موضوع عثمانلی گه نظر تشلش می؟

موضوع عثمانلی گه نظر تشلش می؟

بعضی موضوعلرگه ییچیم تاپیش اوچون فقط حقلی بولیش ییترلی بولمه یدی. عثمانلی امپراتورلیگی قالدیرگن میراث هم خوددی شونقه دیر. عثمانلی گه قنداغ نظر تشلش توغریسیده تارتیشوو دوام ایتماقده. سونگیسی لبنان دولت باشلیغی میشل عون Michel Aoun لبنان نینگ قوریلیشی نینگ 100 – ییل لیگیده فرانسیزلرنینگ همکارلیگی بیلن مستقل لیکلرینی قولگه کیریتگن لیکلرینی معلوم قیلیب، عثمانلی دولتینی ترور عملی قیلگن لیگی بیلن عیبله دی. بونگه اوخشش عیبلاولرگه اروپا منبعلری و عرب درس کتابلری گه کوریش ممکن.   

انقره ییلدیریم بایزید بیلیم یورتی سیاست علملر فاکولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایته میز.

600 ییل حمرانلیک قیلگن بیر دولت و قیلگن عمل لری البته کی انچه جهتدن تنقید قیلینه دی. بیراق امپریالیست ممکلکتلر اوچون ایتیله دیگن اشغالچیلیک، فرقلی کیملیک و مدنیتلرگه باسیم کبی عیبلاولر عثمانلی دولتی اوچون بیر افترادن عبارت دیر. تورکیه ده بیر قطار گروهلر عثمانلی نینگ ایریم اتنیک گروپلرگه اسیمیله سیاستی عملی قیلمه گن لیگی بیلن تنقید قیلماقده لر. اولرنینگ نقطه نظریده بونقه بیر سیاست عملی قیلگن بولسه ایدی، عثمانلی نینگ اداره سیده گی جغرافیه لرده کوپراق تورک و مسلمانلر بولردی. فرانسه و انگلستان باشقرگن مملکتلرده کوپراق بو اولکه لرگه اوخشه گن لیگی گه قره گنده بو ادعاگه قوشیلیش ممکن. بیراق عثمانلی نینگ بو سیاستنی عمکلی قیلمه ییشی اونینگ امپریالیست اولکه لردن اجره تگن عنصرلردن بیرته سی دیر.

پاکس اوتوناما (Pax Ottomana)      

عثمانلی دولتی اوزاق عصرلر حکمرانلیک قیلگن جغرافیه لر بوگون قان کولی گه ایلنگن. بالقانلر، اورته شرق، افریقانی عصرلب تینچ لیک ایچیده بوگون ممکن بولمه گن شکلده اکثریت، تورلی دین، اتنیک، مدنیت و دین لرگه حرمت بیلن باشقرگن دیر. بونینگ انیق بیر شکلی دیر. عثمانلی امپراتورلیگی باشقرووی آستیده لیگیده برچه اتنیکلرنینگ اوز تیل، دین و مدنیتلری بیلن یشه گنلری و عثمانلی ترک ایتیب چیققندن کیین فرقلی لیکلری نینگ دوام ایتیشلری دیر. عثمانلی صلح پاکس اوتومانا (عثمانلی تینچ لیگی) دیب اتلماقده دیر. عثمانلی یراتگن اکثریت نینگ اهمیتی امریکانینگ کشف ایتیلیشیدن کیین امریکا بومی لریگه قیلینگن رویه، بومی لرنینگ دینلری، تیللری و مدنیت لری نینگ یوق بولیب کیتیشی؛ انگلستان هندوستان نینگ قویی قاره سیده فقط 150 ییل قالگن حالده بو جایده گی مملکتلرنینگ رسمی تیللری نینگ انگلیسچه بولیشی بیلن قیاسلنگنده یخشی راق تقدیر قیلینه دی.   

اگر ادعا ایتیلگندیک عثمانلی دولتی غربی امپریالیست مملکتلر عملی قیلگنی دیک باسیم سیاستی عملی قیلگن بولسه ایدی لبنان دولت باشلیغی نینگ آتی میشل عون بولیشی اوزی نینگ عیسوی بولیب قالیشی ممکن ایمسدی. او کبی عیسوی بولمیش انچه اثرنینگ یازووچیسی امین معلوف نینگ امپریالیست مملکتلر بیلن عثمانلی دولتی آلیب بارگن سیاستینی مقایسه قیلیشی معناسیگه هم کیلگن شو سوزلری اولکه سی نینگ دولت باشلیغی گه جواب کبی دیر.

"هیچ بیر دین تحمل سیزلیکدن اجره تیلمه گن. بیراق بو رقیب دین نینگ نتیجه سی چیقریلسه اسلام نینگ هیچ یمانلیگی یوق. اگر اجدادلریم مسلمان اردولری تامانیدن فتح قیلینگن بیر اولکه ده عیسوی بولیش اورنیده، عیسوی تامانیدن فتح قیلینگن بیر مملکتده مسلمان بولگن بولسه لر ایدی، اولرنینگ اعتقادلرینی قوریقلب قصبه، شهر و قشلاقلریده 4 عصر یشش گه دوام ایتیشلرینی اویله مه یمن. حقیقتاً اسپانیاده گی مسلمانلرگه نیمه بولدی؟ یا سجلیاده گی مسلمانلر نیمه بولدی؟ یوق بولیب کیتدیلر. بیر کیشی قالمه گونگچه قتل قیلدیلر. سورگون قیلدیلر ویا زوروانلیک بیلن عیسوی قیلیب آلدیلر. "   

اسرائیل لیک تاریخ  پروفیسری سونگی پیتلرنینگ مطرح یازووچیسی Yuval Noah Harari نینگ حریت روزنامه سیده گی مصاحبه سیده ایتگن سوزلری پاکس اوتومانانی، عثمانلی تینچ لیگینی، تحملی صمیمیتینی کورستماقده.

