کروناویروس و اورته شرق نینگ کیلجگی

تحلیل و تیکشیروو

1387747
کروناویروس و اورته شرق نینگ کیلجگی

کروناویروس و اورته شرق نینگ کیلجگی

کرونا ویروسی بوتون دنیاده تیز ترقه‌لیشده دوام ایتماقده. کلوبال یوقمه کسل لیگی گه ایلنگن بو ویروس دییرلی بیش یوز مینگ کیشیگه یوقتیریلگن وضعیتده‌دیر. کوپلب مملکت نینگ سیاسي، اقتصادي و اجتماعي توزیلیشینی لرزه‌گه کیلتیره باشله‌دی. اینیقسه‌ یقین شرق مملکتلری، کوچلی دولت اسبابلریگه ایگه‌ بولمه‌گن ساغلیقنی سقلش تیزیملری ضعیف  مذکور  مملکتلر  کتّه‌ قیینچیلیکلرگه بیلن دوچ کیلماقده‌لر.

 

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حواله‌ قیله‌میز .

 

کرونا ویروسی بوتون دنیاده بولگنی کبی یقین شرقده هم ترقه‌لر ایکن، منطقه‌ نینگ سیاسي، اقتصادي و اجتماعي توزیلیشینی  سیلکیتیشگه  باشله‌دی. اینیقسه‌، دولت قوریلمه‌لری ییترلی درجه‌ده کوچلی بولمه‌گن، اقتصادي توزیلمه‌لری ضعیف و ساغلیقنی سقلش تیزیملری کوچلی بولمه‌گن دولتلر،  ویروسگه قرشی جوده‌ ضعیف احوالده‌دیر. بو دایره‌ده  اورنک بیره‌دیگن  ایکّی مملکت  سوريه و یمندیر. بو دولتلر ایچکی نزاعلر طفیلی ییترلی درجه‌ده،   کوچلی بولمه‌گن  ساغلیک تیزیمی و  یوقمه کسل لیگی گه قرشی کوره‌شیشگه قادر ایمس. افسوسکی، اولر نینگ حالتلرینی  تستدن اوتکزیش  و انیقلش و قرنطین چاره‌لرینی کوریش جوده‌ هم قیین. شو بیلن بیرگه‌، اوشبو مملکتلرنینگ  بولینگن توزیلیشی یوقمه کسل لیگی گه  قرشی بیر  مرکز آرقه‌لی اره‌لشیش امکانیتی یوق . حاضرگی سوريه‌ده رژیم، مخالفلر و پی کاکا منطقه‌سی صفتیده اوچ فرقلی باشقروو موجود بولیب، یمنده هم شونگه اوخشش وضعیت بار.

 

ایران ایسه  کرونا یوقمه کسل لیگی بوییچه‌ دولت اسکونه‌لری يیترسیز باشقه‌  بیر دولتدیر. کسللیک نینگ ترقه‌لیشی نینگ  آلدینی آلیش ممکن ایمس ایکن، سیاسي اراده‌گه تاباره‌ زیان ییتکزماقده. اوز نوبتیده ایران منطقه‌ده‌گی طرفلی اوروشیگه سرمایه‌ کیریتر ایکن،  اوز منبعلرینی اسراف قیلیشگه دوام ایتماقده. بوندن تشقری، طلبلرنینگ کمه‌ییشی سببلی نفت نرخلری هم  سونگگی ییللرنینگ اینگ قویی درجه‌سیگه ییتدی.

 

بو وضعیت امریکا قوشمه ایالتلری چیکلاولری آستیده بولگن ایران اوچون ینه‌ هم  بیر قیین بیر مسأله‌دیر. البته‌‌، نفت نرخی نینگ پسه‌ییشی نه‌فقط ایراننی، بلکه‌ عراقنی و یقین شرقده‌گی باشقه‌ کورفز مملکتلرینی  هم مجبور قیله باشله‌گن وضعیتده‌دیر.

 

عراقده بودجه نینگ 90 فایزی نفت درآمدلریگه باغلیق بولیب اتنیک و مذهبلر ارا فرقلی اتنیک کیلیشماوچیلیک حرکتلنگن بیر دولت صفتیده  جوده‌ کتّه‌ خوف آستیده. ویروس اوزاق وقت دوامیده‌ ترقه‌له‌دیگن سناریوده حتا توپراق بوتونلیگی تهدید سالیشی ممکن. کورفز نینگ بای مملکتلری اوز فندلرینی صرفلش حسابیدن اوزلرینی حمایه‌ قیلیشگه حرکت قیلسه‌لر هم، اولر ایشلب چیقریش اقتصادیاتیگه ایگه‌  بولمه‌گنی اوچون آزیق-طعام خوفسیزلیگی نقطه‌ی نظریدن جدّی قیینچیلیکلرگه دوچ کیلیشلری ممکن. آخر عاقبت، یقین شرق نفت صادراتیگه و حکومت نینگ ضعیف قوریلمه‌لریگه قره‌ملی بولیشی  کتّه‌ انقراضگه  ایلنه‌دیگنگه  اوخشه‌یدی. عراق و ایران بیلن بیر قطارده، دولت بودجه لری نینگ کتّه‌ قِسمی نفت صادراتیدن کیله‌دیگن درآمدلر بیلن باغلیق بولیب، فارس کورفزی مملکتلری هم  کتّه‌ اقتصادی انقراضگه دوچ کیلیش احتمالی جوده‌ کتّه‌. کرونا ویروسی قوزغتگن کلوبال ریئاسیاسون جریانی نفت نرخینی 20 دالرگچه په‌سه‌یتیره‌دی و تیگیشلی مملکت بودجه لرینی باشقریب بولمه‌یدیگن حالگه کیلتیره‌دی. چیکلاولر بیلن کوره‌شه‌یاتگن ایرانگه  بو وضعیت ینه‌ده جدّی تأثیر کورسه‌تدی. ویروس ترقه‌لیشی بیلن مملکتده  اجتماعی  واقعه‌لرنی هم  اوج آلدیریشی ممکن. اگر ویروس  ترقه‌لیشگه دوام ایتگن تقدیرده یقین شرقه‌ده  تورکیه کبی مستحکم دولت امکانیتیگه ایگه‌،  ایشلب چیقریش  اقتصادیاتی و آزیق-طعام خوفسیزلیگینی تأمین ایتگن بیر نیچه‌ دولت امان قالیشی ممکن.

 

تشقی سیاست بوییچه تیکشیرووچی جا‌ن اجون نینگ اوشبو موضوعگه دایر و فکر و ملاحظه‌لرینی اعتبارینگیزگه حوالدیک.



علاقه لی ینگی لیکلر