کرونا وقتیده عسکری توقنه شوولر

تحلیل و تیکشیروو

1414022
کرونا وقتیده عسکری توقنه شوولر

کرونا دوریده عسکری توقنه شوولر

کرونا‌ویروس کسل لیگی گلوبال بحرانگه ایلنیب، برچه‌ گلوبال اویینچیلرنی، اینیقسه‌ امریکا قوشمه ایالتلرینی لرزه‌گه کیلتیرگن بولسه هم، یقین شرق مقیاسیده‌گی توقنه‌شوولر  سیکینلشمسدن دوام ایتماقده.

 بیرلشگن ملتلر تشکیلاتی توقنه‌شوولر دوام ایته‌یاتگن منطقه‌لرده تینچلیک نی  اورنه‌تیشگه  چقیرسه هم لیبیا، سوريه و یمنده قان آقیشگه دوام ایتماقده. لبنانده اقتصادي معمالر و  فساد   سبب بولگن ناراضیلیک نمایشلری باشلنگن بیر پیتده، عراق حکومتی نفتگه قره‌ملی  اقتصادیاتینی توغریله‌ی آلمه‌یدی.اوشبو مملکتلردن، اینیقسه‌ لیبیا، سوريه و یمن  کرونا‌ویروس  بیلن کوره‌شیش اورنیگه  ایچکی  اوروشگه تسلیم بولگن وضعیتده. اوشبو دولتلر نینگ  کسل لیک  اولچاولری بوییچه‌ انیق رقملرگه ایریشیش ممکن ایمس. اوشبو  توقنه‌شوو حدودلریده کسل لیک-ایچکی توقنه‌شوو اره‌لشیب قالگن وضعیتده‌دیر. خلق‌ارا  تشکیلاتلر  آگاهلنتیریشدن تشقری  بیر پازیتسيه   آلگنلری  هم یوق.

خوفسیزلیک بوییچه تیکشیرووچی یازووچی دوکتور مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز.

سوريه‌ده  کمیده تورت  تورلی منطقه‌ علیحده‌-علیحده‌ کرونا‌ویوسگه قرشی کوره‌شیشگه حرکت قیلماقده دییش ممکن. رژیم نظارتیده‌گی  منطقه‌لرده کوید-19 ویروسینی یوقتیریب آلگنلر  سانی فقط 45 دیب بیلدیریلدی. ادلیب منطقه‌سیده رمضان نینگ باشلنیشی بیلن تراویح نمازلریگه اشتراک ایسه  جوده‌  یوقاری سویه‌ده ایکنلیگی کوریلماقده.بو ادلیبده کسل لیک نینگ یوق دیگنی ایمس.

ادلیب نینگ اهالیسی نینگ کوپلیگی، دوام ایته‌یاتگن توقنه‌شوو و قاچقینلر کمپلری نینگ کوپلیگینی حسابگه آلگنده، قورقینچلی منظره‌نی کوریش  بیر لحظه‌  مسأله‌سی. سوريه ملي  اوردوسی  نظارت قیلگن حدودلرده تورکيه‌ نینگ  یاردملری  کسل لیکنی  چیکلش اوچون تیغیز سعی- حرکت قیلینماقده.

امریکا تامانیدن قوللب-قوّتلنگن وای پی جی-پی وای دی تامانیدن نظارت قیلینه‌دیگن منطقه‌لرده قید ایتیلگن کسل لیکنی  یوقتیرگنلر سانی جوده‌ کم کورینه‌دی. 10 ییل دوامیده‌ ایچکی اوروشیدن یکون یه‌سه آلمه‌گن  سوريه‌ده  کیم بیله‌دی، احتمال کرونا‌ویروس کسل لیگیدن اوزاق بولیش  تقدیر نینگ بیر لطفی  بولیشی ممکن.

بوتون منطقه‌  کرونا‌ویروس خواطرده ایکن، سوريه‌ده  وقتی -وقتی  بیلن توقنه‌شوولر  هم دوام ایتماقده. اینگ فعال دینا‌میک منطقه‌لردن بیری بو کسل لیک آلدیدن هم  قیزغین کوره‌ش نقطه‌سی بولگن ادلیبدیر.