"اورته زمانه اروپاسیده تحمل اصلاً یوق ایدی... 1600 – ییللرده پاریسده همه کتولیک ایدی. بیر پروتستان شهرگه کیرگنده اونی اولدیرر ایدیلر. او پیتلرده اروپاده یهودیلر سورگون قیلینردی. هیچ کیم مسلمانلرنی خواهله مس ایدی. حال بو کی خوددی شو دورلرده استانبولده تورلی مذهبلردن مسلمانلر، کتولیکلر، ارمنی لر، اورتودوکسلر، روملر، بلغارلر بیرگه لیکده راحت یشه ماقده لردی.

تاریخنی واسطه لشتیریش ویا عثمانلی جغرافیه سینی پارچه لش گه دوام ایتیش...

عثمانلی بیلن تیگیشلی عیبلاولرگه یوقاریده گی ویا ایریم شکلده جواب بیریش ممکن. بیراق اصل موضوع بو ایمس. اصل گپ امپریالیزم نینگ "بولیب تشله، پارچه لب تشله اداره قیل" ستراتیژیسی دیر. عصرلب پارچه لنیش گه مانع بولیش و تینچ لیک نینگ اونه تیلیشی گه سبب بولگن اسلام نینگ ینه شونده ی کوریش ممکن می؟ عثمانلی نینگ یوق بولیب کیتیشیدن کیین عثمانلی جغرافیه سیده گی مملکتلر (بالقانلر، اورته شرق، افریقا) نینگ پارچه لنیشی گه دوام ایتیلماقچی.

یوقاری سویه ده ایجاد ایتیلگن دین، تیل، اتنیک و مدنیت جهتدن ینگی کیملیکلر بیلن بو جغرافیه پارچه لنیب بارماقده دیر. ینگی جغرافیه لرده گی توقنه شوولرنینگ ینگی چیگره ایجاد ایتیش عملیاتلری نینگ معناسی انه شو دیر. هرنرسه نی واسطه لشتیرگن امپریالیست هدفلرنینگ تاریخنی واسطه لشتیریشدن وازکیچیشی ممکن می؟

ایندی نیمه قیلیش کیره ک؟   

بناً عثمانلی قالدیرگن میراثدن فایده لنیش اوتمیشده قالیب کیتگن ویا اوتمیش بیلن تیگیشلی بیر بهالندیریش ایمس دیر. بوگون و کیلجک اوچون بیر اورین آلیش دیر. عثمانلی و جمهوریت آیدینلری، سیاست آدملری نینگ مهم قسملری آلگن غربی لشیش وایروسی باعث بو توغریده یخشی بیر سیناو بولیب اوتگن لیگی ایتیلمه یدی. غربی لشیش بیلن اوز عنعنات، جمعیت و مدنیتیدن اوزاق قالگن آیدینلر و سیاستچیلر غربده چیققن و عثمانلینی پارچه له گن فکرلرنینگ آله سی بولگنلردیر. بوگون عثمانلی جغرافیه سیده گی ایریم اولکه لرنینگ غربی لشیش جریانی باعث اوتمیشده گی آیدین و سیاسی لری نینگ عثمانی و اوز جمعیتلری گه قره شلری هم بوندن فرقی یوق. بیراق بالقانلر، اورته شرق و افریقاده گی بوگونگی وضعیت نینگ اوتمیشدن کوپ فرقی یوق. اوز جمعیتیدن، تاریخیدن، مدنیتیدن اوزاق قالگن آیدین و سیاسی لرنینگ مملکتلرینی آلیب باراتگن جای پارچه لنیشدن باشقه نرسه ایمس دیر. بناً امپریالیستلرنی تنیب اوتمیش و بوگونگه تاریخنی، جمعیتنی و منطقه سی بیلن تینچلیک نقطه نظردن قره ش کیره ک.

بیلیم یورتی استادلری، آیدن، عالم، آق سقاللر، هر بیر منطقه دن صاحب رسوخ انسانلر، مشترک بیر حرکت بیلن تاریخ نینگ واسطه لشتیریلیشی گه منطقه نینگ کوپراق پارچه لنیشی گه قرشی توریشلری کیره ک. سیاسی هدفلرگه بها بیرمه ی فقط کوسه تیلگن پنجره دن قره مسلیک کیره ک. منطقه نینگ تشقریسیدن کیلگن پارچه لاوچی ایمس، کوپراق اوز تاریخ، عنعنات، مدنیتیدن ییغیشتیرووچی فکرلرگه قره ش کیره ک دیر. عکسی تقدیرده منطقه اولکه لری و انسانلری کوپراق پارچه له نیب بیر بیر بیلن توقنه شه دی و کوپراق امپریالیزم نینگ اویینچاغی بوله دی.

انقره ییلدیریم بایزید بیلیم یورتی سیاست علملر فآقولته سی باشلیغی پروفیسور قدرت بلبل نینگ موضوع بیلن تیگیشلی یازووینی تقدیم ایتدیک.