داعش کروناویروس دوریده ینگیدن اوزینی تیکلش ایزیده

تحلیل و تیکشیروو

1414444
داعش کروناویروس دوریده ینگیدن اوزینی  تیکلش ایزیده

داعش کروناویروس دوریده ینگیدن اوزینی  تیکلش ایزیده

سونگگی هفته‌لرده عراق و سوريه‌ده ترور تشکیلاتی داعش نینگ هجوملری ‌سانیده کیسکین اوسیش کوزه‌تیلگن.

خوفسیزلیک بوییچه تیکشیرووچی یازووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز.

بو یوکسه‌لیش نینگ  آرتیده ترور تشکیلاتی داعش تامانیدن قبول قیلینگن ینگی  بیر استراتیژي تورگنینی  ایتیش ممکن. تشکیلات کروناویروس ترقه‌لیشینی  ینگی هجوملرنی تشکیللشتیریش، ایزداشلرینی رغبتلنتیریش و یقین شرق، افریقا و آسیاده‌گی بی‌قرار حدودلر اوچون الترناتیف بیر اکتور ایکنینی مستحکملش اوچقون فایده‌لنماقده.

اوشبو استراتیژينی چول پارتیزانلری استراتیژيسی صفتیده انیقلش ممکن. اوشبو استراتیژي نینگ بیر قِسمی صفتیده، داعش نینگ بویوک استراتیژيسی، فرات دریاسی نینگ شرقي و غربیده  آلدینگی ترماقلرینی تیکلشگه اورینیب، منطقوي کوچینی ینگیدن تیکلشدن عبارت.

ترور تشکیلاتی داعش نینگ کروناویروس کسل لیگی دوریده عملگه آشیرماقچی بولگن استراتیژيسینی عملگه آشیریشگه اینتیلیشی، کرونادن کیلیب چیققن بی‌قرارلیکدن  فایده‌لنیب گلوبال تیریلیشگه اوتیش آرزوی نتیجه‌سیدیر.

کسل لیک باشلنگنیدن بیری، داعش افغانستان، غربي افریقا، مرکزي افریقا، ساحل، مصر و یمنده فعالیت‌لرینی تیزلشتیردی، چونکه‌ دنیا بویلب خوفسیزلیک عملیاتی ضعیفلشدی. عراق، ما‌لدیو آراللری و فلپینده‌گی کسل لیک سببلی یوزه‌گه کیلگن بوشلیکدن فایده‌لنگنلیگی کورینیب توریبدی. اوشبو مملکتلردن تشقری، او غربگه هجوم قیلیشگه چقیریقلرنی هم اعلان قیلدی.

ترور تشکیلاتی داعش، کرونا کسل لیگی طفیلی یوزه‌گه کیلگن بحراننی فرصت صفتیده کوریب ترورچیلیک هجوملری استراتیژيسیده قیته‌دن  کوریب چیقیلگنلیگی توشونیلماقده.

بو امکانیت، اینیقسه‌ عراق و سوريه‌ نینگ  انتی-داعش ائتلافی دوام ایتگن اوپراسیون‌ و  محلي عنصرلریدن تشکیل تاپگن داعشگه قرشی کوره‌ش سیاستلریده  کروناویروس سببلی  اوزگریش کیریتیش نینگ آرتیدن ینه‌ کوپراق یوزه گه چیقدی.

ترور تشکیلاتی بو وضعیتدن تیزده فایده‌لنه باشله‌دی و ییرسیز-خلیفه‌لیک دوریدن کیین عملگه آشیرگن ینگی ماسلشوو استراتیژيسینی آلیب کیلدی.

فرانسه‌ نینگ عراق بیلن کیلیشگن حالده اوز قوشینلرینی آلیب چیقیب کیتیشی، امریکا قوشمه ایالتلری حربي کوچلری نینگ بعضی حربي مرکز‌لردن آلیب چیقیب کیتیلیشی و  حربي  سینشلری نینگ توخته‌تیلیشی عراقده‌گی داعشگه قرشی کوره‌شنی سوسه‌یتیرگن بولسه-ده، تشکیلات نینگ عراقده‌گی هجوملری تیز سرعتلر بیلن کوچه‌ییشگه سبب بولدی.

باشقه‌ تاماندن، سوريه‌ده‌گی وای پی جی-ایس جی دی نظارتی آستیده‌گی فرات نینگ شرقیده، داعش هم ایچکی حلقه‌ صفتیده اوزینی نمایان قیله‌دی و اوزینی حربي کوچ دیب بیلگیله‌یدی، بو عراقده‌گی هجوملرنی دوام ایتتیریش امکانیتینی بیره‌دی.

ترور تشکیلاتی داعش نینگ عراقده‌گی فعاللیگی کوپ کینگ بیر  جغرافي حدودده ترقه‌لگن سنّی عرب ییرلریده صادر بولماقده. هجوملرنینگ نمونه‌لری داعش اعضالری خوفسیز روشده اوتیشلری ممکن بولگن تأمینات و قوللب-قوّتلش ترماقلری نینگ موجودلیگینی تصدیقله‌یدی.

بو بیر وقتلر "کورینمس خلیفه‌لیک" حکمرانلیک قیلگن حدودلرده داعش قبیلوي توزیلمه‌لریدن فایده‌لنیش آرقه‌لی ممکن.