ادلیب نه‌فقط توقنه‌شوولر نینگ  دوام ایتیشی و  ینگیدن  پارتلشی نقطه‌ی نظریدن ایمس، احتمال کسل لیک بیر شکلده  کوپ سانده‌گی  آدملرگه تیزده ییتیب باریشی نقطه‌ی نظریدن هم جوده‌ مهم‌دیر.  تورکيه بیلن روسیه مسکو‌ده کیلیشوودن کیین M4-M5 قتناو یوللری نینگ  شمالي منطقه‌ده حربي کوچینی آشیریشگه  دوام ایتگنلیگی  کوریلماقده. گرچه  کرونا‌دن کیینگی چاره‌ کبی کورینسه-ده، انقره کوپراق نرسه‌نی عملگه آشیریشی ممکن. ممکن بولگن خوفسیز منطقه‌نی یره‌تیشدن  کوپراغینی انقره عملگه آشیره‌دیگنگه اوخشه‌یدی. احتمال بیر خوفسیز حدود تشکیل ایتیلیشی انقره‌ نینگ کون ترتیبیده همیشه‌ بولیب کیلدی. بیراق،  هیئات تحریر الشام آخرگی کونلرده تورکيه‌گه قرشی مناسبتی قتّيق بولیش جهتده  اشاره‌لر  موجود. هیئات تحریر الشام ایچیده‌گی بعضی گروهلر ماسکوه کیلیشووینی هنوز هم قبول قیلگن ایمسلر و بوزیش اوچون قولیدن کیلگنینی قیلماقده‌لر. این سونگ هیئات تحریر الشام جنگری ‌لری تورکيه‌گه قرشی بیر هجوم  اویوشتیردی بیر  تورک عسکری هجوم نتیجه‌سیده شهید بولدی.

البته‌‌  تورکيه  کرونا ویروسدن کیین، هیئات تحریر الشامگه   قرشی قتّيق پوزیشن آلیشی ممکن. رژیم نینگ  هجوملری  نتیجه‌سیده ادلیبده 1 میلیونگه یقین بدرغه بولیب  او ییرده سیقیشگن وضعیتده. رژیم نینگ هوا هجوملری دوام ایته‌یاتگنینی حسابگه آلسک، ادلیب اهالیسی اوچون اویده قالیب کرونا‌دن  اوزلرینی حمایه‌ قیلیشی افاده‌سی منطقي بیر  وریانت ایمس.

باشقه‌ تاماندن،  تینچلیک بولاغی حدودی صفتیده اتله‌گن راس العین و تل ابیض آره‌سیده‌گی حدودگه سیزیشگه  حرکت قیلگن وای پی جی-پی کاکالیک   ترور  عنصرلر  تیز- تیز  کتّه‌ ضربه‌ آلماقده‌لر. 

وای پی جی اوشبو حدودلرده قیشلاقلرده ترورچیلیک اوروشینی دوام ایتتیرماقده، تینچ اهالینی نشانگه آلیب  شهر خوفسیز ایمس دیگن تأثرات  قالدیریب، برقرارلیک نینگ آلدینی آلیشگه حرکت قیلماقده.

عفرینده پی کاکا-وای پی جی باشقه‌  بیر اسلوبنی  قول له‌گنگه اوخشه‌یدی. 28 اپریل کونی منفجره مواد‌ یوکلنگن موتر بیلن  قیلینگن هجوم نتیجه‌سیده 50دن آرتیق تینچ اهالی هلاک بولدی.

تورکيه تامانیدن  نظارت  قیلینگن  حدودلرده ترور هجوملری دوام ایتر ایکن،  ترور تشکیلاتی پی کاکا، سوريه‌ نینگ شمالي-شرق حدودیده جوده‌ قیین وضعیتده. تورکيه‌ نینگ ترورگه قرشی  هجوملری.  باشقه‌ تامدن  حدودلرده سونگگی هفته‌لرده داعش ترورچیلیک هجوملری هم  جدّي  روش اوج آلگنی کوزه‌تیلماقده. داعش ترور هجوملرینی دوام ایتتیریب، چول حدودلریده، اینیقسه‌ سوريه و عراق چیگره‌لری بویلب  اوزلری یشیریب ترور فعالیتی قیلماقده. بو خواه - نخواه امریکا قوشمه ایالتلری باشچیلیگیده‌گی ائتلاف نینگ  وای پی جی گه  ینه‌ کوپراق یاردم بیریشیگه آلیب کیله‌دی. کرونا‌ویروس کسل لیگینی انیق یاریتمه‌یاتگن  سوريه رژیمی  ایسه کتّه‌ اقتصادي بحرانگه دوچ قالماقده.  نفت نرخلری نینگ په‌سه‌ییشی و دوام ایته‌یاتگن چیکلاولر روسیه و ایرانگه اقتصادي تضییق اوتکزماقده. کرونا‌دن کیین  سوريه‌ده  ینگی بیر  جریان باشلنه‌دیمی یاکه یوقمی نامعلوم، اما برچه‌ تامانلر بونی کرونا‌دن کیین اوز اورنینی ایگه‌للش اوچون امکانیت صفتیده کوریشه‌دی.

