لیبیاده سونگی وضعیت

تحلیل و تیکشیروو

1453394
لیبیاده سونگی وضعیت

لیبیاده سونگی وضعیت

تورکيه‌ نینگ ملي کیلیشوو حکومتی، فایده‌سیگه اره‌لشووی بیلن برچه‌ موازنتلر اوزگرگن لیبیا‌ده هم حربي همده‌ سیاسي اوزگریش یوز بیریشگه  دوام ایتماقده.

تورکیه قوراللی کوچلری  تامانیدن قوللب-قوّتلنگن  ملی کیلیشوو حکومتی کوچلری سیرته و جفره شهرلرینی اقولگه آلیش اوچون اوزاق تیارگرلیک کوریب بو منطقه نینگ اطرافیده جایلشر ایکن، اولر اوزلری نینگ کوچلرینی هوا مدافعه‌ تیزیملری بیلن کوچه‌یتیریشگه اورینماقده‌لر. شونده ی بولیب حفتر بیلن علاقه‌دار قوشینلر ایسه  روسیه‌ نینگ  سوريه آرقه‌لی جفره‌گه آلیب اوته‌دیگن حربي اوچاقلر بیلن  بیر قطارده  بیرلشگن عرب امیرلیکلری تامانیدن مالی یاردم بیریلگن بشارالاسد تیزیمی گه  قره‌شلی  جنگریلرنی  منطقه‌گه آلیب کیریش  بیلن حربي معناده قرشیلیک  کورسه‌تیش نیتیده.  ینه‌  حربي رواجلنیشدن تشقری، لیبیا  دیپلوماسی ساحه‌سیده  هم جوده‌ فعالدیر.

تورکيه بیلن بیر قطارده فرانسه و ایتالیا ینه‌ اوزینی نمایش ایتر ایکن، شونینگدیک، مصر، بیرلشگن عرب امیرلیکلری‌ نینگ  تشویق ایتیشی بیلن مصرده‌گی تونترووچی جنرال عبدالفتاح السیسی لیبیا‌ده‌گی توقنه‌شووگه آچیق بیر شکلده اره‌لشیشی ممکنلیگی حقیده بیاناتلر بیردی.

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

لیبیا‌ده اوزاق وقتدن بیری دوام ایته‌یاتگن توقنه‌شوولرنینگ جهتی تورکيه‌ نینگ  اره‌لشووی و ملی کیلیشوو حکومتی  کوچلرینی  قوللب- قوّتلش طفیلی اوزگرگندن کیین حفترنی  قوللب-قوّتله‌گن  اکتورلر توغریدن-توغری اره‌لشیشگه کیریشیشگه مجبور بولگن کورینه‌دی.

روسیه، فرانسه، بیرلشگن عرب امیرلیکلری و مصر کبی دولتلر تامانیدن توزیلگن بو‌ ائتلاف؛ گرچه اولر نینگ منفعتلری تورلیچه بولسه هم، اساساً اولر حفتر  کوچلری نینگ بوتونله‌ی مغلوب ایتمسلیک و لیبیا‌نینگ بوتون لیبیا اوستیدن حکمرانلیک قیلیشیگه یول قویمسلیک اوچون کیتمه-کیت حرکتلر قیله باشله‌دیلر.اولرنینگ اساسي اوستوار یونه‌لیشلری دیپلوماسی میزینی سفربر قیلیش، بیر مدت آتشکیسین گه رخصت بیریش و حفتر  کوچلرینی  اوشبو مغلوبیتدن سقلب قالیشدیر. بو دورده روسیه حربي اوچاقلرنینگ و بیرلشگن عرب امیرلیکلری تامانیدن مالی حمایه لشتیریلگن، بشارالاسد تیزیمیدن پولیس‌ کوچلری لیبیا‌ده‌گی آلدینگی جبهه لرگه ایلگریلشی حاضرچه  توخته‌گن وضعیتده‌دیر.

شونگه قره‌مه‌ی، بیرلشگن عرب امیرلیکلری  مملکت نینگ غربیده‌گی واطیه حربی قونلغه ‌سیگه قیلگن هوا هجومی ائتلاف نینگ قَی درجه‌ده قطعيلیگینی نمایش ایتیشده مهم‌  بیر کورسه‌تکیچدیر. هیچ بولمه‌گنده، بو دولتلر حاضرگی وضعیتنی سقلب قالیش سیرته و جفره کبی شهرلرنی نفت یریم آیی بیلن بیرگه‌ ملی کیلیشوو حکومتی کوچلری قولیگه توشیشی نینگ آلدینی آلیشنی ایسته‌یدیلر. تورکيه قانوني حکومتنی قوللب-قوّتلشده دوام ایتماقده. اوتگن هفته‌ تورکيه‌دن عالي درجه‌ده‌گی سفرلر و  توزیلگن بیر نیچه ته بیتیم نینگ امضالنیشی بو وضعیت  مستحکملشتیرماقده.

البته‌‌، تورکيه لیبیا ساحه‌سیده  دیپلوماسی گه امکانیت بیریشنی و سیاسي ییچیم جریانیدن کیین دایمي آتشکیسین توزیشگه اینتیلیشنی ایسته‌یدی.

بیراق، بو نینگ اوچون 2015 ییلده مراکشده امضالنگن سهیراط شرطنامه‌سیگه کوره‌  برچه‌ کوچلرنینگ آرقه‌گه چیکینیشی یعنی سیرته و جفره کبی ایکّیته مهم‌ منطقه‌نی ملی کیلیشوو حکومتی کوچلری ایگللب آلیشینی کورسه‌تماقده.

اما، تامانلر بو نقطه‌ی نظردن کیلیشیب آلیشلری ممکن کورینمه‌یدی ملی کیلیشوو حکومتی کوچلری یقین کونلرده سیرته شهرینی ایگللب آلیش اوچون عملیات باشله‌تیشینی تخمین قیلیشیمیز ممکن.

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.



علاقه لی ینگی لیکلر