پنجه – بورگوت عملیاتی

تحلیل و تیکشیروو

1444422
پنجه – بورگوت عملیاتی

پنجه – بورگوت عملیاتی

تورکيه؛ سوريه و لیبیا بویلب حربي عملیاتلرینی عملگه آشیرر ایکن، پی کاکا ترور تشکیلاتیگه قرشی هم کوره‌شیشده دوام ایتماقده.

شو نقطه‌ی نظردن، عراق نینگ شمالی تورکيه بیلن چیگره‌سیگه یقین بولگن تاغلیق حدودلر  هوا و قوروقلیک عملیاتی  و بورگوت پنجه‌سی نامیده‌گی عملیات‌ بیلن  تورک کوچلری هوا آرقه‌لی عملگه آشیرگن  عملیات‌  بیلن کوپلب اینگ یوقاری تیپه لرنی قولگه کیریتیب آلدی.

تورکيه ینگی  بیر خوفسیزلیک دوکترینسی بیلن آخرگی ییللرده سوريه و  عراق  کبی منطقه‌لرده  جایلشگن ترور تهدیدلرینی یوق قیلیش اوچون  اولرنی نشانگه آلماقده.

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

تورکیه اوزاق ییللر دوامیده‌ بولووچی مارکسیست و لینینست  مفکوره‌لی پی کاکا ترور تشکیلاتی بیلن کوره‌شر ایکن، سونگگی ییللرده ینگی بیر خوفسیزلیک دوکترینسینی  اوزلشتیریب  و حربي استراتیژي اوزگرتیریب ترورگه قرشی کوره‌شماقده. چیگره‌دن تشقری توغریدن-توغری ترورنی نشانگه آلیب، تهدید تورکيه‌گه ییتیب کیلمسدن توریب  یوق قیلماقچی. بو نقطه‌ده اینیقسه‌ ترور تشکیلاتی منطقه‌ده‌گی ترتیبسیزلیکلردن فایده‌لنیب،  تروریستلرنینگ عراق و سوريه‌ده کینگ میدانلرگه یاییلمس لیگی اهمیتگه ایگه‌دیر. شو نقطه‌ی نظردن، تورکيه  پی کاکا نینگ لوجیستیک واسطه‌لریدن فایده‌لنیب، قوروقلیک چیگره‌لرینی نظارت قیلیشدن تشقری  تورکيه  توپراقلریده عملگه اوشقیره‌دیگن تروریستیک  هجوملرنینگ آلدینی آلیشگه حرکت قیلماقده.

تورکيه سونگگی ییللرده اینیقسه‌ سوريه‌ده فیرات قلقانی، زیتون یاله ‌سی و تینچلیک بولاغی نامیده‌گی  کینگ کولملی حربي بیر حرکت اویوشتیرر ایکن باشقه‌ تاماندن ایسه  ترور تشکیلاتی پی کاکانی توغریدن- توغری  نشان آلماقده. قرارلی روشده باشله‌گن  اوشبو عملیات‌  جریانی پنجه‌ حرکتلری و اینگ سونگ باشله‌تیلگن پنجه - بورگوت حرکتی بیلن دوام ایتماقده. تورکيه عراق نینگ شِمالیده تشکیلات جایلشگن تاغلیک حدودلرنی  نشان آلر ایکن،  عملیات‌ بیلن تشکیلات نینگ لوجستیک زیربناسی یوق قیلینیشگه حرکت قیلینماقده. بوندن تشقری حدودده  تیپه‌لیکلرگه جایلشیب  نظارتینی تأمین ایتیب،  تشکیلات نینگ عراق- تورکيه و عراق سوريه چیزیغیده آسان حرکت قیلیشلری نینگ آلدینی آلیشگه حرکت قیلماقده. ینه‌ ترور تشکیلاتی پی کاکا قورشاوگه آلینیب یوق قیلینماقچی.

البته‌‌، کینگ کولملی حربي عملیاتلر آلیب باریلر ایکن  بیر تاماندن ، ساحه‌ده‌گی ثمره‌لی استخبارات‌ یاردمیده انیقلنگن یوقاری مرتبه‌لی رهبرلری هم  یوق قیلینماقده  و تشکیلات نینگ بویروق و نظارت توزیلیشی یوق قیلینیشگه حرکت قیلینماقده.

بو ییرده، اینیقسه‌، تورکيه‌ نینگ ملي مدافعه‌ صنایعی تامانیدن ایشلب چیقیلگن جوده‌ ثمره‌لی قوراللنگن اوچووچیسیز هوا واسطه‌لریدن فایده‌لنیلگنلیگی  کوریلماقده.

تورکيه پی کاکا ترور تشکیلاتیگه قرشی اوتمیشگه نظره‌ن ینه‌ تأثیرلی روشده کوره‌شه‌یاتگن  وضعیتگه کیلدی.

 

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.



علاقه لی ینگی لیکلر