قنده ی قیلیب تورکیه دن بورسیه آلیش ممکن؟

چیت ایللرده گی تورک لر و قرینداش جمعیت لر اداره سی نینگ اینگ مهم پروژه لری دن بیری بولگن "تورکیه بورسیه لری" باره سیده معلومات بیره میز. شونده ی قیلیب اوشبو بورسیه لر نینگ پروسه سی و قیسی معیار لر گه کوره اوقووچی لر گه بورسیه بیریله دیگن لیگی توغریسیده سوز یوریته میز. 

اوقووچی لرنینگ سیله نیشی

اوقووچی لرنینگ سیله نیشی تورکیه بورسیه لری اوچون قیلینگن مراجعت, اوقووچی نینگ اکادمیک موفقیتی, مفردات دن تشقری فعالیت لری و باشقه مسلکی ییترلی لیک لری گه باغلیق اوله راق بهالنتیریله دی. 

بیرینچی باسقیچ

اوشبو باسقیچده مراجعت, اصغری اکادمیک نمره, یاش و کیره کلی اسناد کبی اساسی معیار لر تیکشیریله دی. 

ایککینچی باسقیچ

خوددی شوو باسقیچده متخصص لر دن تشکیل تاپگن بیر کمیته اوقووچی لرنینگ مراجعت لری, اکادمیک وضعیتی, آلدینگی ییترلی لیک لری, اکادمیک ساحه سی, کیلگوسیده گی مسلکی هدف لری, ترجیع تصمیمی, فصاحتی و اجتماعی فعالیت لر گه اشتراکی سنگری معیار لری نی تیکشیریب چیقه دی.  اوشبو باسقیچ دن کیین قبول قیلینگن کیشی لرنینگ لستی تیارله نیب ملاقات گه چقیریله دی. 

اوچینچی باسقیچ

100 دن آرتیق اولکه دن سیلنگن سونگگی لست ده اورین آلگن اوقووچی لر, اکادمسین و متخصص کیشی لر دن تشکیل تاپگن ملاقات کمیته سی تامانیدن بهالنتیریله دی. 

تورتینچی باسقیچ

ملاقات کمیته لری تامانیدن قبول قیلینگن اوقووچی لر, سیلاو کمیته سی تامانیدن بهالنتیریلیب بورسیه آله دیگن اوقووچی لر انیقلَشتیریله دی.

اوقووچی لرنینگ سیلاو کمیته سی تامانیدن سیله نیشی

مراجعه قیلگن اوقووچی لر اوز اولکه لریده بولیب اوته دیگن ملاقات لر گه چقیریله دی.  ایریم پیت لرده اوقووچی لر بیلن تلفن یاکه انترنت آرقه لی هم صحبت قیلینیشی ممکن.  ملاقات کمیته سی عموماً آلیب قره گنده تورکیه بورسیه لری نینگ کمیده بیر نماینده سی و تورکیه عالی بیلیم یورت لری نینگ ایریم استاد لریدن تشکیل تاپگن بوله دی. 

اوشبو ملاقات لر 15 الی 30 دقیقه دوام ایته دی.  اوشبو دایره سیده اوقووچی نینگ کوتیب آلینیشی, اسنادی نینگ تیکشیریلیشی, مراجعت قیلیشیده گی اساسی مقصدی نینگ انیقله نیشی, اکادمیک سویه سی و هدف لری نینگ درک ایتیلیشی آرتیدن اینگ سونگ اوقووچی گه کمیته اعضا لری گه سئوال بیریش اجازت بیریله دی.