بهار قلقانی عملیاتی بوییچه تحلیلی بیر یازوو

تحلیل و تیکشیروو

1372883
بهار قلقانی عملیاتی بوییچه تحلیلی بیر یازوو

بهار قلقانی عملیاتی

        سونگی کونلرده ادلبده یوز بیریب تورگن حادثه لر سوریه توقنه شووی نینگ ینگی بیر باسقیچ گه کیرگن لیگینی کورستماقده. روسیه نینگ حمایه سیده گی بشارالاسد تیزیمی گه باغلیغ ییر و هوا کوچلری نینگ ادلبده ستراتیژیک اهمیتی بولمیش قتناو یوللرینی قولگه کیریتیش اورونیشلریگه تورکیه نینگ قتتیق مقاومت قیلیشی ادلب نی آنیدن دنیانینگ کون ترتیبی نینگ بیرینچی قطاریده اورین آلیشی گه سبب بولدی. شونده ی بولیب 27 فبروریده بشارالاسد تیزیمی گه باغلیغ هوا کوچلری تامانیدن تورکیه قوراللی کوچلری منسوبلرینی نشان آلیب اوروشی عاقبتیده 33 عسکرنینگ شهید بولیشی ادلب بحرانی نینگ تیرمه نیب باریشی گه باعث بولدی. بناً تورکیه، بشارالاسد تیزیم کوچلری گه قتتیق و کینگ – کولملی بیر جواب بیردی. هوا هجوملری روسیه تامانیدن عملگه آشیریلگن لیگی بیلینگن حالده انقره بو هجوملرنینگ مسؤلیتینی بشارالاسد رژیمی اوله راق قولگه آلدی و ادلب نینگ اطرافیده تیزیم کوچلری گه آغیر تلفات ییتکیزدی. بو سوریه حربیده بیرینچی مرته ایککی دولت نینگ بیر – بیری بیلن قرشی – قرشی گه کیلیشی معناسیگه کیلگن حالده، تورکیه نینگ عملیاتی سوریه بحرانی بیلن علاقه سی بولمیش برچه مدخل لرنینگ جایگاهلرینی تیکشیریب چیقیشلریگه سبب بولدی.   

 

ایندی موضوع بیلن تیگیشلی اوله راق خوفسیزلیک بوییچه تیکشیرووچی یازووچی داکتر مراد یشیل تاش نینگ یازووینی تقدیم ایته میز.

تورکیه نینگ بهار قلقانی دیب اته گن عملیات اصل ظرفیت و قابلیتینی اورته گه قویدی. سوریه نینگ ایچیده گی اوروشده سوریه بیلن تورکیه بو مقیاسده قرشی – قرشی گه کیلمه گن ایدی. سوریه نینگ هوا ساحه سی تورکیه حربی اوچاقلری اوچون یاپیق بولگن حالده تورکیه قوراللی انسانسیز هوا واسطه لری آرقه لی سوریه هوا ساحه سیگه کیردی و ادلب نینگ اطرافیده گی سوریه تیزیمی نینگ حرکتلی عنصرلرینی بوتونله ی یوق قیلیب تشله دی. عملیات نینگ ایککینچی کونیده سوریه تیزیمی 2500 دن آرتیق (بولر رسمی رقملر) عسکر و جنگریسینی قولدن بیردی. عیندمده قریب 100 ته تانکی تورک هوا هجوملری آرقه لی یوق ایتیلگن. قاله ویرسه ایککی فروند SU24  و L36 مودل حربی اوچاغی هم تورکیه تامانیدن اوروب توشیریلدی. تیزیم گه ییتکیزیلگن تلفات فقط بوندن عبارت ایمس. هوا مدافعه تیزیملری توپلری و انچه زره واسطه سیینی هم قولدن بیردی. شونده ی بولیب تورکیه فقط عسکرلریگه بولگن هجومگه اوخشش جواب نینگ اورنیده تیزیم گه آغیر تلفات گه سبب بوله دیگن بیر عسکری تاکتیک و ستراتیژی عملی قیلدی. انقره اینیقسه SİHA آرقه لی هجوملری بیلن حرب تاریخیده ینگی بیر باسقیچ گه اوتیلگن بولدی.

ستراتیژی نینگ نهائی اماجی ایسه انیق؛ تیزیم نی سوچی خطی گه چیقیب باریش گه مجبور قیلیش. بیراق میداندن کیلگن خبرلر تیزیم آغیر تلفات بیرگن حالده، بولگن جایلریدن چیقمسلیکلرینی کورستماقده. شونده ی بولیب قتناو یوللری نینگ کنترولینی قولگه کیریتیش اوچون اهمیت گه ایگه بولگن سراقب منطقه سی نینگ تیز – تیز تامانلرنینگ قولی گه توشیشی بونگه دلیل اوله راق کورستیلیشی ممکن. مسکو عملیات نینگ بیرینچی کونیده تیزیم نینگ آغیر تلفاتی گه قرشی هیچ قنده ی عکس العمل کورستمه گن بولسه هم، کیینچه لیک انیق بیر پوزیشن اورته گه قویگندیک کوریله دی. سراقب منطقه سیگه عسکری پولیسلرینی آلیب کیرگن مسکو، تورکیه نینگ عملیاتنلرینی کینه یتیریش احتمالی گه قرشی اوز موجودیتینی بیرینچی پلانگه قویگن وضعیتده دیر. بو تورکیه نینگ خواهی نخواهی دقتلی یانداشوو ایچیده بولیشی گه سبب بولماقده. شونده ی بولیب ایککی اولکه هم مستقیم قرشی – قرشی گه روپرو بولیب توقنه شیش طرفداری ایمس.

تورکیه سوچی کیلیشووی نینگ چیگره سی توغریسیده قاطع بولیب توررکن، مسکونینگ نیتی نینگ باشقه چه ایکن لیگی کوریلماقده. ایککی تامان نینگ هم توقنه شوونی تیرمه لب باریشی طرفداری ایمس ایکنلیکلری اورته چیققن وضعیتده دیر.    

  موضوع بیلن تیگیشلی اوله راق خوفسیزلیک بوییچه تیکشیرووچی یازووچی داکتر مراد یشیل تاش نینگ یازووینی تقدیم ایتدیک.

 



علاقه لی ینگی لیکلر