تورکیه نینگ روسیه بوییچه سیاستی

تحلیل و تیکشیروو

1510493
تورکیه نینگ روسیه بوییچه سیاستی

تورکیه نینگ روسیه سیاستی

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

روسیه هم جغرافی اورنی همده عسکری و اقتصادی کوچ اوله راق تورکیه اوچون هردایم اهمیت گه سزاواردیر. یقین تاریخ گه قره گنده تورکیه نینگ غرب تامانی گه اورین آلیشی و روسیه نینگ منطقه گه قره ته ساووق اوروش کبی بولگن سیاستی بیر رقابت و کوره ش سویه سیده دیر. اینیقسه آق حزب اقتداری و 15 جولای تونتروو تشبثی نینگ آرتیدن مذکور سیاست نینگ اوزگرگن لیگی کوریلماقده. تورکیه ایندی روسیه بیلن مناسبتینی غرب تامانی و چین گه قرشی بیر توازن عنصری اوله راق جایلشتیرماقده دیر.

   15 جولایده یوز بیرگن تونتروو تشبثی انقره نینگ تشقی سیاستده اساسی اوزگریشلرگه سبب بولدی. سونگگی بیر نیچه ییل گه قره گنده اسرائیل گه قره ته بولگن یانداشوو، گیزی حادثه لری، فتوگه بیریلگن تشقی کمک و سوریه گه قره ته سیاست تورکیه نینگ غرب دنیاسی بیلن مناسبتی گه منفی تاثیر قالدیرگن دیر. شونده ی بولیب ایکو/پولیتیک و حربی معناده کوچه ییب بارگن و مستقلراق، اوز منفعتلرینی مرکزگه آلگن، اوزیگه ایشانگن بیر تورکیه نینگ غرب دنیاسیده کورالمسلیک لیگی انیق. شونده ی بولیب مناسبتلری سلبی بولیب بارگن شو وقتده فتونینگ تونتروو تشبثی گه مستقیم ویا غیر مستقیم بیریلگن کمک تورکیه نینگ تشقی سیاستده توازن برقرار قیلیش اورونیشلریگه سبب بولگن و آرتیدن چین بیلن بیرگه روسیه نینگ هم مهم بیر اولکه اوله راق تورکیه مناسبت ترماغیده مهم اورین آلیش گه باشله گن لیگی کوریلماقده دیر. سوریه بیلن تیگیشلی آستانه جریانی بوییچه دوام ایتیب تورگن شریکلیک، لیبیا و ایریم توقنه شوو منطقه لریده آلیب باریلگن مذاکره لر قاله ویرسه مدافعه صنایع و هسته ای انرژیده دوام ایتیب تورگن مناسبت مهم موضوعلر تشکیل ایتگن دیر. ایککی اولکه ایجاد ایتگن بو مهم مناسبت بیلن امریکا قوشمه ایالتلری نینگ بیر تامانلمه چیکلاو عملی قیلیش سیاستی گه بیر مشترک جواب معناسیگه کیله دی.

خوف بو ایککی اولکه اورته سیده حلی گچه بوتونله ی متفقلیک مناسبتیدن ویا ستراتیژیک شریکلیکدن سوز یوروتیش ممکن ایمس دیر. سوریه و لیبیاده ماس کیلمه گن منفعتلر بحث موضوعی دیر. روسیه نینک "کُرد مسئله سی" گه یانداشووی انقره ده جدی خواطرگه سبب بولگن وضعیتده. شونده ی بولیب غرب دنیاسیدن کیلگن تهدید بو ایککی اولکه نی بیرگه لیکده حرکت قیلیش گه مجبور قیلماقده دیر. تورکیه جهتیدن روسیه و چین بیلن یراتیلگن مناسبت ترماغی غرب گه بوتونله ی الترناتیف جهت آلیش اوله راق کوریلمه یدی، کونجکتورل معناده تورکیه نینگ غرب – شرق توازنینی تشکیل بیریب اوز منفعتلرینی کوپه یتیره دیگن ینگی بیر توازن قیدیرووی اوله راق کوریلماقده دیر.      

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.

 

 



علاقه لی ینگی لیکلر