کرونا و پی کاکا ترورچیلیگی

تحلیل و تیکشیروو

1418571
کرونا و پی کاکا ترورچیلیگی

کرونا و پی کاکا ترورچیلیگی

ترورچیلیک تشکیلاتلری جنایت اویوشتیریش اوچون هر قنده‌ی امکانیت اقلیمیدن  فایده‌لنیشگه حرکت قیله‌دیلر. دنیا مقیاسیده  انقراضگه ایلنگن  کرونا‌ نینگ  ترقه‌لیشی ترور تشکیلاتلری اوچون تورلی امکانیتلر تقدیم ایتماقده. داعش، آخرگی آیلرده عراقده کوتیلمه‌گن ترور هجوملرینی کوپه‌یتیرگنگه اوخشه‌یدی. گرچه کوپ‌گینه تحلیلچیلر داعش نینگ تاباره‌ کوپه‌ییب باره‌یاتگن ترورچیلیک حرکتلرینی 2019 ییلدن بیری دوام ایته‌یاتگن "استراتیژي اوزگریشی" نینگ دوامی دیب بیلیشه‌دی؛ ایتیش ممکنکی، کرونا پاندمیسی داعش نینگ ایشینی یینگیللشتیره‌دی. داعش بیلن بیر قطارده ترور تشکیلاتی  پی کاکا هم سوريه همده‌ تورکيه‌ده ترور هجوملرینی آخرگی آیلرده اوج آلدیرگن  وضعیتده. سونگگی بیر هفته‌  ایچیده  عفرینده وطنداشلرنی نشان آلگن پی کاکا، اوتگن هفته‌  ایسه  تورکيه‌ گه ترورچیلیک هجوملرینی دوام ایتتیردی. و اینگ سونگ وا‌ن شهریده کرونا طفیلی یاردم ترقه‌ته‌یاتگن تینچ اهالینی نشان آلدی.  بو وضعیتدن پی کاکا کرونا پاندمی سببی بیلن یوزه گه چیققن ناانیقلیکدن ینگی استراتیژي بیلن  اوشبو امکانیتدن فایده‌لنماقچی ایکنینی کورسه‌تماقده.

خوفسیزلیک بوییچه تیکشیرووچی یازووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز.

ترور تشکیلاتی پی کاکا کوپ  تامانلمه استراتیژي عمل آشیرماقده. اوشبو استراتیژيلردن بیرینچیسی پی کاکا نینگ اروپاده‌گی پاندمی آرقه لی آلیب بارگن تبلیغی تشکیل ایتماقده. پی کاکا نینگ اروپا مملکتلریده‌گی نماینده لری انتی-کرونا اروپا کوردیناتوری دیب ناملنگن توزیلیشگه اوتیب، کرونا اساسیده  ینگی تبلیغ ترماغینی تشکیل ایتگن وضعیتده. اوشبو  توزیلمه‌ نینگ  مقصدی بولگن قریلر،  کرونیک کسللر و مهاجر کمپلریده‌ بولگن آدملر اوشبو اجتماعي واسطه‌لردن فعال فایده‌لنیله‌یاتگنلیگی کورینیب توریبدی.

 بو دایره‌ده، پی کاکا کرونا پاندمیسی سببلی ینگی خیریه‌ کمپاینی نامی بیلن اروپانی لوجیستیک و لابی فعالیتی اوچون ینگی مادیل منبعی صفتیده  فایده‌لنماقده.

اوشبو کمپاینلر ترور تشکیلاتی پی کاکا نینگ اروپا عیاللر فعالیتلری (TJK-E) و اروپا نادولت تشکیلاتلری نماینده لری (KCDK-E) تامانیدن عملگه آشیریلگنی  کوریلماقده، کمپاین مرکزی جرمني‌ نینگ  پایتختی برلنده جایلشگن. شو نقطه‌ی نظردن، پی کاکا برلینده  کمپاینینی یوریتیش  اوچون بحران میزی تشکیل قیلگن وضعیتده.

