تورکیه ده جایلشگن برگاما توریستیک مرکزی

اوشبو ساحه 2014 – ییلده یونسکو جهان میراثی لستی گه کیریتیلدی

1188166
تورکیه ده جایلشگن برگاما توریستیک مرکزی

تورکیه نینگ غربیده گی, اینیقسه اژه دینگیزی قیرغاغی گه یقین منطقه لر, آرکئولوژیک جهت دن بای ساحه لردن عبارت. فرقلی فرهنگ لر گه میزبان قیلیب کیلگن برگاما هم اوشبو ساحه لردن بیری نی تشکیل ایتماقده.  تورکیه نینگ ازمیر ولایتیدن 100 کیلومترلیک بیر مسافه ده اورین آلگن اوشبو منطقه جوده هم مهم تاریخی بیر شهر دن عبارت البته که. 

اوشبو ساحه 2014 – ییلده یونسکو جهان میراثی لستی گه کیریتیلدی. 

برگاما ده,هلنیستیک, روم, شرقی روم و عثمانی دور لریدن قالگن اثر لرنی کوریش ممکن.  خوددی شوو فرهنگ لرنینگ بیرله شیشی نتیجه سیده اوشبو ساحه نینگ اهمیتی ینه ده آرتیب کیتگن وضعیتده. 

منطقه؛ پیرگامون, کیبله ساحه سی, الیاس تپه, ییغمه تپه, ایکیلی, تاوشان تپه, ایکس تپه, آ تپه و مالتپه دن عبارت توقّیز بولیم نی قمره ماقده. 

تاریخی متن لرده پیرگامان شکلیده یازیلگن اوشبو شهر نینگ میلاد دن آلدین 200 – ییلده آتالوس خاندانی نینگ پایتختی بولیب فرهنگ, بیلیم و سیاست نینگ مرکزی گه ایله نیب قالگن لیگی بیلدیریلگن. معبد, سرای و تیاتر سنگری مرکز لردن تشقری اوشبو جغرافیه ده کتته بیر کتابخانه هم قوریلگن. 

برماگا نینگ, میلاد دن آلدین 133 – ییلده روم لیک لرنینگ قولی گه توشیشی آرتیدن, اوشه دور نینگ اینگ مهم ساغلیق مرکزی دن عبارت آسلیپیون نینگ قوریلگن لیگی بیلدیریلماقده.

اوشبو تاریخی شهر, 14 – عصر نینگ دستلبکی ییل لریده عثمانی دولتی تامانیدن باشقریله باشله گن.  خوددی شوو دور نینگ اوزیده اوشبو شهر کینگییب فرهنگی جهت دن ینه ده باییتیلگن.  اوشبو دور ده عثمانی دولتی نینگ فرهنگی نی عکس ایتتیریاتگن حمام لر, کوپریک لر, سرای لر و بازار لر قوریلگن. 

برگاما ده, آرکئولوژیک حفریات فعالیت لری 1870 - ییلده باشله دی.  حاضرگی کونده ایسه اوشبو تاریخی شهر نینگ بویوک بیر قسمی یاریتیلیب بیریلگن وضعیتده.  اوشبو حفریات نتیجه سیده تاپیلگن اثرلر نینگ بیر بولیمی تورکیه نینگ بیرینچی آرکئولوژی موزیمی دن عبارت برگاما موزیمی ده نمایش ایتیلماقده. 

قرال نینگ عایله سی, باشلیق لر و قوماندان لرنینگ یشه گن برگاما نینگ معلوم بیر قسمی اوزی گه خاص معماری خصوصیت گه ایگه.  اینگ مهم ساختمان دن عبارت آتن معبدی نینگ افسوس که حاضرگی کونده فقط گینه تهدابی قالگن خلاص. 

آگورا و دیونیسوس معبد لری بیلن اوز دوریده 200 مینگ جلد گه ایگه کتابخانه اوشبو منطقه نینگ اینگ مهم باشقه تاریخی اثر لریدن عبارت.  اوشبو کتاب لرنینگ روم لیک قوماندان لردن بیری بولگن مارکوس آنتونیوس تامانیدن مصر قرالی کلیوپاترا گه ساوغه قیلینگن لیگی اویلنماقده. 

انتیک یونان و روم مدنیت لریده معبد لردن کیین اینگ مهم مرکز لر تیاترلردن عبارت بولیب کیلگن.  برگاما تیاتری تقریباً 10 مینگ تماشابین سیغه دیگن بیر تیاتر دن عبارت بولگن. 

قویی شهر اسمی گه ایگه بولیمده آگوره, مجسمه سازلیک مکتبی, اوی لر و سیراپیس معبدی اورین آلماقده.  روم نینگ مسیحی له شیشی آرتیدن کلیسا گه ایلنتیریلگن معبد, انجیل ده اسمی ذکر قیلینگن جایی معلوم ییتتی کلیسا دن بیرته گینه سی.

دَمیتر معبدی و سپورت مرکزی هم اوشبو تاریخی شهر نینگ مهم ساختمان لریدن عبارت. 

انتیک چاغ لرنینگ اوشبو رواجلنگن شهریده بیر کسلخانه هم قوریلگن.  عینی دمده اوشبو ساغلیق مرکزی دنیا نینگ ایلک روانی طب بوییچه کسلخانه سی دن عبارت.  خوددی شوو مرکز نینگ اوزیده طب ساحه سی بوییچه تحقیقات لر قیلینیب فرقلی تداوی میتود لریدن فایده له نیلگن. 

آنادولو نینگ اوشبو انتیک شهری گه کیله دیگن سیاح لرنینگ, شفا چشمه لریدن فایده له نیش لری و محللی پنیر بیلن شیرین لیک لر دن یییش لری نی توصیه ایتیب قاله میز. 



علاقه لی ینگی لیکلر