بشارالاسد تیزیمی و اونینگ اتفاقچیلرینی ادلبده تینچ لیک که مجبورلش
تحلیل و تیکشیروو
بشارالاسد تیزیمی و اونینگ اتفاقچیلرینی ادلبده تینچ لیک که مجبورلش
بشارالاسد تیزیمی کوچلری، روسیه و ایران نینگ حمایه سینی آرقه سی آلیب آستانه جریانی نینگ عکسینچه ادلبده گی هجوملریگه دوام ایتماقده. ستراتیژیک قتناو یول نینگ کنترولینی قولگه کیریتجک شکلده ایلگریلب بارگن تیزیم کوچلری سراکب دن العیس قصبه سیگچه بولگن منطقه لرنی قولگه کیریتر ایکن سونگی بیر ییل دوامیده مذکور منطقه دن بیر یریم میلیون اطرافیده انسان کوچب بدرغه بولدی. ادلب گه قره ته کینگ – کولملی عملیات تیزیم و اتفاقچیلری نینگ ایندی سیاسی ییچیم گه کوره عسکری بیر یوتوق اوچون اورونگن لیکلرینی تایید ایتماقده. تورکیه ایسه آتگن عسکری آدیملر بیلن بونگه رخصت بیرمس لیگینی کورستدی.
ایندی موضوع بیلن تیگیشلی اوله راق تشقی سیاستلر بوییچه تیکشیرووچی جان اجون نینگ یازووینی تقدیم ایته میز.
تیزیم کوچلری سونگی 2 هفته ده ادلبده گی هجوملرینی کوپه یتیردی. ییردن ایرانگه باغلیغ شیعی جنگریلر، هوادن ایسه روسیه نینگ حمایه سینی آلیب مخالفلرگه قرشی ایلگریلب باریش گه دوام ایتدی. ادلب نینگ اینگ کتته قصبه سی بولمیش معرة النعمان نینگ قولگه کیریتیلیشی نینگ آرتیدن شمال تامانلرگه قتناو یوللرنی بیر- بیریگه باغلاوچی ستراتیژیک اهمیت گه ایگه سراکب نی هم قولگه کیریتدیلر. یوز مینگلب انسان توپ – تفنگ آستیده قالگن منطقه لردن تورکیه چیگره سیگه قاچیب کیلدی. تورکیه بو وضعیت گه قره ب ادلب نینگ ایچی گه جدی معناده عسکری حاکمیت قوریب تیزیم کوچلریگه قرشی بیر جواب بیریش گه مجبور بولدی. بیراق تیزیم نینگ توپه توغری سراکب و تفطه ناز کبی منطقه لرده تورک عسکرلریگه هجوم اویوشتیریشی عاقبتیده تورکیه سوریه ایچکی اوروشی باشله گندن بیری بیرینچی مرته بونقه بویوک مقیاسده تیزیم کوچلرینی نشان آلیش گه مجبور بولدی. جمهور باشلیغی ایردوغان تاریخینی ایتیب اگر فبروری نینگ آخریگچه تیزیم کوچلری سوچی کیلیشووی حدودی نینگ تشقریسیگه چیقمسه بیز عسکری اوله راق مداخله قیلیب چیقره میز، دیدی.
جمهور باشلیغی ایردوغان نینگ بو بیاناتلری و تورکیه قوراللی کوچلری نینگ ادلب نینگ ایچیده کتته عسکری سوملر آچیشی تورکیه نینگ منطقه گه عملیات شکلی نینگ اوزگرگن لیگینی شونده ی بولیب ینگی بیر باسقیچ گه کیرگنیمیزنی کورسته دی. تورکیه حلی هم روسیه بیلن کیلیشوو زمینه سی ایجاد ایتیب تیزیم نینگ سوچی حدودلری نینگ تشقریسی گه چیقیشینی آرزو قیله دی. بیراق اگر بو عملی بولمسه تورکیه و مخالف گروهلر تیزیم کوچلرینی تورکیه نینگ 12 کوزه توو مرکزی نینگ آرقه سیگچه سوروب یوباره دیگن بیر عسکری عملیات باشله ته دی.
تیزیم قاله ویرسه روسیه نینگ سونگی پیتلرده سوریه ساحه سیگه تشله گن آدیملری تورکیه نینگ منفعتلریگه زیان ییتکیزماقده. روسیه نینگ تورکیه نی بیر اتفاقچی اوله راق قیمتینی بیلیش وقتی ییتیب کیلدی. تورکیه نینگ عسکری ییچیم خرجتینی کوپه یتیریشی تینچلیک نینگ اهمیتی نینگ درک ایتیلیشی و روسیه تامانیدن هم بونینگ انگلب آلیشی جهتیدن شرط کبی کوریلماقده.
موضوع بیلن تیگیشلی اوله راق سیاستلر بوییچه تیکشیرووچی جان اجون نینگ یازووینی تقدیم ایتدیک.