لیبیا‌ده وضعیت ینه‌ده جدّي کورینه‌دی. 22-مارچ کونی کسل لیک طفیلی بیرلشگن ملتلر تشکیلاتی تینچلیک  توزیشگه چقیرسه هم،  تونترووچی حفتر  تینچلیک گه رعایه‌ قیلمه‌ی هجوملرینی دوام ایتتیریشنی تنله‌دی.  او کرونا ویروسگه قرشی کوره‌شده قینلگن الطرابلسگه قرشی  آنگلی روشده ساغلیقنی سقلش مجموعه‌لرین نشانگه آلگن. اما  ملي کیلیشوو حکومتیگه قرشی لیبیا اوردوسی بیرلشگن عرب امیرلیکلری تامانیدن قوللب-قوّتلنه‌یاتگن  حفترنی  پایتخت الطرابلسنی  باسیب آلیشگه یول قویمه‌دی.

اینگ مهمی، حفتر بعضی مهم‌ ساحه‌لردن چیکینیشگه مجبور بولدی و کتّه‌ یوقاتیشلرگه دوچ کیلدی. شونده‌ی بولسه-ده، الطرابلس نینگ جنوبیده نظارتنی سه‌قلب قالگنگه اوخشه‌یدی.

کیینچه‌لیک، خواهله‌گن نرسه‌سیگه ایریشه آلمه‌ی، 28 اپریل کونی تابروقده‌گی  مجلسی   بیکار قیلگنینی  اعلان قیلدی و  بو سفر ینگی استراتیژينی سینه‌ب، اوزینی بوتون لیبیا‌ نینگ دولت باشلیغی دیب اعلان قیلدی.

بیراق، مسکو‌دن قیلینگن بیانات بیلن، حفتر  و اونینگ  تشله‌گن قدملری ایش بیرمسلیگینی کوردی. روسیه تشقی ایشلر وزیری لاروف، حفترنینگ تشبثینی " توغری دیب تاپمه‌گنلرینی  " بیلدیردی.

بنغازی خلقی و  مجلسی هم بو وضعیتدن ممنون ایمسلر؛ اولر، گرچه  قویی سویه‌ده بولسه هم، ینگی بیر  قذا‌فينی خواهله‌مسلیکلرینی بیلدیرگن حالده، اعتراض بیلدیردیلر.

فقط بو لیبیا‌ده ایشلر یخشی دیگن معناده ایمس. کرونا، توقنه‌شوو،  نفت نرخلری، اخلت معماسی، الکتریک مسأله‌سی بیلن بیر قطارده لیبیا بویلب جمعیت نینگ امیدلری پوجگه چیققن وضعیتده.

خلق‌ارا شرطنامه‌لرده کوزده توتیلگن بیران بیر یول ریجه عملگه آشیریلمه‌گن. شو سببلی، لیبیا‌ده ایشلر تاباره‌ قیینلشماقده.

 

باشقه‌ تاماندن، یمن کسل لیک آلدیدن هم ساغلیقنی سقلش ساحه‌سیده‌گی اینگ یامان وضعیتده ایدی. حاضرچه،  کرونا ویروس  دنیاده اینگ کم کوریلگن  دولتلر قطاریده جای آلیب فقط 1 کیشیده ویروس انیقلنگن. سعودي عربستان کرونا کسل لیگی گه قرشی کوره‌شنی بیرینچی ا‌ورینگه قویگنی، یمنده‌گی حربي فعالیتنی بیر  مدت توخته‌تیب قویگنگه اوخشه‌یدی. بیراق، بو حربي ماجرالر توگه‌دی دیگنی ایمس.

کرونا‌ نینگ ترقه‌لیشی یقین شرق جغرافیه‌سیده توقنه‌شوولرنی توخته‌تمه‌دی، اما ماجرالر نینگ یونه‌لیشینی اوزگرتیریش اوچون نامزاد صفتیده اوقیش کیره‌ک.

خوفسیزلیک بوییچه تیکشیرووچی یازووچی مراد یشیل تاش نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.



علاقه لی ینگی لیکلر