن فرات نینگ شرقی بیلن تیگیشلی ایچیده تعهدلر بولگن مهم کیلیشووگه قول قویدی. بونگه کوره ترور تشکیلاتی عین العربده مالکیه – فشحبور گذرگاهی گچه بولگن منطقه دن جنوب گه قره ب 32 کیلومتر کیینگه قیتیب کیتیش نی قبول ایتگن دیر. بیراق عملده بونینگ بولمه گن لیگی کوریلماقده ئیر. شونده ی بولیب ترور تشکیلاتی تل رفات، عین عیسی و تل تمیر کبی منطقه لردن استفاده قیلیب تورکیه نینگ کنترولی آستیده بولگن منطقه لرده دواملی تروریستیک هجوملر اویوشتیرماقده. کوپراق موترگه اورنه تیلگن منفجره مواد آرقه لی عملگه آشیریلگن بو هجوملرده یوزلب تینچ اهالی حیاتینی یوقاتگن دیر. تشکیلات بو جایده قوتقریلگن منطقه لرنی آماج قرار بیرماقده دیر.
بناً تورکیه جهتیدن ترور تشکیلاتی نینگ سوریه ده گی موجودیتی تهدید تشکیل ایتماقده. تشکیلات چیگره خطیدن 32 کیلومتر جنوب گه قره ب کیتمه گن تقدیرده ینگی عملیاتلرنینگ آلیب باریلیش احتمالی هم بار. موجود وضعیتده پی کاکانینگ سوریه ده گی موجودیتی فرات نینگ هم شرقی همده غربی اوچون هر شکلده تهدید تشکیل ایتیش گه دوام ایتماقده دیر.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله ایتدیک.
