لیبیا اوروشیده سونگی باسقیچ
تحلیل و تیکشیروو
لیبیا اوروشیده سونگ باسقیچ
لیبیا ملي کیلیشوو حکومتی گه قره‌شلی قوشین تورکيه نینگ یاردمی بیلن پایتخت الطرابلس اطرافیده، جنرال حفترگه قره‌شلی جنگریلرنینگ مغلوبیتگه اوچره‌شیشیدن کیین شرققه قره‌ب یول آلیب ساحل شهری سیرته و ستراتیژیک اهمیتگه ایگه حربی قونلغه صفتیده‌گی جُفره شهرینی قولگه کیریتیش اوچون حرکت قیلماقده. ینگی بیر عملیات باشله‌گن وضعیتده. جنرال حفتر ایسه قاهره‌ده سیسی بیلن اوچره‌شیب آتشکیسین گه چقیرر ایکن هیچ بولمه‌گنده ساحه‌ده موجود حربي وضعیتنی سقلب قالیشگه اینتیلیب، آتشکیسیننی طلب قیله‌دی.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله قیله‌میز .
تورک قوراللی کوچلری لیبیا نینگ اوروشده‌گی تأثیرینی قوللب-قوّتلشی کون سه یین کوچه‌ییب باردی. جنرال حفتر بیرینچی مرته مدافعه وضعیتی گه اوتدی. تورکیه قوراللی کوچلری الطرابلس و مصرعته شهرلریگه جایلشووی و لیبیا اوردوسیگه حربي تعلیم و مصلحتلری بیلن لیبیا اوردوسینی ضرور بولگن حربي جهازلر بیلن تأمینلنیشی اوروش نینگ یونه‌لیشینی بوتونله‌ی اوزگرتیردی. اینیقسه، مملکت نینگ غربي منطقه‌سیده‌گی هوا حاکمیتینی قولگه آلیش بیلن حفتر مغلوبیتگه اوچره‌ب آرقه‌گه چیکینیشگه باشله‌دی. ایندی توقنه‌شوولرنینگ هدف مرکزیده بولگن ایککی ته ستراتیژیک مهم شهر بار. ساحل شهری سیرته بو ییرده‌گی جوده مهم حربی قونلغه جایلشگن جفره بیلن کتّه اهمیت کسب ایتماقده.
اوشبو ایکّی شهر نینگ مهم‌لیگی شونده‌کی، اولر مملکت نینگ نفت ذخیره‌لری نینگ اینگ مهم قِسمی جایلشیب نفت بازاریگچه آچه‌دیگن ایشیکلردیر. لیبیا ملی کیلیشوو حکومتی گه قره‌شلی لیبیا اوردوسی اوشبو نفت مرکزلریگه ییتیب باریشنی، اونی کنترول آستیگه آلیش آرقه‌لی ایشلب چیقریش و صادرات قیلیشنی باشله‌ماقچی. جنرال حفتر مملکتده نفت ایشلب چیقریشنی توخته‌تیب قوییب و صادراتنی بیرلشگن عرب امیرلیکلری کبی مملکتلرنینگ طلبلرینی دقتگه آلگن حالده توخته‌تیب قویگن وضعیتده ایدی.
شوشونده ی بولیب، ملی کیلیشوو حکومتی اقتصادي جهتدن باسیم آستیده قاله دی همده نفت نینگ جهان نرخلری تخمیناً 1،5 میلیون واریل نفت قازیب آلیشنی توخته‌تیشی بیلن کوتریله‌دی. شو نقطه‌ی نظردن، ملی کیلیشوو حکومتی آتشکیسین و سیاسي ییچیم اوچون چوکیگه اوتیرمسدن آلدین سیرته و جفره بیلن بیرگه هلالینی قولگه کیریتیشنی مقصد قیلیب آلگن.
لیبیا‌ده حربي ساحه‌ده بولگنی کبی مهم سیاسي اوزگریشلر هم موجود. بیرینچیدن، جنرال حفترنی قوللب-قوّتله‌یدیگن بیرلشگن عرب امیرلیکلری، روسيه، مصر کبی دولتلر تیزده اوروشنی توخته‌تیشنی و ملی کیلیشوو حکومتی گه نسبتاً کوپراق جای یوقاتیشی نینگ آلدینی آلیشگه حرکت قیلماقده‌لر.
اما بوندن هم مهمراق، جنرال حفتر حربي مغلوبیتیدن کیین تورلی اکتورلرنی قیدیریشگنی. اینیقسه تبروقده جایلشگن وکیللر مجلسی باشلیغی عقیله صالح کون ترتیبیگه کیلگن اسملردن بیریدیر. لیبیا‌ده‌گی عمومي پویشن لرنی ایزلشده دوام ایته‌یاتگن تورکيه بیر تاماندن حربي و سیاسي یاردمینی دوام ایتتیرر ایکن، باشقه تاماندن امریکا قوشمه ایالتلری و روسيه‌نی توازنلش نقطه‌ی نظریدن سعی- حرکت قیلماقده. امریکا قوشمه ایالتلری سونگگی پیتلرده لیبیا سیاستی ملی کیلیشوو حکومتی فایده‌سیگه اوزگره باشله‌گنلیگی کورینیب توریبدی. روسيه نینگ شرقده‌گی حربي موجوديتی کوچه‌ییب باریشی امریکا قوشمه ایالتلرینی راحتسیز قیلیب تورکيه بیلن بیرگه‌لیکده حرکت قیلیش مجبوريتینی توغدیرماقده.
تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.