2020 ییل اپریل آیی دوامیده‌ داعش ترور تشکیلاتی دنیا نینگ تورلی منطقه‌لریده‌گی فعالیتینی تفصیل قیله‌دیگن ایکّیته اینفوگرا‌فیکنی نشر ایتدی ("اوروشچیلر حاصلی"). 2020 ییل 2-8 اپریل کونلرینی  اوز ایچیگه آلگن  اینفوگرا‌فیک معلوماتلرگه کوره‌، اوشبو دورده 60 ته هجوم عملگه آشیریلگن. اینگ کوپ قربانلر غربي افریقاده بولیشیگه قره‌مه‌ی، داعش تدبیرلری نینگ یرمی عراقده عملگه آشیریلگن. 16 اپریلده داعش 2020 ییل 9-15 اپریل کونلری آره‌سیده  گلوبال مقیاسده‌گی  فعالیتی  تفصیل قیله‌دیگن ینه‌ بیر اینفوگرا‌فیکنی نشر ایتدی. اوشبو دورده 49 ته هجوم عملگه آشیریلدی، اولردن 33 ته‌سی عراقده.

عراقده‌گی هجوملر نینگ کتّه‌ قِسمی اپریل آییده،  کروناویروس  طفیلی کوچه گه چیقیش منع قیلینگن پیتلرده روی بیرگن. اما حکومت عراقده‌گی ترتیبسیزلیکلر، ضدیتلی حدودلرده‌گی ماجرالر، کسل لیک سببلی حربيلر سانی نینگ کمه‌ییشی و امریکا قوشمه ایالتلری نینگ اوزگرووچی پوزیشنی داعش اوچون امکانیتلر یره‌تماقده.

اوشبو حالت عراقده‌گی استخبارات معلوماتلریده عکس ایتگن داعش جنگریلری نینگ سانی 3000 اطرافیده ایکنلیگینی و بو دورده هجوملر قنده‌ی کوپه‌ییشینی توشونتیره‌دی. سوريه‌ده‌گی ناانیقلیک داعش اوچون اوشبو امکانیتنی ینه‌ده کوچه‌یتیره‌دی. سوريه قماقخانه‌لریدن قاچگن 500گه یقین داعش جنگریسی عراقده یشیرین ترورچیلیک کمپاینینی آلیب باریشده ییترلی کورسه‌تکیچگه ایگه‌.

کرونادن آلدینگی دور بیلن قیاسله‌گنده، عراق  داعشگه قرشی عملگه آشیریلگن عملیات‌لر نینگ آییگه اورته‌چه 20 ته نی تشکیل ایتیب، داعش ترور تشکیلاتی آرتیب باره‌یاتگن تهدید ایکنلیگینی اثباتله‌ماقده.

ینه‌، داعش هجوملری نینگ کوپه یشی، بو محلي قورقیتیشدن مرکّبراق هجوملرگه اوتگنلیگینی کورسه‌ته‌دی.اولر نینگ هجوملری  آلدیندن محلي عملدارلرنینگ سوءِقصدلریگه و اونچه‌لیک مرکّب بولمه‌گن هجوملرگه قره‌تیلگن ایدی، ترور تشکیلاتی داعش کروناویروس ترقه‌لیشی بیلن بیرگه‌ EYP، پولیس‌ و عسکرلرگه کوپراق هجوم اویوشتیردی.

هجوملر نینگ یخشیلنگن و ینه‌ده اویوشگن کرکتری عراق نینگ حربي کوچلریگه کوره‌، داعش ترور  تشکیلاتی نینگ ینگی رهبری ابو ابراهیم الهاشمي القره‌یشی نینگ 2019 ییلده امریکا قوشمه ایالتلری تامانیدن اولدیریلگندن کیین تأثیری آتتیریشگه خدمت قیله‌دی.

 سوريه‌ده هم عراقده بولگنی کبی، داعش نینگ سوريه‌ده‌گی هجوملرینی کوچه‌یتیرگنینی کورسه‌تماقده. سوريه‌ده‌گی اینگ مهم‌ هجوملردن بیری 9-اپریل کونی داعش جنگریلری سوخنه شهری و  تیزیمگه قره‌شلی جایلرنی نشانگه آلیشگن پیتده روی بیرگن.

روسیه هوا هجوملرینی قوللب-قوّتله‌گنیگه قره‌مه‌ی، سوريه‌ده‌گی انسان حقلری کوزه‌توو اویی  معلوماتلریگه کوره‌، ایکّی کون دوام ایتگن توقنه‌شوولرده 32 رژیم حربي خدمتچیسی  هلاک بولدی و 26 داعش جنگریسی اولدیریلدی.

حاضرچه نه‌ داعش، نه‌ باشقه‌ بیران بیر تشکیلات هجوم اوچون جوابگرلیکنی اوز ذمّه‌سیگه آلگنی یوق. داعش بیر ییلدن بیری سوريه اوردوسی، شیعه‌ پولیسی و ایس دی جی اوچون فعال بیر فعالیت آلیب بارماقده. اوشبو حرکتلر نینگ نمونه‌سی شونی کورسه‌ته‌دیکی، داعش بمبلی‌ واسطه‌لریگه هجوملرنی کوچه‌یتیریش، کمین قوریش‌، ماینلرنی اورنه‌تیش و قوراللی هجوملر کبی تیز-تیز ایشله‌تیله‌دیگن هجوملرنی کورسه‌تماقده.

نتیجه‌ده، ترور تشکیلاتی داعش، کرونا کسل لیگینی فرصت صفتیده کوره‌یاتگنلیگی توشونیلماقده. کوزه‌تیلیشیچه، سوريه‌نی  و  عراق  کوپراق نشانگه آلینگن ایکّینچی مملکت. بیراق، عراقنی ینه‌ده دقّت بیلن کوزه‌تیب باریش کیره‌ک.

خوفسیزلیک بوییچه تیکشیرووچی یازووچی مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.



علاقه لی ینگی لیکلر