ترور هجوملر توغریدن-توغری پی کاکا نینگ ایکّینچی استراتیژيسینی تشکیل قیله‌دی. 2020 جنوری آییدن بیری 9 ته هجوم عملگه آشیرگن پی کاکا  اوشبو هجوملرنینگ 5 ته‌ سینی تورکيه‌ده، کروناویروس واقعه‌لری کوریله باشله‌گن  2020 ییل 10 مارچدن  کیین  عملگه آشیردی. پی کاکا تامانیدن اپریل آییده دیاربکرده‌گی بیر قیشلاقده عملگه آشیریلگن هجومده، بو سفر نشان توغریدن-توغری  یورتداشلر ایدی،  5 تینچ وطنداش هلاک بولدی. تورکيه‌ نینگ تشقریسیده  پی کاکا تورکيه‌گه قرشی نشانی ایسه شِمالی عراقده  بولگن تورک قوراللی کوچلری خادملری ایدی. 25 مارچ کونی صادر بولگن هجومده 2 تورک عسکری شهید بولدی، 24 اپریل کونی صادر بولگن هجومده 1 عسکر شهید بولدی. بو دورده پی کاکا تامانیدن عملگه آشیریلگن برچه‌ هجوملر چیکه منطقه لرده عملگه آشیریلگن ، شهرلرده ترورچیلیک هجوملرینی اویوشتیریش امکانیتی بولمه‌گنلیگی کورینیب توریبدی. بو نینگ اساسي سببی شونده‌کی، تورکيه خوفسیزلیک کوچلری چیکه منطقه لرده  فعالیتی نینگ یوقاری سویه‌ده بولیشی. شونده‌ی قیلیب، پی کاکا ترورچیلری کمین قوریش‌ تاکیتیکی یاردمیده چیکه منطقه لرده هجوم قیلیش امکانیتیگه ایگه‌.  باشقه‌ تاماندن، تورکيه خوفسیزلیک کوچلری نینگ ترور تشکیلاتی پی کاکاگه قرشی اوپراسیون‌لری دوام ایتماقده. ملي استخبارات‌ تشکیلاتی  2020 ییل جنوری- می آیلری (MİT) و  تورکیه قوراللی کوچلری جنوری آییده عراق نینگ  شِمالیده 44، فبروریده 52 توپلم 221 موافقلشتیریلگن ایچکی و چیگره‌ تشقریسی عملیات‌ اویوشتیردی ، شو جمله‌دن  مارچده 54 و اپریلده 71 ته بولدی. عملیاتلر نتیجه‌سیده توپلم 17 مینگ 502 ته علاقه‌ واسطه‌لری، یینگیل قورال و باشقه‌لر حیاتي ضرور نرسه‌لر اوق-داریلر قولگه آلیندی و 162 تاکتیکی ترور عنصری یوق قیلیندی.

ایچکی ایشلر وزیرلیگی چوکاتیده‌گی پولیس‌ و جاندارم تامانیدن مملکتده و چیگره‌دن  تشقری  عملیاتلرینی "قیدیر-تاپ-یوق قیل " تیزکار اوپراسیون‌ اسلوبی بیلن اوز فعالیتینی دوام ایتتیرماقده.

ایچکی ایشلر وزیرلیگی تامانیدن اعلان قیلینگن معلوماتلرگه کوره‌ عملگه آشیریلگن توزاق اوپراسیون‌لری نتیجه‌سیده؛ جنوری آییده 7 مینگ 998 ته عملیاتدن 45 ته‌سی، فبروریده 5 مینگ 584 چیکه حدود؛ 1385 شهر اوپراسیون‌لریده 86، مارچ آییده 7 مینگ 119 قیشلاق  حدودده؛ 922 شهر اوپراسیون‌ نتیجه‌سیده 52، اپریل آییده 8 مینگ 163 قیشلاق حدودده، 252 شهر اوپراسیونی نتیجه‌سیده 34 پی کاکا ترورچیسی  یوق قیلیندی.

سونگگی ییللرده ترور تشکیلاتی پی کاکا، تورکيه‌ نینگ تروریزمگه قرشی کوره‌شی طفیلی حرکت قابلیتی  کمه‌یگن بولسه هم بونگه بیر چیقیش استراتیژيسی ایزیده ایکنلیگی کوریلماقده. حاضرچه او اوزی قیدیرگن امکانیتنی تاپدی  دیب ایته آلمه‌یمیز. پاندمیدن کیین پی کاکا ترور تشکیلاتی  عنصرلری  چیکه باش‌پناه‌ ساحه‌لریگه  تارتیلیب اقلیم شرایطلری نینگ قوله‌یلیگی سببلی "ینگی استراتیژي" نی عملگه آشیریش باسقیچیگه اوتیشنی مقصد قیلیب آلگن. بیراق،  کرونا‌دن  کیینگی ینگی منطقوي سیاست شرایطیده، عراقده‌گی حاضرگی وضعیت و سوريه‌ده دوام ایتگن توقنه‌شوو شرایطی  پی کاکا بو مقصدینی عملگه آشیره آلمه‌یدی.

خوفسیزلیک بوییچه تیکشیرووچی یازووچی مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.



علاقه لی ینگی لیکلر